«មិនចុះចាញ់​ដាច់ខាត» លោក ដូណាល់ ត្រាំ (Donald Trump) ប្រធានាធិបតី​ចប់អាណត្តិ បានថ្លែង​ដូច្នេះ ទៅកាន់អ្នកគាំទ្រលោក ដែលបានប្រមូលគ្នាជាច្រើនពាន់ពាន់ ដើម្បីធ្វើបាតុកម្ម​ មុននឹងឈានដល់ ការចូល​កាន់កាប់វិមាន​កាពីតូល ក្នុងរដ្ឋធានីវ៉ាស៊ីនតោន នៅរសៀលថ្ងៃពុធទី៦​ ខែមករានេះ។

ក្នុងវិមាននោះ សភាទាំងពីរថ្នាក់របស់សហរដ្ឋអាមេរិក កំពុងជួបប្រជុំគ្នា ដើម្បីរាប់សន្លឹកឆ្នោត របស់អង្គបោះឆ្នោត រួចប្រកាសជាផ្លូវការ និងចុងក្រោយ នូវជ័យជំនះរបស់លោក ចូ បៃដិន (Joe Biden) ក្នុងការបោះឆ្នោត​ប្រធានាធិបតី កាលពីដើមខែវិច្ឆិកា។

នៅចំពោះអ្នកគាំទ្រ លោក ដូណាល់ ត្រាំ បានថ្លែងអះអាងថា៖

«យើងបានឈ្នះការបោះឆ្នោតនេះ ហើយថែមទាំងឈ្នះ បានយ៉ាងភ្លូកទឹក​ភ្លូកដីផងទៀត។»

បើតាមសម្លេងឆ្នោត របស់អង្គបោះឆ្នោត ដែលទទួលបានពីរដ្ឋនានា បង្ហាញថា លោក ចូ បៃដិន ទទួលបាន៣០៦សម្លេង ខណៈលោក ត្រាំ ទទួលបាន២៣២សម្លេង។

សមាជិកព្រឹទ្ធសភាមួយចំនួន មកពីគណបក្សសាធារណរដ្ឋ បានសន្យាជាមួយលោក ត្រាំ ថានឹងធ្វើការជំទាស់ ចំពោះសម្លេង​ឆ្នោត របស់អង្គបោះឆ្នោតទាំងនេះ។ តែការជំទាស់ នឹងមិនមានទម្ងន់អ្វី ដែលអាចធ្វើ​ឲ្យមានការផ្លាស់ប្ដូរ ក្នុងនីតិវិធីរបស់​​អង្គប្រជុំនោះទេ ដោយហេតុថា សមាជិកព្រឹទ្ធសភា មកពីគណបក្សសាធារណរដ្ឋ ជាច្រើននាក់ផ្សេង មិនយល់ស្របតាម។

លោក ត្រាំ បានថ្លែងពីសមាជិកព្រឹទ្ធសភា ដែលមិនស្របនឹងលោកទាំងនោះថា៖

«យើងមានសមាជិកព្រឹទ្ធសភាខ្សោយ ច្រើននាក់ណាស់។ ពួកគេទាំងនោះ គួរឲ្យអាណិតមែនទែន។»

ប៉ុន្តែលោក ត្រាំ បានប្រាប់អនុប្រធានាធិបតី​របស់លោក គឺលោក មៃ ផេន (Mike Pence) ដែលធ្វើជា​ប្រធានអង្គប្រជុំ​ខាងលើ ថាត្រូវបដិសេធ​ជ័យជំនះ របស់លោក បៃដិន។ លោកប្រធានាធិបតីចប់អាណត្តិ និយាយថា៖

«បើ មៃ ផេន ធ្វើរឿងល្អនោះ យើងពិតជាឈ្នះការបោះឆ្នោត។ បើសិនជាគាត់មិនធ្វើអញ្ចឹងទេ វាជាថ្ងៃដ៏អាណោចអាធមណាស់ សម្រាប់ប្រទេសរបស់យើង (…) ខ្ញុំពិតជាខកចិត្តយ៉ាងខ្លាំង។»

