កម្ពុជាដំណឹង

សម រង្ស៊ី ថ្លែងឲ្យប្រើការចាប់ខ្លួន រ៉ុង ឈុន ដើម្បី​ងើបឈរ​ឡើង ផ្លាស់ប្ដូរ​របប

មេដឹកនាំប្រឆាំង លោក សម រង្ស៊ី បានធ្វើសេចក្ដីថ្លែងការណ៍​ផ្ទាល់មាត់មួយ ពីប្រទេស​បារាំង អំពាវនាវ​ឲ្យ​ពលរដ្ឋ​រួបរួមគ្នា ក្នុងការប្រើឱកាស នៃការចាប់ខ្លួនលោក រ៉ុង ឈុន ដើម្បី​ងើបឈរឡើង ឈាន​ទៅផ្លាស់ប្ដូររបបដឹកនាំ របស់លោកនាយករដ្ឋមន្ត្រី ហ៊ុន សែន តាមបែបបទ​ប្រជាធិបតេយ្យ។

សេចក្ដីថ្លែងការណ៍របស់ប្រធានស្ដីទី គណបក្សសង្គ្រោះជាតិ ធ្វើឡើងតាមរយៈវីដេអូមួយ ដែលបង្ហោះ​តាមបណ្ដាញ​សង្កម កាលពីប៉ុន្មាន​នាទីមុននេះ។ លោក សម រង្ស៊ី បានហៅ​លោក រ៉ុង ឈុន ថាជាឥស្សរជន និងជាបញ្ញាវ័ន្ដ​ម្នាក់ ដែលប្រជាពលរដ្ឋខ្មែរគោរព ដោយសារ​​សកម្មភាព​ជួយឈឺឆ្អាល​ពលរដ្ឋ ក្នុងរយៈពេលកន្លងមក។

លោកបន្តថា ការចាប់ខ្លួនលោក រ៉ុង ឈុន ដែលមានលក្ខណៈ«ធ្ងន់ធ្ងរ» កាលពីយប់​ថ្ងៃទី​៣១ ខែកក្កដា តម្រូវ​ឲ្យមាន​ការទាមទារ ដើម្បីដោះលែង​រូបលោក ឲ្យមានសេរីភាព​ឡើងវិញ។

បន្ទាប់ពីបានផ្សាយឡើងវិញ នូវរូបភាពរបស់លោក រ៉ុង ឈុន ដែលត្រូវបានក្រុមសន្តិសុខ របស់សាលារាជធានី ​ចាប់បញ្ចូល​រថយន្ដ តាំងពីច្រើនឆ្នាំមុនរួច មេដឹកនាំប្រឆាំងបាន​ថ្លែង​ឡើងថា៖

«យើងនឹងធ្វើតាមបណ្ដាំលោក រ៉ុង ឈុន គឺយើងនឹងរួបរួមគ្នា កូនខ្មែរទាំងអស់ នឹងរួបរួម​គ្នាជាធ្លុងមួយ មិនមែនត្រឹមតែទាមទារ ឲ្យដោះលែងលោក រ៉ុង ឈុន នោះទេ តែទាមទារ​ឲ្យ​ផ្លាស់ប្ដូរ​ជាវិជ្ជមាន តាមបែបបទ​ប្រជាធិបតេយ្យ ដូច​ប្រជារាស្ត្រខ្មែរ​ចង់បាន តាំងពី​យូរណាស់​មកហើយ។»

យ៉ាងណា ការអំពាវនាវរបស់លោក សម រង្ស៊ី មិនបានបញ្ជាក់ឲ្យលំអិតទេ ថាតើការទាមទារ ឬការងើបឈរនេះ អាចធ្វើទៅ​បាន តាមរបៀបណា ខណៈរូបលោក នឹងមេដឹកនាំ​ដ៏​សំខាន់ៗ គណបក្សប្រឆាំង កំពុង​រស់នៅ​​និរទេស​ខ្លួន ក្រៅប្រទេសកម្ពុជា​នៅឡើយនោះ។

