កម្ពុជាដំណឹង

ហ៊ុន សែន បន្តហាម​ពលរដ្ឋខ្មែរ​ដែលមាន​រោគសញ្ញា កុំឲ្យ​វិលចូល​មាតុភូមិ

លោកនាយករដ្ឋមន្ត្រី ហ៊ុន សែន បានប្រកាសបន្តមិនអើពើ ចំពោះពលរដ្ឋខ្មែរ ដែលរងទុក្ខនៅក្រៅប្រទេស ជាពិសេសលោក ហ៊ុន សែន បានបន្តហាមពលរដ្ឋខ្មែរទាំងនោះ កុំឲ្យ​វិលចូល​មាតុភូមិ ប្រសិនជាពួកគេមានរោគសញ្ញា នៃជំងឺ «Covid-19»។

បុរសខ្លាំងកម្ពុជា បានប្រកាសឲ្យដឹង ពីជំហររបស់លោកយ៉ាងដូច្នេះ នៅលើទំព័រហ្វេសប៊ុករបស់លោក កាលពីមុននេះបន្តិច ដោយលើកយកមកបញ្ជាក់ នូវករណីពលរដ្ឋខ្មែរច្រើនរយនាក់ ដែលបានជាប់ខ្លួន នៅក្នុងប្រទេសម៉ាឡេស៊ី ក្រោមការសម្រេចរបស់លោក យ៉ាងតក់ក្រហល់ កាលពីថ្ងៃទី៧ ខែមេសា ឆ្នាំ២០២០។

ការសម្រេចរបស់លោក ហ៊ុន សែន នៅពេលនោះ ផ្ទុយពីប្រទេសម៉ាឡេស៊ី ដែលបានបញ្ជូនយន្ដហោះ​របស់ខ្លួន ក្នុងថ្ងៃតែមួយ មកទទួលពលរដ្ឋម៉ាឡេស៊ី ពីប្រទេសកម្ពុជា ឲ្យវិលត្រឡប់ទៅកាន់មាតុភូមិ របស់ពួកគេវិញ។

ការប្រមែប្រមូលពលរដ្ឋខ្លួន ពីសំណាក់ប្រទេសម៉ាឡេស៊ីខាងលើ នៅមិនទាន់និយាយផងទេ ពីប្រទេសបារាំង ឬប្រទេសជាច្រើននៅអ៊ឺរ៉ុប ដែលមកទល់នឹងថ្ងៃនេះ បានប្រមូលពលរដ្ឋរបស់ផងខ្លួន ដែលមានចំនួនរាប់ម៉ឺន-សែននាក់ ឲ្យវិលចូលមាតុភូមិវិញ បើទោះជាបណ្ដាប្រទេសទាំងនោះ រងការរាតត្បាតដ៏សាហាវ ពីមេរោគ «Covid-19» នោះក៏ដោយ។

តែសម្រាប់លោក ហ៊ុន សែន បានយកលេស «ខ្លាចនាំជំងឺចូលស្រុក» ដើម្បីធ្វើឲ្យពលរដ្ឋខ្មែរទាំងនោះ ក្លាយជាជនដែលគ្មានស្រុកកំណើត ព្រោះតែគ្មានការគាំពារ ពីមាតុប្រទេសរបស់ពួកគេ។

សូមអានការដកស្រង់ នូវជំហររបស់លោក ហ៊ុន សែន ដែលបានសរសេរ ​នៅលើបណ្ដាញសង្គមដូច្នេះថា៖

«នៅពេលនេះ បម្រាមការធ្វើដំណើរក្នុងប្រទេស ក៏បានលើក ដូច្នេះរាជរដ្ឋាភិបាលកម្ពុជាបានសម្រេច ឲ្យកូនក្មួយពលករខ្មែរ ជាង២០០នាក់ អាចវិលត្រឡប់ មកកាន់មាតុប្រទេសវិញ។ ប៉ុន្តែសូមកូនក្មួយទុកពេលវេលា ឲ្យខាងអាជ្ញាធរម៉ាឡេស៉ី គេធ្វើតេស្តសុខភាពសិន  ដើម្បីបញ្ជាក់ថា កូនក្មួយគ្មានសញ្ញាវិជ្ជមាន នៃជំងឺកូវីដ-១៩។»

បន្តហាមពលរដ្ឋ កុំឲ្យ​វិលចូល​មាតុភូមិ

នាយករដ្ឋមន្ត្រីខ្មែរ ដែលកាន់អំណាច ជាង៣៥ឆ្នាំរូបនេះ បានគូសបញ្ជាក់ថា៖

«យើងទាំងអស់គ្នា ទាំងអ្នកនៅក្នុងប្រទេស និងក្រៅប្រទេស គឺត្រូវមានការប្រុងប្រយ័ត្នជានិច្ច កុំនាំរោគឆ្លងពីក្រៅចូលក្នុង និងពីម្នាក់ទៅម្នាក់ ព្រោះជំងឺកូវីដ-១៩ នេះ គឺងាយឆ្លងខ្លាំងណាស់។»

