លោកនាយករដ្ឋមន្ត្រី ហ៊ុន សែន បានសំដែងការប្ដេជ្ញាចិត្ត ដើម្បីធ្វើការ​ជាមួយរដ្ឋបាលរបស់លោក ចូ បៃដិន (Joe Biden) ប្រធានាធិបតីជាប់ឆ្នោតថ្មី របស់សហរដ្ឋអាមេរិក។ នេះ បើតាមលិខិតមួយ របស់មេដឹកនាំកម្ពុជា ដែលបានផ្ញើរជូនលោក បៃដិន ក្នុងឱកាសអបអរ ចំពោះការជាប់ឆ្នោត ក្លាយជាប្រធានាធិបតីទី៤៦ របស់សហរដ្ឋអាមេរិក។

លិខិតជាភាសាអង់គ្លេស របស់លោក ហ៊ុន សែន ដែលធ្លាក់​មកដល់ដៃ​អ្នកសារព័ត៌មាន ក្នុងរសៀលថ្ងៃព្រហស្បត្តិ៍ ទី១៧ ខែធ្នូ ឆ្នាំ២០២០នេះ បានសរសេរឲ្យដឹងថា៖

«រាជរដ្ឋាភិបាល និងប្រជាជនកម្ពុជា តែងតែផ្តល់សារសំខាន់យ៉ាងធំធេង ដល់ការពង្រឹង និងពង្រីក នូវទំនាក់ទំនងជាមិត្តភាព ដ៏យូរអង្វែងរវាងប្រទេសទាំងពីរ ដែលនៅក្នុងឆ្នាំនេះ យើងកំពុងតែប្រារព្ធខួប លើកទី៧០។ ខ្ញុំសូមគូសបញ្ជាក់ថា រាជរដ្ឋាភិបាល​របស់ខ្ញុំបានប្តេជ្ញាចិត្ត យ៉ាងពេញលេញ ក្នុងការធ្វើការងារ ជាមួយរដ្ឋបាលរបស់ឯកឧត្តម ដើម្បីជំរុញទំនាក់ទំនងទ្វេភាគី ឱ្យកាន់តែល្អ ប្រសើរបន្ថែមទៀត។»

ក្នុងឱកាសនោះ លោក ហ៊ុន សែន បានធ្វើការកោតសរសើលោក បៃដិន ថាមានបទពិសោធដ៏ធំធេង និងមានភាពជាអ្នកដឹកនាំ ដ៏វៀងវៃ រហូតទទួលបាននូវទំនុកចិត្ត ពីប្រជាជនអាមេរិក និងទទួលបានសម្លេងឆ្នោតគាំទ្រ ក្លាយជាប្រធានាធិបតី នៃប្រទេសមហាអំណាច។

ក្នុងការបោះឆ្នោត​ជ្រើសតាំងប្រធានាធិបតីអាមេរិក កាលពីដើមខែវិច្ឆិកា បេក្ខជនមកពីគណបក្សប្រជាធិបតេយ្យ លោក ចូ បៃដិន ទទួលបានសម្លេងគាំទ្រ ជាអង្គបោះឆ្នោត ៣០៦រូប (២៧០រូប ដើម្បីក្លាយជាប្រធានាធិបតី) ខណៈប្រធានាធិបតីចប់តំណែង លោក ដូណាល់ ត្រាំ (Donald Trump) ទទួលបានសម្លេងគាំទ្រ ជាអង្គបោះឆ្នោតត្រឹមតែ ២៣២រូបប៉ុណ្ណោះ។

កាលពីថ្ងៃទី១៤ ខែធ្នូ ឆ្នាំ២០២០ អង្គបោះឆ្នោតដែលទទួលបានសន្លឹកឆ្នោត ពីពលរដ្ឋអាមេរិក ក៏បានបោះឆ្នោត​ទទួលស្គាល់​ជាផ្លូវការ​ហើយដែរ ទៅលើជ័យជម្នះរបស់ លោក ចូ បៃដិន ដើម្បីឱ្យលោកក្លាយជា ប្រធានាធិបតីថ្មី របស់សហរដ្ឋអាមេរិក។

លោក ចូ បៃដិន ជាអតីតអនុប្រធានាធិបតីអាមេរិក ជំនាន់លោកប្រធានាធិបតី បារ៉ាក់ អូបាម៉ា (Barack Obama)។ ក្នុងរដ្ឋបាល របស់លោក អូបាម៉ា ដែលមានរយៈពេល៨ឆ្នាំ (ពីរអាណត្តិ) លោក ហ៊ុន សែន និងរដ្ឋាភិបាលកម្ពុជា តែងទទួលបាន​ការរិះគន់​ជាញឹកញាប់ណាស់ ពីសំណាក់សហរដ្ឋអាមេរិក ជុំវិញការរំលោភសិទ្ធិមនុស្ស និងការងាកចេញ​ពីការដឹកនាំប្រទេស​តាមបែប​លទ្ធិប្រជាធិបតេយ្យ៕



You may also like

កម្ពុជា

ហ៊ុន សែន ព្រមាន​ឈប់​និយាយ​រក​​គណបក្ស​ប្រឆាំង

នាយករដ្ឋមន្ត្រីកម្ពុជា ដែលអង្គុយក្នុងតំណែង តាំងពីជាង ៣ទសវត្សន៍មកនោះ បានព្រមាននៅព្រឹក ថ្ងៃពុធ ទី៩ ខែមករា ឆ្នាំ២០១៩​ នេះ ថាលោកបាននិយាយរួចរាល់ អស់ហើយ ហើយនឹងមិននិយាយបន្ថែម ...
កម្ពុជា

ហ៊ុន សែន ប្ដេជ្ញាកម្ចាត់ក្រុមប្រឆាំង ស្មើនឹងគោលដៅ​«កម្ចាត់​ប៉ុលពត»

នាយករដ្ឋមន្ត្រីបីទសវត្សន៍ជាង របស់កម្ពុជា បានប្រកាសនៅថ្ងៃនេះ ថាលោកប្ដេជ្ញា ដាក់គោលដៅ ក្នុងការកម្ចាត់ក្រុមប្រឆាំង ស្មើនឹងគោលដៅរបស់លោក ក្នុងការ«កម្ចាត់​ប៉ុលពត»។ ការថ្លែងដូច្នេះ របស់លោកនាយករដ្ឋមន្ត្រី ហ៊ុន សែន ធ្វើឡើងបន្ទាប់ពីលោកបានរំលឹក ...
កម្ពុជា

ហ៊ុន សែន៖ «ឪស្ដេច ម៉ែស្ដេច ក៏ខ្ញុំដាក់ដែរ»

នៅក្នុងការលូកដៃ ចូលទៅកកូរកកាយ ស្ថាប័នទូរទស្សន៍ឯកជនមួយ ដើម្បីគម្រាមអគ្គនាយកនៃស្ថាប័ននោះ ឲ្យចាកចេញពីតំណែង លោកនាយករដ្ឋមន្ត្រី ហ៊ុន សែន បានប្រើពាក្យខ្លាំងៗ ថា បើទោះជាជននោះ ជា«ឪស្ដេច ម៉ែស្ដេច» ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...