លោក សម រង្ស៊ី បានបន្តទៀតថា៖

«ការចាប់ឃុំឃាំងលោក រ៉ុង ឈុន នេះ ជាឱកាសប្រវត្តិសាស្ត្រ ដើម្បី​ប្រជារាស្ត្រ​ខ្មែរ ជាពិសេស​​យុវជន ជាពិសេស​​កម្មករ ជាពិសេស​មន្ត្រីរាជការ គ្រូបង្រៀន ប៉ូលីស​​ទាហាន​ទាំងអស់ យើងត្រូវតែរួបរួមគ្នា ងើបឈរឡើង តស៊ូ​ទាំងអស់​គ្នា ដើម្បី​រំដោះ​​ប្រទេសជាតិ​យើង ពីរបបផ្ដាច់ការ ពីរបបក្បត់ជាតិ ដឹកនាំ​ដោយ ហ៊ុន សែន៕»

០២ សីហា ២០២០ / 02 August 2020តើការចាប់ខ្លួនលោក រ៉ុង ឈុន នឹងនាំមកនូវផលប៉ះពាល់អ្វីខ្លះ?What will be the consequences of the arrest of union leader Rong Chhun?

Posted by Sam Rainsy on Saturday, 1 August 2020


លំអិតបន្ថែមទៀត

កម្ពុជា

ហ៊ុន សែន គាំទ្រ​ឲ្យមាន​ពិធី«ចូលឆ្នាំចិន» ក្នុងក្រសួងមន្ទីររបស់រដ្ឋ

ប្រមុខរបបក្រុងភ្នំពេញ លោក ហ៊ុន សែន បានអះអាងថា របបដឹកនាំរបស់លោក គាំទ្រនិងលើកទឹកចិត្ត ឲ្យមានការប្រារព្ធពិធីបុណ្យ ទៅតាមទំនៀមទម្លាប់ប្រពៃណី និងពិធីបុណ្យសាសនាសំខាន់ៗ ដោយលោកបានលើកយកមកបញ្ជាក់ នូវការអបអរសាទរ របស់មន្ត្រីរាជការមួយចំនួនធំ ...
របាយការណ៍

ពិត​ឬ បុព្វហេតុ ហ៊ុន សែន ទៅ​ហៅ​វៀតណាម​មករំដោះ​​កម្ពុជា?

ជាថ្មីម្ដងទៀត លោក ហ៊ុន សែន បានរំលើកពី«បុព្វហេតុ»របស់លោក ដោយហៅការចាកចេញ​ពីប្រទេស​កម្ពុជា ចូលទៅក្នុងប្រទេស​វៀតណាម ថា​ជា​«ការស្វែង​រកការជួយ​ឧបត្ថម្ភ» ក្នុងការរំដោះជាតិ​ចេញពីរបបខ្មែរក្រហម។ បញ្ហា… ​នៅ​ត្រង់​ថា ពលរដ្ឋ​ខ្មែរ​នៅ​ខ្វះប្រភព​ឯករាជ្យ ដែល​អាច​បញ្ជាក់​ពីប្រវត្តិសាស្ត្រ​ត្រង់នេះ ...
កម្ពុជា

ហ៊ុន សែន ហៅអ្នកនិយាយ ពី«ការបិទក្រុង​ឬផ្នែកខ្លះ» ថាជា​មនុស្សអាក្រក់

អ្នកស្រង់សំដីរបស់លោក ហ៊ុន សែន យកមកផ្សាយបន្ត មានវាសនាមិនល្អទេ ព្រោះតែង​ត្រូវ​បានបុរសខ្លាំងរូបនេះ ចាប់ដាក់គុក ឬចាត់ទុក ថាជា​មនុស្សអាក្រក់ ជាដើម។ ហើយនេះ ជាវគ្គថ្មីមួយទៀត ដែលបុរសមានអំណាច ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...