ដំណឹងពិភពលោក

រវាង ត្រាំ និង បៃដេន … នៅមាន​បេក្ខជន​ទី៣​ម្នាក់ទៀត!

មិនមែនមានតែលោក ដូណាល់ ត្រាំ (Donald Trump) មកពីគណបក្សសាធារណរដ្ឋ និងលោក ចូ បៃដេន (Joe Biden) មកពីគណបក្សប្រជាធិបតេយ្យ ប៉ុណ្ណោះទេ។ ការបោះឆ្នោត ជ្រើសតាំងប្រធានាធិបតីអាមេរិក នាចុងឆ្នាំ២០២០ខាងមុខ នឹងមានបេក្ខជនទី៣ ឬទី៤​បន្ថែមទៀត។ 

កាលពីយប់ថ្ងៃអង្គារ ទី២៨ ខែមេសា ឆ្នាំ២០២០ លោក ជូស្ទីន អាម៉ាស៍ (Justin Amash) ដែលជាតំណាងរាស្ត្រ ពីរដ្ឋមីឈីហ្គែន (Michigan) បានប្រកាសថា លោកគ្រោង​នឹង​ឈរឈ្មោះ ធ្វើជាបេក្ខជននឹងគេដែរ នៅក្នុងក្របខណ្ឌ គណបក្សសេរីនិយម (Libertarian Party)។

លោកបានជាប់ឆ្នោត ជាតំណាងរាស្ត្រ មកពីគណបក្សសាធារណរដ្ឋ។ តែលោកបាន​ចាកចេញ ពីគណបក្សនេះ នៅខែកក្កដា ឆ្នាំ២០១៩ ក្រោមហេតុផល មិនចុះសម្រុង ទាល់តែសោះ ជាមួយលោក ដូណាល់ ត្រាំ។ 

តាំងពីពេលនោះមក លោកបានក្លាយជាតំណាងរាស្ត្រ ឯករាជ្យ ដែលគ្មានគណបក្ស រហូតមកដល់ខែមេសានេះ ទើបលោកបានចូលរួម ជាមួយគណបក្សសេរីនិយម។

គួរបញ្ជាក់ដែរថា លោក ជូស្ទីន អាម៉ាស៍ ជាតំណាងរាស្ត្រ តែម្នាក់គត់ ដែលមិនមែន​មកពី​គណបក្សប្រជាធិបតេយ្យ ហើយបាន​បោះឆ្នោតយល់ស្រប ឲ្យមានការបណ្ដេញលោក ដូណាល់ ត្រាំ ចេញពីតំណែង កាលពីខែធ្នូកន្លងទៅ។ 

លោក អាម៉ាស៍ អាយុ៤០ឆ្នាំ មានកំណើត នៅក្នុងគ្រួសារ អ្នកកាន់សាសនាគ្រឹស្ទ៍ ដែលមាន​ដើមកំណើត​អារ៉ាប់។ លោកបានអះអាងថា លោកមិនចុះសម្រុង ទាំងជាមួយលោក ដូណាល់ ត្រាំ មកពីគណបក្សសាធារណរដ្ឋ និងទាំង​លោក ចូ បៃដេន មកពី​គណបក្ស​ប្រជាធិបតេយ្យ។ លោកបានថ្លែងថា៖

«នៅពេលខ្ញុំមើល បេក្ខជនទាំងពីរ ខ្ញុំគិតដូចបណ្ដាជនអាមេរិក ភាគច្រើនដែរ ថាពួកគេ​ទាំងពីរនាក់ មិនមានសមត្ថភាព ជាប្រធានាធិបតីទេ ហើយយើងទាំងអស់គ្នា ត្រូវការ​មនុស្សថ្មីមួយ ដែលឆ្លាស់គ្នា ពីពួកគេដដែលៗ។»

លោក អាម៉ាស៍ បានពន្យល់ថា៖

«វិធានការឆ្លើយតប ដែលមានតម្លៃដ៏មហាសាល របស់រដ្ឋាភិបាលសហព័ន្ធ (របស់លោក ដូណាល់ ត្រាំ) ទៅនឹងការរាតត្បាត នៃជំងឺ”Covid-19″ កាន់តែបង្ហាញច្បាស់ថែមទៀត ពីអ្វីដែលខ្ញុំអះអាងខាងលើ។ រដ្ឋាភិបាលបានចំណាយ រាប់កោដដុល្លារ ដែលមិនបាន​ជួយ​បណ្ដាជន ដែលកំពុងត្រូវការជំនួយ នោះឡើយ។»

«ផ្ទុយពីជួយបណ្ដាជន ដែលគ្នាត្រូវការនោះ មួយភាគធំនៃជំនួយ បែរជាត្រូវបញ្ជូន ទៅជួយ​មេដឹកនាំ នៃក្រុមហ៊ុនសហគ្រាសធំៗ ឬមនុស្សដែលជាប់ខ្សែស្រឡាយ នឹងមេដឹកនាំ​ទាំងនោះ ទៅវិញ។»

