កម្ពុជាដំណឹង

សម រង្ស៊ី៖ ទង្វើ ហ៊ុន សែន ដែលមិនឲ្យ​ពលរដ្ឋ​វិលចូល​ស្រុក រំលោភ​រដ្ឋធម្មនុញ្ញ

មេដឹកនាំគណបក្សប្រឆាំង លោក សម រង្ស៊ី បានប្រតិកម្មតបនឹងការបដិសេធ របស់លោកនាយករដ្ឋមន្ត្រី ហ៊ុន សែន ដែលហាមពលរដ្ឋខ្មែរ ប្រមាណជា១៥០នាក់ មិនឲ្យវិលពីប្រទេសម៉ាឡេស៊ី ត្រឡប់ចូលកម្ពុជានោះ គឺទង្វើរំលោភរដ្ឋធម្មនុញ្ញយ៉ាងធ្ងន់ធ្ងរ។

កាលពីព្រឹក​ម្សិលម៉ិញ បុរសខ្លាំងកម្ពុជា​បានសម្រេចចិត្ត យ៉ាងតក់ក្រហល់ ហាមពលរដ្ឋខ្មែរខ្លួនឯង នៅប្រទេសម៉ាឡេស៊ី ចំនួន១៥០នាក់ មិនឲ្យឡើងយន្ដហោះ ត្រឡប់មកមាតុប្រទេសវិញ ខណៈពលរដ្ឋទាំងនោះ មានវត្តមាននៅនឹងព្រលានយន្ដហោះ ទៅហើយ។ 

មេដឹកនាំកម្ពុជា បានប្រកាសឲ្យដឹង ពីការសម្រេចចិត្ត ខាងលើរបស់លោក នៅក្នុងសន្និសីទសារព័ត៌មាន ក្រោមហេតុផលថា «ខ្លាចនាំជំងឺចូលស្រុក»។ លោក ហ៊ុន សែន ថ្លែងថា៖

«ជាការសម្រេចចិត្ត ដោយការឈឺចិត្ត តែខ្ញុំគ្មានជម្រើស ក្រៅពីនេះទេ។ សុំបងប្អូននៅម៉ាឡេស៊ី ១៥០នាក់ ដែលត្រៀមហោះហើរ មកកាន់កម្ពុជា នៅថ្ងៃនេះ មេត្តាយោគយល់ៗ ព្រោះព្រឹកនេះ មានជើរហោះហើរ ដោយដឹកមនុស្សមួយចំនួន ក្នុងនោះមានពលរដ្ឋកម្ពុជា ១៥០នាក់។ ហើយយន្ដហោះដដែលនេះ ត្រូវដឹកជនជាតិម៉ាឡេស៊ី និងជនជាតិមួយចំនួន ផ្សេងទៀត ត្រឡប់ទៅវិញ។»

លោកបន្តថា៖

«ខ្ញុំបានទាក់ទងឲ្យបញ្ឈប់ [កុំដឹកពលរដ្ឋខ្មែរ មកកម្ពុជា] សូមឲ្យពលរដ្ឋខ្មែរយើង នៅម៉ាឡេស៊ី ទាំង១៥០នាក់ ស្នាក់នៅទីនោះសិន អ្នកណានៅទីណា សុំឲ្យនៅទីនោះសិន។ ព្រោះយើងបានឃើញហើយ ចូលមក១០០នាក់ ឆ្លងអ្នកនាំចូលមក ដល់៨០នាក់ហើយ។»

គូបដិបក្ខនយោបាយ ដ៏ស្រួចស្រាវ របស់លោក ហ៊ុន សែន ដែលកំពុងរស់នៅនិរទេសខ្លួន នៅក្នុងប្រទេសបារាំង លោក សម រង្ស៊ី បានហៅការសម្រេចចិត្តខាងលើថា ជាទង្វើរំលោភរដ្ឋធម្មនុញ្ញ របស់ប្រទេសកម្ពុជា។

តាមរយៈទំព័រទ្វីសធើរ កាលពីប៉ុន្មាននាទីមុន លោក សម រង្ស៊ី បានសរសេរជាភាសាអង់គ្លេស ដោយមានអត្ថន័យ ជាខេមរភាសាថា៖