រដ្ឋធម្មនុញ្ញរបស់សហរដ្ឋអាមេរិក បានចែងថា ប្រធានអង្គប្រជុំ (ដែលពេលនេះ ជាលោក មៃ ផេន) មានតួនាទីត្រឹមជា​និមិត្តរូបប៉ុណ្ណោះ។ តួនាទីនោះ គឺ«បើក»លិខិតបញ្ជាក់ ដែលអះអាង​ពីសម្លេងឆ្នោត នៅតាមរដ្ឋនីមួយៗ និងមិនមានសិទ្ធិជំទាស់ ឬធ្វើការតវ៉ាអ្វីទេ។ ការជំទាស់ ឬការតវ៉ា ជាតួនាទីរបស់សមាជិកសភា និងសមាជិកព្រឹទ្ធសភា។

យ៉ាងណា នៅចំពោះហ្វូងមនុស្ស ដ៏សន្ធឹកសន្ធាប់ លោក ដូណាល់ ត្រាំ នៅតែបន្តចោទប្រកាន់ អំពីការលួចបន្លំសន្លឹកឆ្នោត ដូចដែល​លោក ធ្លាប់បានធ្វើ ជាច្រើនដងរួចមកហើយ។ តែការចោទប្រកាន់​របស់លោកកន្លងមក តែងត្រូវបានតុលាការច្រានចោល ដោយសារ​គ្មានភស្ដុតាង​ដាក់បន្ទុក៕



លំអិតបន្ថែមទៀត

កំសាន្ដ

មុន​រថភ្លើង​មក​ដល់… បុរសពិកាភ្នែកម្នាក់ ​បានដើរ​ធ្លាក់ចូល​ផ្លូវដែក

បុរសពិកាភ្នែកម្នាក់ បានដើរធ្លាក់ចូលផ្លូវរថភ្លើងក្រោមដី ក្នុងស្ថានីយ «Red Line Medical Center» នៃក្រុង «Bethesda» ដែលស្ថិតនៅតំបន់​ជាយក្រុង របស់រដ្ឋធានីវ៉ាស៊ីនតោន កាលពីថ្ងៃទី៩ ខែមេសា ...
កម្ពុជា

ស្ថានទូត​ច្រានចោល​ការចោទ​អាមេរិក ថា​នៅពីក្រោយ​«រដ្ឋប្រហារឆ្នាំ១៩៧០»

នៅចំពោះការចោទប្រកាន់ រហូតក្លាយជារឿងធម្មតា ដែលអះអាងថា អាមេរិកនៅពីក្រោយរដ្ឋប្រហារ ថ្ងៃ១៨ ខែមីនា ឆ្នាំ១៩៧០ ទម្លាក់សម្ដេច ព្រះនរោត្ដម សីហនុ និងដាក់ឲ្យមានរបបសាធារណរដ្ឋមួយឡើងនោះ ស្ថានទូតសហរដ្ឋអាមេរិកប្រចាំនៅកម្ពុជា បានចេញធ្វើប្រតិកម្មថា ...
ដំណឹង

បារាំងបន្ត​ដាក់សម្ពាធ ខណៈ ត្រាំ ព្រមាន​បញ្ជូនទ័ព​ទៅ​វេណេស៊ុយអេឡា

បារាំងបន្ត​ដាក់សម្ពាធ ដោយបានរំឭកលោក នីកូឡា ម៉ាឌូរ៉ូ (Nicolas Maduro) ប្រធានាធិបតីវេណេស៊ុយអេឡា ក្នុងថ្ងៃអាទិត្យនេះ ជុំវិញឱសានវាទរបស់ខ្លួន ដែលបានដាក់ជាមួយប្រទេសជាច្រើន ក្នុងសហភាពអ៊ឺរ៉ុប កាលពីសប្ដាហ៍មុន។ សហរដ្ឋអាមេរិកវិញ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...