«សូមកូនក្មួយកុំបារម្ភអ្វី ប្រសិនបើកូនក្មួយ គ្មានជំងឺឆ្លងកូវីដ-១៩ទេ គឺកូនក្មួយអាចវិលត្រឡប់ មកកម្ពុជាវិញបាន ក្នុងពេលឆាប់ៗនេះ។ ផ្ទុយពីនេះ បើខាងម៉ាឡេស៊ីពិនិត្យឃើញ​ មានកូវីដ-១៩ ទៅលើកូនក្មួយណា គឺត្រូវនៅសម្រាក​ព្យាបាល​ នៅទីនោះសិន ហូតដល់ជាសះស្បើយ ទើបអនុញ្ញាត ឱ្យត្រឡប់មកកម្ពុជាវិញ។»

«ចំពោះកូនក្មួយដែលនឹងមកដល់កម្ពុជាវិញ គឺត្រូវធ្វើចត្តាឡីស័ក១៤ថ្ងៃ (រស់នៅដាច់ដោយឡែក) សិន ដើម្បីតាមដានសុខភាពជាបន្ត ហើយក៏មានការធ្វើចត្តាឡីស័ក១៤ថ្ងៃទៀតនៅតាមផ្ទះផងដែរ។»

ជំហររបស់លោក ហ៊ុន សែន នឹងរដ្ឋាភិបាលរបស់លោក បានរងការរិះគន់យ៉ាងចាស់ដៃ ពីមេដឹកនាំប្រឆាំង លោក សម រង្ស៊ី ដោយហៅការសម្រេច របស់បុសខ្លាំងកម្ពុជា ថាបាន«រំលោភរដ្ឋធម្មនុញ្ញ»ធ្ងន់ធ្ងរ៕



លំអិតបន្ថែមទៀត

កម្ពុជា

ហ៊ុន សែន បង្ហើបថា កឹម សុខា ព្រមាន​មន្ត្រី​កុំឲ្យ​«សុំសិទ្ធិ​ធ្វើនយោបាយ»

បុរសខ្លាំងកម្ពុជា បានបង្ហើបនៅថ្ងៃនេះ ថាមាន«អាអ្នកខ្លះ» ដែលកំពុងនៅជា​ប់ឃុំក្នុងផ្ទះ បានព្រមានមន្ត្រីខ្លួនឯង កុំឲ្យ​«សុំសិទ្ធិ​ធ្វើនយោបាយ»។ បើគេមិនច្រឡំទេ «អាអ្នកខ្លះ» ដែលនាយករដ្ឋមន្ត្រីកម្ពុជាសំដៅនោះ គឺលោក កឹម សុខា ប្រធានគណបក្ស​សង្គ្រោះជាតិ ...
កម្ពុជា

កម្ពុជា​រកឃើញ​ករណី​អ្នកជំងឺ «Covid-19» ចំនួន​៤នាក់​បន្ថែម

កម្ពុជាបានបញ្ចេញតួលេខផ្លូវការ នៃករណីឆ្លងមេរោគ «កូរូណា» ឬ «Covid-19» ចំនួន​៤នាក់​បន្ថែម ក្នុងយប់ថ្ងៃទី២៤ ខែមីនានេះ ដែលធ្វើឲ្យតួលេខអ្នកឆ្លងមេរោគ សរុបមានចំនួន ៩១នាក់។ សេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ...
កម្ពុជា

សួន សេរីរដ្ឋា ថ្លែងពី​«ខ្លាសេដ្ឋកិច្ច» ដែលទិញ​អំបិលទឹកភ្លើង​ពីបរទេស

កម្ពុជាជា«ខ្លាសេដ្ឋកិច្ច»? សម្រាប់លោក សួន សេរីរដ្ឋា ពិបាកឲ្យនិយមន័យ ចំពោះពាក្យ​ថា «កម្ពុជា​ខ្លាសេដ្ឋកិច្ច» ប៉ុន្មានម៉ាត់នេះណាស់ ដោយហេតុថា មេដឹកនាំខ្មែរមិនចេះ​រក​ការងារ​ឲ្យពលរដ្ឋធ្វើនៅក្នុងស្រុក ហើយបើសូម្បីអំបិលទឹកភ្លើង ក៏ខ្មែរត្រូវទិញនាំចូល​ពីបរទេស​ដែរ។ អតីតប្រធានគណបក្សអំណាចខ្មែរ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...
កម្ពុជា

Covid-19៖ កម្ពុជាមានអ្នកជំងឺស្លាប់ ២នាក់ទៀត ក្រោយ​ផ្លាស់មន្ទីរពេទ្យ

អ្នកជំងឺ ២នាក់ទៀត បានទទួលមរណភាព ដោយសារជំងឺកូវីដ-១៩ (Covid-19)។ ជនរងគ្រោះទាំងពីររូបនោះ ដែល​ម្នាក់ជាជនជាតិខ្មែរ និងម្នាក់ទៀត ជាជនជាតិចិន ត្រូវបានដាក់ឲ្យព្យាបាលដំបូងឡើយ នៅទីកន្លែងផ្សេង ពីមន្ទីរពេទ្យ​រុស្ស៊ី។ រហូតលុះត្រាស្ថានភាពជំងឺធ្ងន់ធ្ងរ ...