កម្ពុជាដំណឹង

ហ៊ុន សែន បញ្ជាតាម​សារបែកធ្លាយ​ឲ្យ«សម្លាប់ក្រុមប្រឆាំង»​ក្នុងស្រុក​ឲ្យអស់

លោក ហ៊ុន សែន នាយករដ្ឋមន្ត្រីកម្ពុជា។ (រូបថត AFP)

មេដឹកនាំដ៏មានអំណាច របស់កម្ពុជា លោក ហ៊ុន សែន បានបញ្ជាទៅមនុស្សក្រោមបង្គាប់​លោក ឲ្យ«សម្លាប់ក្រុមប្រឆាំង» នៅក្នុងប្រទេសឲ្យអស់ ដោយលោកបានបញ្ជាក់ថា ការព្យួរប្រព័ន្ធអនុគ្រោះពន្ធ ពីសំណាក់សហភាពអ៊ឺរ៉ុប គឺជា«ឱកាស»​សម្រាប់​​របបដឹកនាំ​របស់លោក  ក្នុងការ«លត់​ពួកអានៅ​ខាងក្នុង»​ដូច្នេះ​ហើយ។

លោក ហ៊ុន សែន បានថ្លែងយ៉ាងដូច្នេះ នៅក្នុងសារ​ជាលក្ខណៈ​ឯកជន​ ជាង១២នាទី ដែលលោក​បាន​បញ្ជូន​​​ទៅកាន់​​មនុស្ស​​ជំនិតៗ​​របស់​លោក នៅក្នុងប្រព័ន្ធ​​បញ្ជូនសារមួយ ហើយដែលត្រូវបានបែកធ្លាយ មកដល់ដៃអ្នកសារព័ត៌មាន កាលពីម្សិលម៉ិញ។

លោកថ្លែងឡើងថា៖

«មួយផ្នែកទៀត គឺរឹតពួកអាប្រឆាំង ឲ្យវារលំរលាយកាន់តែឆាប់ ព្រោះគ្មាននរណា (សហគមន៍អន្តរជាតិ) នឹងត្រូវមកប្រដៅយើងបានទៀតទេ ព្រោះអ្នកឯងបានធ្វើចំពោះខ្ញុំយ៉ាងដូច្នេះហើយ។ ដូច្នេះ ជាឱកាសដើម្បីយើងលត់ ពួកអានៅខាងក្នុង ផ្ដាច់ខ្សែសង្វាក់របស់វាឲ្យអស់។ ឥឡូវវាកំពុងដើរ​តាមប្រជុំនៅ​តាមហាង នៅតាមស្អីនានា ដែលខ្ញុំសុំយកឱកាសនេះ ខ្ញុំនឹងបញ្ជូនបញ្ហានេះ សម្រាប់អភិបាលខេត្ត សម្រាប់ការណែនាំនានា ទៅតាម​គ្រប់កន្លែងផងដែរ ព្រោះយើង មិនអាចឲ្យពួកអាក្រុមនេះរស់ទេ។»

ប៉ុន្តែការលើកឡើង​របស់បុរសខ្លាំងកម្ពុជា ដែលបញ្ជាឲ្យ​«សម្លាប់ក្រុមប្រឆាំង»​ខាងលើ ហាក់មានបំណង​​ចង់បង្អាក់ លោក សម រង្ស៊ី ដែលជាគូបដិបក្ខរបស់លោក កុំឲ្យធ្វើមាតុភូមិ​និវត្តន៍​បាន។ លោកបាន​និយាយថា៖

«ព្រោះបើបានជាជ្រុលអញ្ចឹងទៅហើយ គឺថាលេងម៉ាអស់ដៃ ដើម្បីផ្ដាច់បណ្ដាញរបស់វា កុំឲ្យវាមានឈ្នាន់ឲ្យសោះ ហើយគោលដៅរបស់យើង សម្រាប់ការលើកលែង គឺមិនអាចមានការលើកលែង ជាមួយនរណាក៏ដោយ ដែលមានការប៉ុនប៉ង សម្រាប់ធ្វើជាឈ្នាន់សម្រាប់ការចូលមករបស់ សម រង្ស៊ី ដើម្បីចូលស្រុក គឺយើងមិនអាចលើកលែងនោះទេ។»

មេដឹកនាំរបបឯកបក្ស បានបញ្ជាក់ឡើងវិញថា៖

«គឺកំចាត់ចោលកម្លាំងប្រឆាំងទាំងអស់ ដែលជាបណ្ដាញរបស់អតីតសង្គ្រោះជាតិ ដោយមិនឲ្យពួកនេះរើក្បាលរួច និងមិនមានលទ្ធភាព មកចូលរួមបោះឆ្នោត សម្រាប់ឆ្នាំ២០២២ ហើយក៏មិនអាចបន្ត ទៅឆ្នាំ២០២៣ដែរ។»

