កម្ពុជាដំណឹង

Covid-19៖ ពលរដ្ឋខ្មែរ​«ទ្រហោយំ» ព្រោះ ហ៊ុន សែន មិនឲ្យ​ចូលស្រុក

ពលរដ្ឋខ្មែរនៅប្រទេសម៉ាឡេស៊ី ប្រមាណជា ១៥០នាក់ បាន«ទ្រហោយំ» បន្ទាប់ពីត្រូវបានរដ្ឋាភិបាលកម្ពុជាខ្លួនឯង បដិសេធមិនទទួលយក ខណៈពេលដែលពលរដ្ឋទាំងនោះ កំពុងត្រៀមឡើងយន្ដហោះ វិលមកមាតុភូមិវិញ។ ហេតុការណ៍នេះ កើតឡើងកាលពីព្រឹកម៉ិញ ក្នុងព្រលានយន្ដហោះ នៃរាជធានី កូឡាឡំពួរ ប្រទេសម៉ាឡេស៊ី បន្ទាប់ពីការសម្រេចចិត្តភ្លាមៗ របស់លោក ហ៊ុន សែន ក្នុងការបិទព្រំដែន  សម្រាប់ពលរដ្ឋខ្មែរខ្លួនឯង។

បុរសខ្លាំងកម្ពុជា បានហៅការសម្រេចចិត្តរបស់លោក ថាត្រូវបានធ្វើឡើង ដោយគ្មានជម្រើស និងដោយការ«ឈឺចិត្ត» ដើម្បីទប់ស្កាត់ការរាតត្បាត នៃមេរោគ «Covid-19»។ ថ្លែងក្នុងសន្និសីទសារព័ត៌មាន នាវិមានសន្តិភាព (ភ្នំពេញ) កាលពីព្រឹកថ្ងៃអង្គារ ទី៧ ខែមេសានេះ លោក ហ៊ុន សែន បានលើកឡើងថា៖

«ជាការសម្រេចចិត្ត ដោយការឈឺចិត្ត តែខ្ញុំគ្មានជម្រើស ក្រៅពីនេះទេ។ សុំបងប្អូននៅម៉ាឡេស៊ី ១៥០នាក់ ដែលត្រៀមហោះហើរ មកកាន់កម្ពុជា នៅថ្ងៃនេះ មេត្តាយោគយល់ៗ ព្រោះព្រឹកនេះ មានជើរហោះហើរ ដោយដឹកមនុស្សមួយចំនួន ក្នុងនោះមានពលរដ្ឋកម្ពុជា ១៥០នាក់។ ហើយយន្ដហោះដដែលនេះ ត្រូវដឹកជនជាតិម៉ាឡេស៊ី និងជនជាតិមួយចំនួន ផ្សេងទៀត ត្រឡប់ទៅវិញ។»

07/04/20. ថ្ងៃ នេះ លោក ហ៊ុន សែន បាន បដិសេធ ប្រជាជន ខ្លួន ចំនួន 150 នាក់ មិន អោយ វិល ត្រលប់ ចូល ទឹកដី កំណើត ខ្លួន វិញ ទេ…

Posted by ឈឿន ដារ៉ាវី on Tuesday, April 7, 2020


នាយករដ្ឋមន្ត្រីបីទស្សវត្សកន្លះរូបនេះ បានបន្តថា៖

«ខ្ញុំបានទាក់ទងឲ្យបញ្ឈប់ [កុំដឹកពលរដ្ឋខ្មែរ មកកម្ពុជា] សូមឲ្យពលរដ្ឋខ្មែរយើង នៅម៉ាឡេស៊ី ទាំង១៥០នាក់ ស្នាក់នៅទីនោះសិន អ្នកណានៅទីណា សុំឲ្យនៅទីនោះសិន។ ព្រោះយើងបានឃើញហើយ ចូលមក១០០នាក់ ឆ្លងអ្នកនាំចូលមក ដល់៨០នាក់ហើយ។»

ការបដិសេធ មិនទទួលពលរដ្ឋខ្លួនឯង ឲ្យវិលចូលស្រុកវិញ មិនមែនទើបត្រូវបានលោក ហ៊ុន សែន សម្រេចធ្វើ ជាលើកទីមួយទេ។ កាលពីថ្ងៃទី២៥ ខែមីនាកន្លងទៅ បុរសខ្លាំងកម្ពុជា ក៏ប្រកាសកុំឲ្យនិស្សិតខ្មែរ ប្រមាណជា១០នាក់ វិលពីសហរដ្ឋអាមេរិកវិញដែរ។ នៅពេលនោះ លោកថែមទាំងបានបង្ហើប មួយករណីទៀតថា លោកបានសម្រេចធ្វើដូច្នេះ រាប់តាំងពីការមិនជម្លៀសពលរដ្ឋខ្មែរ ចេញពីប្រទេសចិន ព្រោះ«ខ្លាចនាំជំងឺចូលស្រុក»។

ប្រភពពីព្រលានយន្ដហោះ នៃប្រទេសម៉ាឡេស៊ី បានឲ្យទស្សនាវដ្ដីមនោរម្យ.អាំងហ្វូ ដឹងថា បន្ទាប់ពីបានទទួលដឹងដំណឹង អំពីការសម្រេចរបស់លោក ហ៊ុន សែន ពលរដ្ឋខ្មែរច្រើននាក់ នៅប្រទេសម៉ាឡេស៊ី បាន«ទ្រហោយំ» និងសំដែងការខកចិត្ត ចំពោះមេដឹកនាំខ្លួន ដែលបានប្រកាន់ នូវឥរិយាបទបែបនេះ។ សូមស្ដាប់ប្រតិកម្មរបស់ពលរដ្ឋទាំងនោះ តាមរយៈវីដេអូខាងក្រោម៖ 

