លោក ហ៊ុន សែន នាយករដ្ឋមន្ត្រីវ័យ៦៦ឆ្នាំនៅកម្ពុជា បានថ្លែងបង្ហើបថា លោកមានបញ្ហាសុខភាព ដែលតម្រូវ​មិនឲ្យ​លោក ឈរ និងអង្គុយ«យូរ»​ឡើយ។ ជាពិសេស គ្រូពេទ្យរបស់លោក បានបញ្ជាមិនឲ្យលោក លេងកីឡាវាយ​កូនគោល ក្នុងរយៈពេលមួយខែ នៃការព្យាបាលជំងឺនេះ។

លោក ហ៊ុន សែន បានបង្ហើបពីបញ្ហាសុខភាពរបស់លោក នៅក្នុងការថ្លែងមួយ កាលពីព្រឹកថ្ងៃទី២៦ ខែធ្នូ ឆ្នាំ​២០១៨​នេះ ក្នុងខេត្តកណ្ដាល នៅចំពោះកម្មករ-កម្មការិនី ច្រើនពាន់នាក់។ លោកថា៖ 

«តាមពិត គេអត់ឲ្យឈរយូរ… ឥឡូវគេហាមទាំងឈរយូរ គេហាមទាំងអង្គុយយូរទៀត។ ប៉ុន្តែ បើហាមអស់អញ្ចឹង យើងធ្វើអីក៏អត់កើតដែរ។ ឥឡូវប្រឹងទៅ។ ប៉ុន្តែ គេហាមក្នុងរង្វង់ តែមួយខែទេ។ អាកូនគោល ក៏គេហាមក្នុងរង្វង់​មួយខែ​ដែរ ក្នុងដំណាក់កាល នៃការលេបឆ្នាំ ព្យាបាលហាត់ប្រាណ ហើយគេមិនឲ្យវាយកូនគោល មួយខែ។»

យ៉ាងណា បុរសខ្លាំងនៅកម្ពុជា មិនបានបង្ហើបថា លោកមានជំងឺអ្វី ឲ្យប្រាកដនោះទេ។ ប៉ុន្តែជំងឺនេះ បានបង្ខំឲ្យ​លោក​ចាំបាច់ ត្រូវប្ដូរកម្មវិធីផ្លូវការមួយ នៅថ្ងៃទី៣០ ខែធ្នូ ខាងមុខ ដោយលោកឲ្យលោក ទៀ បាញ់ រដ្ឋមន្ត្រីការពារ​ជាតិ ទៅជំនួសលោក នៅពេលព្រឹក ខណៈរូបលោកទៅចែកពានរង្វាន់ នៅពេលល្ងាច។ លោកបានថ្លែងបន្តថា៖

«ព្រោះខ្ញុំអត់វាយ [កូនគោល] បាន បើវាយមិនបាន ចូលតារាងធ្វើអី? តែចូលតារាង វានឹក ត្រូវតែដាក់ហើយ។ ហើយ​តែដាក់ គ្រូពេទ្យថាខុសក្បួនទៀត អញ្ចឹងត្រូវគោរព ដល់គ្រូពេទ្យ។»៕



លំអិតបន្ថែមទៀត

កម្ពុជា

ហ៊ុន សែន ស្នើឲ្យពលរដ្ឋ​«រក្សា​សុវត្ថិភាព​ផ្ទាល់ខ្លួន» ក្នុងវិបត្តិ​ទឹកជំនន់

សូមប្រជាពលរដ្ឋ «រក្សា​សុវត្ថិភាព​ផ្ទាល់ខ្លួន ក្រុមគ្រួសារ» ដោយត្រូវជម្លៀសខ្លួន ទៅរក​ទីទួលសុវត្ថិភាព។ នេះ ជាការលើកឡើងមេដឹកនាំកម្ពុជា ដើម្បីឆ្លើយតប​នឹងវិបត្តិទឹក​ជំនន់ ដែលកំពុងញាំញីខេត្តមួយចំនួន ស្ថិតនៅភាគខាងជើង និងភាគពាយ័ព្យ នៃប្រទេស។ លោក ...
កម្ពុជា

ស ខេង បដិសេធ​​ជាថ្មី មិនបាន​នៅ​ពីក្រោយ​«ការនិរទេសខ្លួន»​របស់ សម រង្ស៊ី

ឧបនាយករដ្ឋមន្ត្រី និងជារដ្ឋមន្ត្រីមហាផ្ទៃ លោក ស ខេង បានប្រកាសសារជាថ្មី ថាលោកមិនបាន​នៅពីក្រោយ «ការនិរទេសខ្លួន»របស់លោក សម រង្ស៊ី មិនឲ្យវិលចូលប្រទេស​កម្ពុជា កាលពី​ចុងឆ្នាំ២០១៥ នោះទេ។ ...
កម្ពុជា

មន្ត្រី CNRP ត្រូវខុទ្ទកាល័យ​ប្រធានាធិបតី​បារាំងទទួលជួប​ នៅសប្ដាហ៍​ក្រោយ

ខុទ្ទកាល័យប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) នឹងទទួលជួបតំណាងរបស់គណបក្សសង្គ្រោះជាតិ នៅសប្ដាហ៍​ក្រោយ ដើម្បីអនុញ្ញាតឲ្យពួកគេដាក់ញត្តិទាមទារ និងជម្រាបជូនប្រធានាធិបតីបារាំង ពីស្ថានភាពវិបត្តិនយោបាយ នៅកម្ពុជា។ នេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...