• Covid-19៖ ហ៊ុន សែន ឲ្យបិទជើង​ហោះហើរ ពីម៉ាឡេស៊ី និង​ឥណ្ឌូនេស៊ី

    នាយករដ្ឋមន្ត្រីកម្ពុជា លោក ហ៊ុន សែន បានបញ្ជាឲ្យបិទជើងហោះហើរទាំងឡាយ ពី​ប្រទេស​ម៉ាឡេស៊ី និង​ឥណ្ឌូនេស៊ី ដើម្បីបង្ការការរាតត្បាត ជំងឺ «Covid-19»។ បទបញ្ជា​នេះ នឹងត្រូវអនុវត្តន៍ ចាប់ពីថ្ងៃទី១ ខែសីហាខាងមុខនេះតទៅ។ សេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ដែលចេញផ្សាយ នៅមុននេះបន្តិច បានបញ្ជាក់ពីបទបញ្ជា របស់លោក ហ៊ុន សែន ចុះថ្ងៃទី២៥ ខែកក្កដាម្សិលម៉ិញ ដើម្បីឲ្យផ្អាកជាបណ្ដោះអាសន្ន នូវរាល់ការហោះហើរទាំងឡាយ ពីប្រទេសទាំងពីរ បន្ទាប់ពីសង្កេតឃើញថា ការឆ្លងជំងឺកូវីដ១៩ របស់អ្នកដំណើរមកពីប្រទេសទាំងពីរ មានអត្រាខ្ពស់។ តែក្រសួងសុខាភិបាល មិនបានបញ្ជាក់ថា ការផ្អាកជើងយន្ដហោះ នឹងមានសុពលភាពរហូតដល់ពេលណា ...
  • អង្គការ​ជាតិ​-​​អន្តរជាតិ ចំនួន​​៣៣ ស្នើ​​ឲ្យ​យក​ពលរដ្ឋ​ខ្មែរ​ ពីប្រទេស​ម៉ាឡេស៊ី​

    អង្គការ​សិទ្ធិមនុស្ស ជាតិនិង​អន្តរជាតិ​ ចំនួន​​៣៣ បាន​ចេញ​សេចក្តី​ថ្លែង​ការណ៍​រួម​មួយ ក្នុងចុងខែឧសភានេះ ដោយ​អំពាវនាវ​ទៅ​រដ្ឋាភិបាល​​កម្ពុជា ឲ្យអន្តរាគមន៍​ជា​បន្ទាន់ ក្នុងការ​នាំ​​យក​ពលរដ្ឋ​ខ្មែរ ​ដែល​កំពុង​ជាប់​គាំង ​នៅ​ប្រទេស​ម៉ាឡេស៊ី​ ចូល​មក​មាតុភូមិ​វិញ​ដោយ​​សុវត្ថិភាព​។ ការ​អំពាវនាវ​ដែលទើបតែចេញផ្សាយ នៅថ្ងៃទី២៩ ខែឧសភា បានធ្វើឡើង ​២​ថ្ងៃ​ក្រោយ​ពី​លោកនាយករដ្ឋមន្ត្រី ហ៊ុន​ សែន​ បាន​សម្រេច​ឲ្យ​ពលរដ្ឋ​ខ្មែរ ​ដែល​កាន់​លិខិត​ឆ្លង​ដែន​កម្ពុជា ​អាច​វិល​ចូល​ប្រទេស​វិញ​ ដោយ​មិន​តម្រូវ​ ឲ្យ​មាន​វិញ្ញាបនប័ត្រ​បញ្ជាក់​សុខភាព​ថា​ពួកគេគ្មាន​ជំងឺ«Covid-19»​។ សេចក្តី​ថ្លែង​ការណ៍​រួម របស់អង្គការជាតិ​និងអន្តរជាតិ ចំនួនសរុប៣៣អង្គការ ​ដែល​ផ្សព្វផ្សាយ​ នៅលើគេហទំព័រ​របស់​អង្គការ​ឃ្លាំ​មើល​សិទ្ធិ​មនុស្ស (Human Rights Watch) បានសរសេរបញ្ជាក់ថា ការ​អន្តរាគមន៍​​ឱ្យ​ពលរដ្ឋ​ខ្មែរ​វិល​មក​ប្រទេស​ខ្លួន​វិញ គឺ​ជា​កាតព្វកិច្ច​របស់​កម្ពុជា ដែល​មាន​ចែង​​ក្នុង​ច្បាប់​​សិទ្ធិ​មនុស្ស​អន្តរជាតិ​ ...
  • សម រង្ស៊ី៖ ទង្វើ ហ៊ុន សែន ដែលមិនឲ្យ​ពលរដ្ឋ​វិលចូល​ស្រុក រំលោភ​រដ្ឋធម្មនុញ្ញ

    មេដឹកនាំគណបក្សប្រឆាំង លោក សម រង្ស៊ី បានប្រតិកម្មតបនឹងការបដិសេធ របស់លោកនាយករដ្ឋមន្ត្រី ហ៊ុន សែន ដែលហាមពលរដ្ឋខ្មែរ ប្រមាណជា១៥០នាក់ មិនឲ្យវិលពីប្រទេសម៉ាឡេស៊ី ត្រឡប់ចូលកម្ពុជានោះ គឺទង្វើរំលោភរដ្ឋធម្មនុញ្ញយ៉ាងធ្ងន់ធ្ងរ។ កាលពីព្រឹក​ម្សិលម៉ិញ បុរសខ្លាំងកម្ពុជា​បានសម្រេចចិត្ត យ៉ាងតក់ក្រហល់ ហាមពលរដ្ឋខ្មែរខ្លួនឯង នៅប្រទេសម៉ាឡេស៊ី ចំនួន១៥០នាក់ មិនឲ្យឡើងយន្ដហោះ ត្រឡប់មកមាតុប្រទេសវិញ ខណៈពលរដ្ឋទាំងនោះ មានវត្តមាននៅនឹងព្រលានយន្ដហោះ ទៅហើយ។  មេដឹកនាំកម្ពុជា បានប្រកាសឲ្យដឹង ពីការសម្រេចចិត្ត ខាងលើរបស់លោក នៅក្នុងសន្និសីទសារព័ត៌មាន ក្រោមហេតុផលថា «ខ្លាចនាំជំងឺចូលស្រុក»។ លោក ហ៊ុន សែន ថ្លែងថា៖ ...
  • Covid-19៖ ពលរដ្ឋខ្មែរ​«ទ្រហោយំ» ព្រោះ ហ៊ុន សែន មិនឲ្យ​ចូលស្រុក

