ក្រុមមេដឹកនាំ-សមាជិក​​គណបក្សប្រជាធិបតេយ្យ បានទាមទារ​ឲ្យភ្នាក់ងារស៊ើបអង្កេត​​សហព័ន្ធ «FBI» បើកសំនុំរឿង ដើម្បីស៊ើបអង្កេត​​លើលោក ដូណាល់ ត្រាំ (Donald Trump) ជុំវិញសំដីរបស់​ប្រធានាធិបតី​ចប់អាណត្តិរូបនេះ ដែលបានជំរុញ ឲ្យលោក «Brad Raffensperger» អគ្គលេខារដ្ឋ «Georgia» កាលពីថ្ងៃសៅរ៍ ឲ្យពិនិត្យមើលឡើងវិញ អំពីលទ្ធផលឆ្នោតប្រធានាធិបតី នៅក្នុងរដ្ឋនេះ។

សំដីរបស់លោក ត្រាំ ដែលនិយាយតាមទូរស័ព្ទ ត្រូវបានសារព័ត៌មាន «Washington Post» ទទួលបាន និងយកមកចុះផ្សាយ កាលពីថ្ងៃចន្ទ ទី៤ ខែមករាម្សិលម៉ិញ។ នៅក្នុងកិច្ចសន្ទនានោះ គេឮលោកប្រធានាធិបតីចប់អាណត្តិ ឲ្យស្វែងរកសម្លេងឆ្នោត សម្រាប់បង្គ្រប់​បេក្ខភាពរបស់លោក និងត្រូវគណនាឡើងវិញ ជុំវិញលទ្ធផលឆ្នោត។

សារព័ត៌មានអាមេរិកដដែល បានរាយការណ៍ទៀតថា ក្រៅពីអង្វរលោក «Brad Raffensperger» ឲ្យធ្វើតាមសំដីលោកនោះ ប្រធានាធិបតី​អាមេរិក ដែលត្រូវចាកចេញពីសេតវិមាន ក្នុងពីរសប្ដាហ៍ខាងមុខ នៅបានគម្រាមអគ្គលេខា ថានឹងរងបណ្ដឹងព្រហ្មទណ្ឌ។ លោក ត្រាំ បានបន្តគម្រាមលោក «Raffensperger» អំពី«គ្រោះធំ» បើសិនជាលោក «Raffensperger» មិនឆ្លើយតប តាមការស្នើសុំរបស់លោក។

លទ្ធផលសម្លេងឆ្នោត ក្នុងរដ្ឋ«Georgia» ត្រូវបានសើរើ និងរាប់ឡើងវិញ ចំនួនពីរដងហើយ តែមិនមានអ្វីផ្លាស់ប្ដូរទេ ហើយក៏គេរកមិនឃើញ ពីភស្ដុតាងដែលថា មានការលួចបន្លំ នៅក្នុងរដ្ឋនេះដែរ។

នៅចំពោះការទម្លាយសម្លេងលោក ត្រាំ ដោយសារព័ត៌មានខាងលើ មេដឹកនាំ និងសមាជិកគណបក្សប្រជាធិបតេយ្យច្រើននាក់ ជាពិសេស​សមាជិកសភា លោក «Ted Lieu» និងអ្នកស្រី «Kathleen Rice» បានចេញប្រតិកម្មខ្លាំងថា ទង្វើរបស់ប្រធានាធិបតី​ចប់អាណត្តិ ជាការរំលោភធ្ងន់ធ្ងរ ទៅលើច្បាប់បោះឆ្នោត របស់សហរដ្ឋអាមេរិក

នៅក្នុងលិខិតរួមមួយ ផ្ញើរទៅកាន់នាយក «FBI» លោក «Christopher Wray» កាលពីរសៀលថ្ងៃចន្ទ សមាជិកសភា​ទាំងពីររូប បានទាមទារឲ្យភ្នាក់ងារសហព័ន្ធ ជំនាញខាងស៊ើបអង្កេត ឲ្យបើកសំនុំរឿង​ស៊ើបអង្កេត​មួយឡើង ជុំវិញការលើកឡើងរបស់លោក ត្រាំ ។ លិខិតនោះ បានសរសេរ​ថា៖

«ឥឡូវនេះ ភ័ស្តុតាងនៃ​ការលួចបន្លំ​ការបោះឆ្នោត របស់លោក ត្រាំ បានលេចចេញ ជារូបរាងហើយ។»

សមាជិក​គណបក្សប្រជាធិបតេយ្យ មួយរូបទៀត គឺលោក «David Worley» ដែលប្រចាំក្នុងគណៈកម្មការរៀបចំការបោះឆ្នោត នៃរដ្ឋ «Georgia» ក៏បានទាមទារ ឲ្យបើកការស៊ើបអង្កេត ទៅលើករណីនេះដែរ៕



លំអិតបន្ថែមទៀត

កម្ពុជា

ឯកអគ្គរដ្ឋទូត​អាមេរិក​ថ្មី ថ្លែង​​«សារដំបូង»​និយាយពី​លទ្ធិ​ប្រជាធិបតេយ្យ

ឯកអគ្គរដ្ឋទូតអាមេរិកថ្មី ប្រចាំកម្ពុជា លោក ផាទ្រីក មរហ្វី (W. Patrick Murphy) បានថ្លែង«សារដំបូង»របស់លោក ទៅកាន់ពលរដ្ឋកម្ពុជា ក្នុងថ្ងៃនេះ ដោយមានពាក្យពេចន៍មួយចំនួនអះអាងថា លោកនឹងផ្ដល់ការគាំទ្រ ...
កម្ពុជា

ហេតុផលពីរយ៉ាង ដែល​នាំស្ថានទូត​អាមេរិក​លូកដៃ​ចូល​ក្នុង​ករណី កឹម សុខា

ស្ថានទូត​សហរដ្ឋអាមេរិក​ពិតជាមានសិទ្ធិ ក្នុងកិច្ចអន្តរាគមន៍លូកដៃ ចូលករណីលោក កឹម សុខា ដោយសារ«ហេតុផលពីរយ៉ាង»។ នេះ បើតាមការអះអាង​របស់អ្នកនាំពាក្យ​ស្ថានទូត​ នៃប្រទេសមហាអំណាច ប្រចាំក្នុងរាជធានីភ្នំពេញ ដើម្បីប្រតិកម្មតប​ទៅសេចក្ដី​ថ្លែងការណ៍ របស់ក្រសួងការបរទេស​កម្ពុជា ដែលចេញផ្សាយ​ ...
កំសាន្ដ

សារមន្ទីរ​«Tussaud»​នៅប៊ែរឡាំង ដាក់រូបចម្លាក់ ត្រាំ ចូលក្នុង​ធុងសំរាម

ដាក់រូបចម្លាក់លោក ដូណាល់ ត្រាំ (Donald Trump) ប្រធានាធិបតីចប់អាណត្តិ ចូលក្នុង​ធុងសំរាម ៖ នោះជាកាយវិការ ដ៏គួរឲ្យអស់សំណើច ដែលត្រូវបានធ្វើឡើង ជា«និមិត្តរូប» តាំងពីថ្ងៃទី១ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...