ដំណឹងបារាំង

ភេរវកម្មនៅស្ត្រាស្បួរ៖ ជនរងគ្រោះទី៤ ទើបនឹងផុតដង្ហើម

បន្ទាប់ពីស្ថិតក្នុងការសង្គ្រោះបន្ទាន់ អស់រយៈពេល៣ថ្ងៃ បន្ទាប់ពីហេតុការណ៍ភេរវកម្មបាញ់ប្រហារ ទៅលើហ្វូងមនុស្ស កាលពីយប់ថ្ងៃអង្គារ នាផ្សារលក់ទំនិញ ណូអែល ក្រុងស្ត្រាស្បួរ៍ (ភាគខាងកើតបារាំង) ជនរងគ្រោះមួយរូបទៀត បានផុតដង្ហើមនៅយប់ថ្ងៃសុក្រនេះ។

ជនរងគ្រោះរូបនោះ ជាអ្នកសារព័ត៌មានជាតិអ៊ីតាលី ឈ្មោះ «Antonio Megalizzi» អាយុ២៨ឆ្នាំ។ នេះ បើតាមការប្រកាសឲ្យដឹង ជាផ្លូវការ ពីសំណាក់ក្រសួងការបរទេសអ៊ីតាលី ក្នុងយប់ថ្ងៃសុក្រដដែល។

មរណភាពរបស់លោក «Antonio Megalizzi» នឹងធ្វើឲ្យតុល្យភាពនៃជនរងគ្រោះ មានសភាពធ្ងន់ធ្ងរឡើង៖ មនុស្សស្លាប់៤នាក់ និងរបួស១២នាក់។ ក្រោយពេលកើតហេតុភ្លាមៗ មនុស្សពីរនាក់បានស្លាប់ (ក្នុងនោះ មានទេសចរណ៍ជាតិថៃ មួយរូបផង) ខណៈជនរងគ្រោះទីបី បានផុតដង្ហើម នៅថ្ងៃព្រហស្បត្តិ៍ ពីរថ្ងៃបន្ទាប់មក។ រីឯជនរងគ្រោះមួយរូបទៀត កំពុងស្ថិតក្នុងសភាព មិនស្លាប់-មិនរស់។

ជនសង្ស័យជាខ្មាន់កាំភ្លើង ឈ្មោះ «Chérif Chekkat» អាយុ២៩ឆ្នាំ ដែលបានបើកការបាញ់ប្រហារនោះ ត្រូវបានអាជ្ញាធររកឃើញ នៅយប់ថ្ងៃព្រហស្បត្តិ៍ នៅក្នុងសង្កាត់មួយ កណ្ដាលក្រុង ស្ត្រាស្បួរ៍ មុននឹងជននេះ ត្រូវបានកងកម្លាំងនគរបាល បាញ់សម្លាប់ នៅនឹងកន្លែង៕



You may also like

កំសាន្ដ

បុណ្យ១៤កក្កដា៖ ទស្សនីយភាព​នៃកាំជ្រួចជ្វាលា ពីតួរអេហ្វែល

ពីតួរអេហ្វែល (La Tour Eiffel) រដ្ឋធានីប៉ារីស ទស្សនីយភាពនៃកាំជ្រួចជ្វាលា មានសភាពធំហ៊ឹកហាក់ណាស់ ដើម្បីអបអរបុណ្យជាតិបារាំង ថ្ងៃ​«១៤កក្កដា»។ កម្មវិធីនេះ​ចាប់ផ្ដើម​ពីម៉ោង២៣ យប់ថ្ងៃទី១៤ ខែកក្កដា ឆ្នាំ២០២១ ...
ដំណឹង

ចាក់មនុស្សនៅលីយ៉ុង៖ ជនសង្ស័យ​ថាបាន​ទទួល​បញ្ជា​ពី​«សម្លេងអរូបី»

ជនសង្ស័យកាន់កាំបិត ដើរចាក់មនុស្ស ក្នុងក្រុង វីឡឺបាន (Villeurbanne – ជាយក្រុង លីយ៉ុង ភាគខាងត្បូងបារាំង) បានឆ្លើយប្រាប់អ្នកស៊ើបអង្កេត ថានៅពេលកើតហេតុនោះ ខ្លួនបានស្ដាប់ឮ«សម្លេងអរូបី» ដែលបញ្ជាឲ្យសម្លាប់មនុស្ស។ ...
បណ្ដាជនជាច្រើនសិបនាក់ បានចូលរួមគោរព និងឧទ្ទិសដល់វិញ្ញាណក្ខន្ធសាសាស្ត្រាចារ្យ ដែលត្រូវបានភេរវជន«កាត់ក» ក្នុងក្រុង«Conflans-Sainte-Honorine» ស្ថិតក្នុងតំបន់ជាយក្រុង ភាគពាយ័ព្យ​នៃរដ្ឋធានីប៉ារីស។។ (រូបថតលើ Twitter)
ដំណឹង

បារាំង៖ «កាត់ក»​គ្រូបង្រៀនម្នាក់ បន្ទាប់ពី​បង្ហាញរូបត្លុក​«មហាមេដ»

គ្រូបង្រៀន«ភូមិសាស្ត្រ-ប្រវត្តិវិជ្ជា»ម្នាក់ ត្រូវបានសម្លាប់ ដោយ«កាត់ក» កាលពីថ្ងៃសុក្រ បន្ទាប់ពីបាន​បង្ហាញ​រូបត្លុក «មហាមេដ (Mahomet – ព្យាការីសាសនាអ៊ីស្លាម)» ទៅដល់​កូនសិស្ស ក្នុងថ្នាក់របស់ខ្លួន កាលពីជាង១០ថ្ងៃមុន។ ហេតុការណ៍បានកើតឡើង ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...