    ពលរដ្ឋខ្មែរនៅប្រទេសម៉ាឡេស៊ី ប្រមាណជា ១៥០នាក់ បាន«ទ្រហោយំ» បន្ទាប់ពីត្រូវបានរដ្ឋាភិបាលកម្ពុជាខ្លួនឯង បដិសេធមិនទទួលយក ខណៈពេលដែលពលរដ្ឋទាំងនោះ កំពុងត្រៀមឡើងយន្ដហោះ វិលមកមាតុភូមិវិញ។ ហេតុការណ៍នេះ កើតឡើងកាលពីព្រឹកម៉ិញ ក្នុងព្រលានយន្ដហោះ នៃរាជធានី កូឡាឡំពួរ ប្រទេសម៉ាឡេស៊ី បន្ទាប់ពីការសម្រេចចិត្តភ្លាមៗ របស់លោក ហ៊ុន សែន ក្នុងការបិទព្រំដែន  សម្រាប់ពលរដ្ឋខ្មែរខ្លួនឯង។ បុរសខ្លាំងកម្ពុជា បានហៅការសម្រេចចិត្តរបស់លោក ថាត្រូវបានធ្វើឡើង ដោយគ្មានជម្រើស និងដោយការ«ឈឺចិត្ត» ដើម្បីទប់ស្កាត់ការរាតត្បាត នៃមេរោគ «Covid-19»។ ថ្លែងក្នុងសន្និសីទសារព័ត៌មាន នាវិមានសន្តិភាព (ភ្នំពេញ) កាលពីព្រឹកថ្ងៃអង្គារ ទី៧ ខែមេសានេះ ...
  • ស្តេច​ម៉ាឡេស៊ី រាជនុញ្ញត​ឲ្យ​នាយករដ្ឋមន្ត្រី មហាធា លាលែង​ពីតំណែង

    ការស្នើសុំ«លាលែង​ពីតំណែង» របស់លោកនាយករដ្ឋមន្ត្រី មហាធា មហាមេដ (Mahathir Mohamad) ទទួលបានរាជានុញ្ញាត ពីព្រះមហាក្សត្រម៉ាឡេស៊ីហើយ នៅល្ងាចថ្ងៃចន្ទម្សិលម៉ិញ។ នេះ បើតាមការអះអាង របស់រដ្ឋាភិបាលម៉ាឡេស៊ី ក្នុងយប់ថ្ងៃដដែល។ លោក «Mohd Zuki Ali» អគ្គលេខា នៃរដ្ឋាភិបាលម៉ាឡេស៊ី បានបញ្ជាក់តាមទំព័រ ទ្វីសធើរផ្លូវការ របស់លោកថា ព្រះមហាក្សត្របានរាជានុញ្ញាតឲ្យលោក មហាធា លាលែងចេញពីតំណែង ជានាយករដ្ឋមន្ត្រី តែព្រះរាជាបានត្រាស់ បន្តតែងតាំងលោក ឲ្យនៅកាន់តំណែងនេះ ជាជាបណ្ដោះអាសន្ន ក្នុងរយៈពេលរង់ចាំ ដើម្បីរកបាននាយករដ្ឋមន្ត្រីថ្មី។ កាលពីរសៀលថ្ងៃចន្ទ ទី២៤ ខែកុម្ភៈ ...
  • ភាពខ្ជីខ្ជារបស់កងទ័ពម៉ាឡេស៊ី រួមចំណែកក្នុងការបាត់យន្ដហោះ MH370

    ការបាត់ខ្លួន យ៉ាងអាថ៌កំបាំងនៃយន្ដហោះ «MH370» របស់ក្រុមហ៊ុនអាកាសចរណ៍ ម៉ាឡេស៊ី​អ៊ែរឡាញ (Malaysia Airlines) កាលពីខែមិនា ឆ្នាំ២០១៤ មានចំណែកទទួលខុសត្រូវមួយភាគ ពីកងទ័ពម៉ាឡេស៊ី។ នេះ បើតាមការស្រាវជ្រាវមួយ របស់ទូរទស្សន៍បារាំង ដែលបានចុះទៅយកការណ៍ ដល់កន្លែងកើតហេតុផ្ទាល់។ កម្មវិធី «Complément d’enquête» របស់ទូរទស្សន៍បារាំង «France 2​» បានធ្វើការអង្កេត ដោយចាប់ផ្ដើមសិក្សាជាដំបូង ទៅលើរបាយការណ៍ផ្លូវការ ដែលបានអះអាងថា ក្នុងយប់ថ្ងៃ៨ ខែមិនា ឆ្នាំ២០១៤ យន្ដហោះប្រភេទ ប៊ូអីង (Boeing 777) បាន​ហោះ​ត្រឡប់ក្រោយវិញ បន្ទាប់ពីបានហោះងើបខ្លួន ...