Posted by Soem Sophea on Monday, April 6, 2020


Posted by Sobri Salleh on Monday, April 6, 2020


ចំណាត់ការរបស់មេដឹកនាំកម្ពុជា ក្នុងការហាមឃាត់ពលរដ្ឋខ្លួន មិនឲ្យវិលចូលមាតុភូមិវិញ ខុសពីប្រទេសជាច្រើនផ្សេង នៅលើពិភពលោក ដូចយ់ាងប្រទេសបារាំងជាដើម ដែលបានស្វែងរកគ្រប់មធ្យោបាយ ដើម្បីពលរដ្ឋខ្លួន ប្រមាណជា ១សែន៥ម៉ឺន បានវិលត្រឡប់ មកកាន់ទឹកដីបារាំងវិញ (តួលេខចេញផ្សាយព្រឹកនេះ) មកទល់នឹងថ្ងៃនេះ៕

ឆ្ងល់៖ បើ ចិន ១៥០ នាក់ ត្រៀម ហោះ មក កម្ពុជា តើលោក ហ៊ុន សែន បិទ មិន ឲ្យ ចូល កម្ពុជា ឬ ទេ?

Posted by ព្រហ្ម គិត on Tuesday, April 7, 2020


You may also like

កម្ពុជា

នាវាទេសចរណ៍៥គ្រឿង វិល​មកភ្នំពេញ​វិញ បន្ទាប់ពី​វៀតណាម​មិនឲ្យ​ចុះចត

នាវាទេសចរណ៍៥គ្រឿង ដែលចុះបញ្ជីក្នុង​ប្រទេសកម្ពុជា បានវិលមកដល់កំពង់ផែភ្នំពេញវិញហើយ បន្ទាប់ពីត្រូវប្រទេសវៀតណាមបដិសេធ មិនអនុញ្ញាតឲ្យចូលចត។ នេះ បើតាមសេចក្ដីជូនដំណឹង របស់សាលាខេត្តកណ្ដាល ដែលអះអាងថា ការវិលត្រឡប់របស់នាវាទាំងនោះ មកដល់រាជធានីភ្នំពេញវិញ ក្រោយក្រុមមន្ត្រីរកមិនឃើញថា មានភ្ញៀវណាម្នាក់បានផ្ទុកមេរោគ ...
កម្ពុជា

រលំអគារចិន៖ CNRP ទាមទារ​ឲ្យ​ត្រួតពិនិត្យ​អគារ សង់ដោយ​ចិន​ទាំងអស់

ពីក្រៅប្រទេស គណបក្សសង្គ្រោះជាតិ ដែលត្រូវតុលាការកំពូលរំលោយចោល បានទាមទារឲ្យរបបក្រុងភ្នំពេញ ចាំបាច់ត្រូវត្រួតពិនិត្យអគារ របស់ចិន ឬ សង់ដោយ​ចិន​ទាំងអស់ ដើម្បីបញ្ចៀសសោកនាដកម្ម ដោយការរលំបាក់អគារ។ នេះ បើតាមសេចក្ដីថ្លែងការណ៍មួយ ដែលគណបក្សនេះ ...
កម្ពុជា

ហ៊ុន សែន នឹង​បង្ហាញខ្លួន ជា​សាធារណៈ​ឡើងវិញ នៅថ្ងៃស្អែក

បន្ទាប់ពីអវត្តមាន មិនឃើញលោក បង្ហាញខ្លួនជាសាធារណៈ អស់រយៈពេល​ជាច្រើន​សប្ដាហ៍ លោក ហ៊ុន សែន នឹង​បង្ហាញខ្លួន នៅចំពោះអ្នកផងឡើងវិញ នៅថ្ងៃចន្ទ ទី១ ខែមិថុនាស្អែក។ ប្រព័ន្ធឃោសនារបស់ក្រុងភ្នំពេញ ...

Comments are closed.

កម្ពុជា

ហ៊ុន សែន ​ឲ្យប្រើ​វ៉ាក់សាំង«​ចិន» ទោះគ្មាន​ការទទួលស្គាល់​ពី«WHO»

កម្ពុជា

អ្នកជំនាញ អ.ស.ប ស្នើជាថ្មី​ឲ្យកម្ពុជា​គោរពសិទ្ធិ​ ជនជាប់ចោទ​ទាំង​​៦០នាក់

ការជំនុំជម្រះក្ដី​លើ ជនជាប់ចោទ​ទាំង​​៦០នាក់ ដែលនឹងត្រូវធ្វើឡើង ក្នុងថ្ងៃតែមួយ នៅថ្ងៃទី១៤ ខែមករា ឆ្នាំ២០២១ខាងមុខ នឹងធ្វើឲ្យ​«សិទ្ធិបុគ្គល​របស់ពួកគេ ក្នុងការទទួលបាន​ការជំនុំជម្រះក្តី ប្រកបដោយយុត្តិធម៌ ត្រូវប្រឈមនឹងហានិភ័យ»។ នេះ ជាការអះអាងឡើង ...
កម្ពុជា

ហ៊ុន សែន ថា«ពាក់ម៉ាស់»ពេលជួបចៅ ដើម្បីការពារ​សុខភាពពួកគេ

មេដឹកនាំដ៏ចាស់វស្សា​នៅកម្ពុជា លោក ហ៊ុន សែន បានលើកឡើង នៅថ្ងៃនេះ ថាលោក បាន«ពាក់ម៉ាស់»​ នៅពេលលោកមកលេង ចៅទី២២ម្នាក់ ដែលទើបកើត​កាលពីសប្ដាហ៍មុន ដើម្បីការពារ​សុខភាព ចៅៗទាំងឡាយរបស់លោក។ ...