លោកបានបញ្ជា ទៅក្រុមមនុស្សក្រោមបង្គាប់របស់លោក រួមមានអ្នកនាំពាក្យរដ្ឋាភិបាល ឬតាមបណ្ដាក្រសួងធំៗ ព្រមទាំងអ្នកនាំពាក្យរដ្ឋសភា-ព្រឹទ្ធសភា ឲ្យឈប់ឆ្លើយឆ្លងជាមួយលោក សម រង្ស៊ី ព្រោះជាល្បិច​របស់មេដឹកនាំប្រឆាំង ដើម្បីកុំឲ្យគេភ្លេច នឹងអាលចូលមកក្នុងកញ្ចប់ នៃកិច្ចចរចាជាយថាហេតុណាមួយ ហើយក្លាយជាភាគីមួយ ដើម្បីមកតថ្លៃជាមួយលោក។

តែមេដឹកនាំរូបនេះ បានអនុញ្ញាត​ឲ្យ​សារព័ត៌មាន​ស្និតនឹង​លោក ជាអ្នកឆ្លើយឆ្លង​ជំនួសវិញ។ សារព័ត៌មាន​ប្រភេទនោះ មានដូចជា «Fresh News» ជាដើម។ លោក ហ៊ុន សែន បានប្រាប់ឲ្យស្រង់មតិ​របស់អ្នកវិភាគ ដែលនិយមប្រឆាំងលោក សម រង្ស៊ី ដូចយ៉ាងលោក សុខ សុគន ហៅ «ជេម សុខ» យកមកចុះផ្សាយ។

សម្រាប់លោក ហ៊ុន សែន ការដាក់ទណ្ឌកម្ម  ពីសំណាក់សហគមន៍អន្តរជាតិ ក៏ជាឱកាស «ងាយស្រួយ» និង«មិនពិបាក»សម្រាប់លោក ព្រោះនឹងគ្មាននរណា មកចលនាឲ្យ​លោក​លើកលែងទោស ឲ្យ«អា កឹម សុខា» និង«អា សម រង្ស៊ី»បានទៀតដែរ៕

ខាងក្រោមនេះ ជាខ្សែអាត់សម្លេងទាំងស្រុង​របស់លោក ហ៊ុន សែន៖



You may also like

កម្ពុជា

ហ៊ុន សែន អះអាងថា​នឹង​«មិនរត់​ចោល​ពលរដ្ឋ និង​កងទ័ព»​ដាច់ខាត

មេដឹកនាំរដ្ឋាភិបាលកម្ពុជា លោក ហ៊ុន សែន បានថ្លែងក្នុងព្រឹកថ្ងៃនេះថា លោកនឹង«មិនរត់​ចោល​ពលរដ្ឋ និង​កងទ័ព»កម្ពុជា ទោះក្នុងកាលៈទេសៈណាក៏ដោយ។ លោកថា លោកមិនមានសញ្ជាតិបរទេស ដើម្បីអាចរត់ទៅបរទេសបានទេ បើទោះក្នុងពេលកន្លងមក លោកអាចចាកចេញ ...
កម្ពុជា

សម រង្ស៊ី៖ ហ៊ុន សែន ឲ្យចិន​ធ្វើអាណានិគម​លើកម្ពុជា ព្រោះ​ខ្លាចការ«បះបោរ»

មេដឹកនាំប្រឆាំង លោក សម រង្ស៊ី បានអះអាងថា លោកនាយករដ្ឋមន្ត្រី ហ៊ុន សែន បានហៅបរទេស​ឲ្យមក​«ការពារអំណាច»​ឲ្យលោក ដោយហេតុថា បុរសខ្លាំងកម្ពុជាខ្លាចពលរដ្ឋកម្ពុជាងើប«បះបោរ»ប្រឆាំងលោក។ លោក សម ...
កម្ពុជា

ហ៊ុន សែន ព្រមាន​គណៈរដ្ឋមន្ត្រី​របស់​លោក ថាកុំចង់​ឲ្យលោក​ស្លាប់

បន្ទាប់ពីតំណាល ចូលដល់រឿងដែលលោកថា មិនជឿគេដាក់ថ្នាំបំពុលសម្លាប់លោកនោះ នាយករដ្ឋមន្ត្រីកម្ពុជា លោក ហ៊ុន សែន បានងាកមកព្រមានគណៈរដ្ឋមន្ត្រីរបស់លោក ថាកុំចង់ឲ្យលោកស្លាប់ ព្រោះបើលោកស្លាប់ គឺមានន័យជាការរំលាយតំណែង តួនាទីរបស់ខ្លួនឯង គ្រវាត់ចោលដូច្នេះដែរ។ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...