កម្ពុជាដំណឹង

Covid-19៖ ហ៊ុន សែន ឲ្យបិទជើង​ហោះហើរ ពីម៉ាឡេស៊ី និង​ឥណ្ឌូនេស៊ី

នាយករដ្ឋមន្ត្រីកម្ពុជា លោក ហ៊ុន សែន បានបញ្ជាឲ្យបិទជើងហោះហើរទាំងឡាយ ពី​ប្រទេស​ម៉ាឡេស៊ី និង​ឥណ្ឌូនេស៊ី ដើម្បីបង្ការការរាតត្បាត ជំងឺ «Covid-19»។ បទបញ្ជា​នេះ នឹងត្រូវអនុវត្តន៍ ចាប់ពីថ្ងៃទី១ ខែសីហាខាងមុខនេះតទៅ។

សេចក្ដីប្រកាសព័ត៌មាន របស់ក្រសួងសុខាភិបាលកម្ពុជា ដែលចេញផ្សាយ នៅមុននេះបន្តិច បានបញ្ជាក់ពីបទបញ្ជា របស់លោក ហ៊ុន សែន ចុះថ្ងៃទី២៥ ខែកក្កដាម្សិលម៉ិញ ដើម្បីឲ្យផ្អាកជាបណ្ដោះអាសន្ន នូវរាល់ការហោះហើរទាំងឡាយ ពីប្រទេសទាំងពីរ បន្ទាប់ពីសង្កេតឃើញថា ការឆ្លងជំងឺកូវីដ១៩ របស់អ្នកដំណើរមកពីប្រទេសទាំងពីរ មានអត្រាខ្ពស់។

តែក្រសួងសុខាភិបាល មិនបានបញ្ជាក់ថា ការផ្អាកជើងយន្ដហោះ នឹងមានសុពលភាពរហូតដល់ពេលណា និងជាប់ពាក់ព័ន្ធ ជាមួយជនជាតិកម្ពុជា ដែលត្រូវធ្វើដំណើរ វិលចូលមាតុភូមិខ្លួនវិញ ឬយ៉ាងណានោះទេ។

សេចក្ដីប្រកាសព័ត៌មាន បានសរសេរថា ក្នុងរយៈពេលចុងក្រោយ ចាប់ពីថ្ងៃទី២០ ខែ​មិថុនា ឆ្នាំ២០២០ ដល់ថ្ងៃទី២៥ ខែកក្កដា ឆ្នាំ២០២០នេះ ក្រសួងសុខាភិបាលរកឃើញ មានការកើនឡើង គួរឲ្យកត់សម្គាល់ នូវអ្នកផ្ទុកមេរោគកូវីដ-១៩ រហូតដល់១០៨នាក់ ពីក្នុងចំណោមអ្នកដំណើរសរុប ២៣.៥៦៧នាក់ ក្នុងនោះអ្នកជំងឺភាគច្រើន ធ្វើដំណើរ​តាមជើង​យន្ដហោះ ពីប្រទេសម៉ាឡេស៊ី និង​ឥណ្ឌូនេស៊ី ។

ក្រសួងសរសេរបន្តថា៖

«ម្យ៉ាងវិញទៀត ចាប់ពីថ្ងៃសីហា និងខែកញ្ញា តទៅ ប្រទេសយើងនឹង​មានការឈប់​សម្រាក ក្នុងពិធីបុណ្យជាតិជាច្រើនថ្ងៃ ដែលតម្រូវឲ្យយើងបង្កើន​ការប្រុងប្រយ័ត្នខ្ពស់ ក្នុងកិច្ចការពារចម្លង​វិរុសកូវីដ១៩។»

ក្នុងពេលរាំងខ្ទប់ជើងយន្ដហោះ ពីប្រទេសម៉ាឡេស៊ី ក្នុងពេលកន្លងមក ក្រោមបញ្ជា​របស់​លោក ហ៊ុន សែន បានធ្វើឲ្យពលរដ្ឋខ្មែរ​ច្រើនសិបនាក់ គ្មានទឹកដីមាតុភូមិ និងជាប់គាំង​ជាច្រើនសប្ដាហ៍ នៅក្នុងប្រទេសម៉ាឡេស៊ី រហូតលុះត្រា​មានភ្ជាប់ជើងហោះហើរ​ឡើងវិញ កាលពីខែមិថុនាកន្លងមក។

គិតមកដល់ថ្ងៃទី២៥ ខែកក្កដា ឆ្នាំ២០២០ កម្ពុជាមានអ្នកជំងឺ​កូវីដ១៩ សរុបទាំអស់ ២២៥នាក់ (ស្ត្រី ៤៦នាក់ និង​បុរស ១៧៩នាក់)។ ក្នុងនោះព្យាបាលជាសះស្បើយ មានចំនួន ១៤៣នាក់ (ស្រី ៣៩នាក់ និងបុរស ១០៤នាក់) ហើយអ្នកកំពុងសម្រាកព្យាបាល នៅតាម​មន្ទីរពេទ្យរដ្ឋ​មានចំនួន ៨០នាក់ (ស្រី ៥នាក់ និងបុរស ៧៥នាក់)៕



លំអិតបន្ថែមទៀត

កម្ពុជា

ហ៊ុន សែន ត្រៀម​ចំអក​ឲ្យ សម រង្ស៊ី ថាជា«ទន្សាយរត់បានឆ្ងាយ»

ទំនុកចម្រៀងថ្មីមួយទៀត «បងជា ទន្សាយរត់បានឆ្ងាយ» កំពុងត្រៀមចេញ នៅក្នុងថាសចម្រៀងលើកក្រោយ។ នេះ បើតាមការអះអាងរបស់លោក ហ៊ុន សែន នាយករដ្ឋមន្ត្រីកម្ពុជា ចេញពីពិធីបើកការដ្ឋានសាងសង់មន្ទីរពេទ្យ «មិត្តភាពកម្ពុជា-ចិន ត្បូងឃ្មុំ» ...
កម្ពុជា

RSF ៖ ហ៊ុន សែន មិនត្រូវ​ប្រើ​លេស​«Covid-19»​ដើម្បី​បិតមាត់​អ្នកកាសែត

អង្គការអ្នកយកព័ត៌មានគ្មានព្រំដែន (RSF /RWB) ដែលមានទីតាំងធំ​ ក្នុងរដ្ឋធានីប៉ារីស (បារាំង) បានចេញសេចក្ដីថ្លែងការណ៍មួយ ទាមទារទៅដ្ឋាភិបាលលោក ហ៊ុន សែន មិនត្រូវប្រើ«លេស» នៃជំងឺ«Covid-19» ដើម្បីបំបិតមាត់អ្នកសារព័ត៌មាន ...
កម្ពុជា

Covid-19៖ កម្ពុជា​រក​ឃើញ​ករណី​ឆ្លង​ជាថ្មី បន្ទាប់ពី​ស្ងប់ស្ងាត់​អស់ជាង​១ខែ

បន្ទាប់ពី​ស្ងប់ស្ងាត់​អស់ជាង​១ខែ នៅថ្ងៃព្រហស្បត្តិ៍ម្សិលម៉ិញ​នេះ ប្រទេសកម្ពុជា បានអះអាងរកឃើញករណីឆ្លងថ្មី នៃជំងឺ«Covid-19» លើបុរសកម្ពុជាម្នាក់ ដែលបាន​វិលត្រឡប់ ពីក្រៅប្រទេស។ នេះ បើតាមសេចក្ដីប្រកាសព័ត៌មានមួយ របស់ក្រសួងសុខាភិបាល នៅយប់ថ្ងៃទី២១ ខែឧសភា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...