ដំណឹងបារាំងសេដ្ឋកិច្ច

ធនាគារ​ជាតិ​បារាំង​បញ្ជាក់ថា ជំងឺ​«Covid-19»​កម្រឆ្លង​តាមលុយ

ធនាគារ​ជាតិ​បារាំង​បញ្ជាក់ថា ខ្លួនរកមិនឃើញហនិភ័យ គួរឲ្យកត់សម្គាល់ណាមួយ អំពី​ការឆ្លងជំងឺ «Covid-19» តាមរយៈចរាចរណ៍ នៃរូបិយប័ណ្ណនានានោះឡើយ។ ការអះអាង​​របស់ស្ថាប័នកំពូល របស់ប្រទេសបារាំង ធ្វើឡើង ដើម្បីឆ្លើយតប ទៅនឹង​ការបារម្ភ​ទាំងឡាយ ជុំវិញការកាន់ក្រដាសប្រាក់ នៅក្នុងការទូទាត់ នៅគ្រប់ទីកន្លែង។

តែការបារម្ភទាំងនោះ ត្រូវបានច្រានចោល ដោយក្រុមអ្នកវិទ្យាសាស្ត្រ ដែលបានប្រើពេល ជាច្រើនខែ នៅក្នុងការស្រាវជ្រាវ ដើម្បីអះអាងថា មេរោគ«Covid-19» មិនអាច មាន ជីវិតយូរ នៅលើក្រដាសប្រាក់​បានទេ។

ក្រុមអ្នកវិទ្យាសាស្ត្រ បានរកឃើញថា មេរោគអាចមានជីវិត នៅលើដែកអ៊ីណុក (Inox) បាន​យូរប្រមាណជា ១០ ទៅ១០០ដង លើសនៅលើក្រដាសប្រាក់។ ដូច្នេះ «រូបិយប័ណ្ណ មិនមាន​ហនិភ័យ គួរឲ្យកត់សម្គាល់ណាមួយ ក្នុងការចម្លងមេរោគ ពីមនុស្សម្នាក់​ទៅមនុស្ស​ទៀតទេ»។

ការព្រួយបារម្ភ បានផ្ទុះឡើង នៅពេលដែលការរាតត្បាត នៃជំងឺ«Covid-19» បាន​កើតឡើង​ដំបូង។ ទាំងអ្នកលក់ និងអ្នកទិញ សុទ្ធតែមានមន្ទិល ចំពោះការទូទាត់​ដោយប្រាក់ ហុចឲ្យផ្ទាល់ដៃ ថាអាចមានហនិភ័យ នៃការឆ្លងមេរោគ។ ហាងលក់​ទំនិញ​ជាទូទៅ បានងាកទៅប្រើ (ឬផ្ដល់អាទិភាព) មធ្យោបាយទូទាត់ ពីចម្ងាយ ហៅជាភាសា​អង់គ្លេស «Without Touching» ឬភាសាបារាំង «Sans contact»។

នៅចំពោះការអះអាង​ខាងលើរបស់ខ្លួន ធនាគារជាតិបារាំង នៅតែគាំទ្រ​ឲ្យបន្ត​មាន​ការទូទាត់ ពីចម្ងាយ។ តែស្ថាប័នហិរញ្ញវត្ថុមួយនេះ បានបញ្ជាក់​ក្នុងសេចក្ដីប្រកាស​ព័ត៌មាន របស់ខ្លួន ថាចង់ឲ្យអ្នកកាន់​ក្រដាសប្រាក់ទាំងឡាយ មានការធានា​ក្នុងចិត្តថា ពួកគេនៅ​តែ​អាចប្រើលុយ ដើម្បីធ្វើការទូទាត់ ដោយគ្មានហនិភ័យអ្វី គួរឲ្យកត់សម្គាល់​ឡើយ៕



លំអិតបន្ថែមទៀត

កម្ពុជា

Covid-19៖ កម្ពុជា​មានអ្នកជំងឺ​ស្លាប់ពីរនាក់ ក្នុងមួយថ្ងៃនេះ

ក្នុងថ្ងៃសុក្រទី១៩ ខែមីនា ឆ្នាំ២០២១នេះ កម្ពុជា​មានអ្នកជំងឺ​ស្លាប់ពីរនាក់ ក្នុងនោះម្នាក់ ជាស្ត្រីអាយុ៦២ឆ្នាំ និងម្នាក់ទៀត ជាបុរស​អាយុ​៤៦ឆ្នាំ។ នេះ បើតាមសេចក្ដីប្រកាសព័ត៌មាន និងប្រភពផ្លូវការ របស់ក្រសួងសុខាភិបាលកម្ពុជា នៅប៉ុន្មាននាទីមុននេះ។ ...
កម្ពុជា

Covid-19៖ កម្ពុជាមាន ​៧​ករណី​​ទៀត បង្កើន​តួលេខសរុបដល់​២៣៣នាក់

​ប្រទេសកម្ពុជាអះអាង បាន​រក​ឃើញ​អ្នកជំងឺ​«Covid-19»​ចំនួន ​៧​ករណី​​ទៀត ដែល​សុទ្ធតែ​ជា​អ្នកដំណើរ​​ពី​ក្រៅ​ប្រទេស ហើយបាន​ធ្វើ​ឲ្យ​តួលេខ​​សរុប នៃអ្នកផ្ទុកមេរោគ​រាតត្បាត នៅ​ទូទាំង​ប្រទេស កើនឡើង​ដល់​២៣៣​នាក់ គិត​ត្រឹម​ថ្ងៃ​ពុធ​ទី​២៩​ ខែ​កក្កដា​នេះ។ សេចក្ដីប្រកាសព័ត៌មាន របស់ក្រសួងសុខាភិបាលកម្ពុជា បានឲ្យដឹងថា ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.