«ការបដិសេធរបស់លោក ហ៊ុន សែន ក្នុងការអនុញ្ញាត ឲ្យខ្មែរ-មូស្លីម ទាំង១៥០នាក់ វិលត្រឡប់ ពីប្រទេសម៉ាឡេស៊ីវិញនេះ គឺជាការបំពាន លើរដ្ឋធម្មនុញ្ញារបស់យើង។ អ្នកមិនត្រូវធ្វើទង្វើ ប្រឆាំងនឹងពលរដ្ឋ របស់អ្នកដូច្នេះទេ ទោះក្រោមហេតុផលណាក៏ដោយ។»

កាលពីយប់ម្សិលម៉ិញ គណបក្សសង្គ្រោះជាតិ ក៏បានចេញសេចក្ដីថ្លែងការណ៍ ពីក្រៅប្រទេសមកដែរ ហៅទង្វើរបស់លោក ហ៊ុន សែន ថាជាភាពទន់ខ្សោយ មិនទទួលខុសត្រូវ និងអមនុស្សធម៌ មកលើជាតិសាសន៍ខ្លួនឯង។

ការសម្រេចរបស់លោក ហ៊ុន សែន បានបង្កការសោកសៅ និងការខកចិត្ត យ៉ាងអនេក សម្រាប់ពលរដ្ឋខ្មែរទាំងនោះ។ ពួកគេខ្លះបានស្រែកទ្រហោយំ និងបានចោទសួរថា តើពួកគេជាជាតិសាសន៍អ្វី និងមានដើមកំណើត ចេញពីទឹកដីណា? សូមស្ដាប់ប្រតិកម្មរបស់ពលរដ្ឋទាំងនោះ តាមរយៈវីដេអូខាងក្រោម៖ 

Posted by Soem Sophea on Monday, April 6, 2020


Posted by Sobri Salleh on Monday, April 6, 2020




You may also like

កម្ពុជា

ហ៊ុន សែន ថា​«គ្មាន​នរណា​ផ្សេង»​ចេះគ្រប់គ្រង​ប្រទេស​ដូចលោក

នាយករដ្ឋមន្ត្រីបីទសវត្សន៍ជាង របស់កម្ពុជា បានបង្ហាញជំនឿថា គ្មាន​នរណា​ផ្សេង ចេះគ្រប់គ្រង​ដឹកនាំប្រទេសកម្ពុជា ដូចរូបលោកឡើយ និងបានថ្លែងចំអក ឲ្យទៅមេដឹកនាំប្រឆាំងថា គ្រាន់តែចេះស្រែក ចង់ចាប់អ្នកនេះ ឬអ្នកនោះប៉ុណ្ណោះ។ ជាការអះអាងដោយខ្លួនលោក នៅប៉ុន្មានថ្ងៃក្រោយលោកឧបនាយករដ្ឋមន្ត្រី ...
កម្ពុជា

ព្រឹទ្ធសមាជិក​បារាំង៖ ហ៊ុន សែន ជា​អ្នកបំផ្លាញ EBA ខណៈ EU មិនដកថយ

លោក អង់ឌ្រេ ហ្គាតូឡាំង (André Gattolin) សមាជិកព្រឹទ្ធសភា​​មកពី​គណបក្ស​​កាន់អំណាច របស់ប្រទេសបារាំង បានថ្លែងខ្លាំងៗ​ទម្លាក់​ការទទួល​ខុសត្រូវ នៃការបាត់បង់ ប្រព័ន្ធ​​អនុគ្រោះ​ពន្ធ «EBA» ទៅលើការដឹកនាំ របស់លោកនាយករដ្ឋមន្ត្រី ...
កម្ពុជា

អ្នកវិភាគ​ប្រាប់​អ្នកនៅរស់​អំពីករណីយកិច្ច ក្នុង​ការទាមទារ​យុត្តិធម៌

សម្រាប់អ្នកវិភាគឯករាជ្យ លោក ឡៅ ម៉ុងហៃ គេមិនត្រូវបំភ្លេចក្រុមបាតុករ ដែលបានស្លាប់ និងរបួស រាប់សិបនាក់ នៅក្នុងព្រឹត្តិការណ៍គប់គ្រាប់បែក នៅមុខអតីតវិមានរដ្ឋសភា កាលពីថ្ងៃទី៣០ ខែមិនា ឆ្នាំ១៩៩៧នោះទេ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...