គណបក្សសេរីនិយម បង្កើតឡើងនៅឆ្នាំ ១៩៧០។ គណបក្សនេះប្រឆាំង សឹងតែទាំងស្រុង នូវនយោបាយអន្តរាគមន៍ តាមរយៈការចំណាយរបស់រដ្ឋ រាប់តាំងពីពន្ធដារ រហូតដល់​ការចំណាយ នៅក្នុងវិស័យយោធា។ គណបក្សនេះ ក៏ប្រឆាំងផងដែរ នូវការដាក់​ទណ្ឌកម្ម​ទាំងឡាយ ទៅលើឧក្រិដ្ឋកម្ម ដែលមិនបង្កឲ្យមានជនរងគ្រោះ ដល់ជីវិត ដូចយ៉ាង​ពេស្យាកម្ម និងការជួញដូរ​​គ្រឿងញៀន ជាដើម។

ប៉ុន្តែគណបក្សមួយនេះ មិនដែលទទួលបានផ្លែផ្កាខ្លាំង នៅក្នុងឆាក​នយោបាយ​អាមេរិក​ឡើយ។ តាំងពីគណបក្ស ត្រូវបានបង្កើតមក មានបេក្ខជនប្រធានាធិបតី តែម្នាក់គត់ គឺលោក «Gary Johnson» ដែលទទួលបាន សម្លេងគាំទ្រ រហូតដល់ ៣,៣% ក្នុង​ការបោះឆ្នោត​​ប្រធានាធិបតី ឆ្នាំ២០១៦ (ជ័យជំនះ បានទៅលោក ដូណាល់ ត្រាំ)។

យ៉ាងណា ក៏បេក្ខភាពរបស់លោក ជូស្ទីន អាម៉ាស៍ អាចរកសម្លេងគាំទ្រ បានច្រើនគួរសម ក្នុងនោះមួយភាគ ជាម្ចាស់ឆ្នោត នៃគណបក្សសាធារណរដ្ឋ ដែលប្រឆាំងលោក ដូណាល់ ត្រាំ និងមួយភាគទៀត ជាម្ចាស់ឆ្នោតនិយមកណ្ដាល តែផ្អៀងទៅស្ដាំ ដែលមិនចូលចិត្ត​លោក ចូ បៃដេន។

អ្នកឃ្លាំមើល​នយោបាយអាមេរិក រំពឹងថា នៅក្នុងស្ថានភាព សព្វថ្ងៃ នៃការរាតត្បាតជំងឺ ដ៏ចង្រៃ បេក្ខភាពរបស់លោក ជូស្ទីន អាម៉ាស៍ អាចមានទម្ងន់ ប្រកបដោយសក្ដានុពល ទៅលើលទ្ធផល នៃការបោះឆ្នោត ដ៏សំខាន់មួយនេះ ដែលគេមិនអាចទាយទុក មុនបាន៕

WE’RE READY.For something new. For a government that secures our rights. For equality before the law. For an end to…

Gepostet von Amash for America am Mittwoch, 29. April 2020


លំអិតបន្ថែមទៀត

ដំណឹង

បោះឆ្នោត​ប្រធានាធិបតីអាមេរិក៖ ចិន អបអរជ័យជំនះ​របស់ បៃដិន

សម្រេចសម្រួលទៅ ប្រទេស«ចិន»ប្រជាមានិត បានសំដែងការអបអរ ចំពោះជ័យជំនះ​របស់លោក ចូ បៃដិន (Joe Biden) នៅក្នុងការបោះឆ្នោតប្រធានាធិបតីអាមេរិក ឆ្នាំ២០២០។ នេះ បើតាមការប្រកាសឡើង របស់លោក ...
កំសាន្ដ

ការជួយសង្គ្រោះ តាម​ឧទ្ធម្ភាគចក្រ ដែល​ធ្វើឲ្យ​«វិលមុខ»

ស្ត្រីចំណាស់អាយុ៧៥ឆ្នាំមួយរូប បានឆ្លងកាត់ការជួយសង្គ្រោះ ដ៏កម្របានជួបមួយ តាម​ឧទ្ធម្ភាគចក្រ កាលពីថ្ងៃអង្គារមុន ចេញពីជ្រលងភ្នំ «Piestewa» ក្នុងរដ្ឋអារីហ្សូណា (Arizona)។ ជនរងគ្រោះបានដួល និងបានរងរបួសត្រង់មុខ ហើយទទួលបានការជួយសង្គ្រោះភ្លាមៗ ពីក្រុមអ្នកជួយសង្គ្រោះ ...
ដំណឹង

«អាមេរិក​និងអ៊ឺរ៉ុប ដើរទន្ទឹមគ្នា ដើម្បីលើកកម្ពស់​គំរូ​លទ្ធិប្រជាធិបតេយ្យ»

សហរដ្ឋអាមេរិក និងសហភាពអ៊ឺរ៉ុប ដើរទន្ទឹមគ្នា ក្នុងការគាំទ្រដល់គំរូលទ្ធិប្រជាធិបតេយ្យ ដែលជាមូលដ្ឋានគ្រឹះ នៃគោល​នយោបាយរួម​របស់ពួកគេ។ នេះ​ជាការអះអាងឡើង របស់លោក ឆាល មីឆែល (Charles Michel) ប្រធាន​ក្រុមប្រឹក្សា​អ៊ឺរ៉ុប ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...