កម្ពុជាដំណឹង

ក្រុងភ្នំពេញ​រំលឹក​ស្ថានទូត​អាមេរិក បន្ទាប់ពី​បង្ហោះសារ​ថា កឹម សុខា ស្អាតស្អំ

ការបង្ហោះសារថា «លោក កឹម សុខា ស្អាតស្អំ» នៅលើទំព័រហ្វេសប៊ុកផ្លូវការ របស់ស្ថានទូតសហរដ្ឋអាមេរិក កាលពីល្ងាចម្សិលម៉ិញ បានបង្កឲ្យក្រសួងការបរទេស របស់របបដឹកនាំក្រុងភ្នំពេញ ចេញមុខធ្វើប្រតិកម្មនៅថ្ងៃនេះ ដោយហៅការបង្ហោះនោះ ថាជា«ទង្វើក្នុងទិសដៅលំអៀង» ដែល«មិនមានលក្ខណៈការទូត» និង«មិនគោរពដល់អធិបតេយ្យកម្ពុជា» ហើយរំលោភលើអនុសញ្ញាក្រុងវីយែន ឆ្នាំ១៩៦១ ស្ដីពីបេសកកម្មការទូត។

កាលពីល្ងាចម្សិលម៉ិញ ទំព័រហ្វេសប៊ុកផ្លូវការ របស់ស្ថានទូតនៃប្រទេសមហាអំណាច បានសរសេរអម នឹងរូបភាពរបស់លោក កឹម សុខា ផង ដោយប្រកាសថា ប្រធានគណបក្សសង្គ្រោះជាតិរូបនេះ ជា​មនុស្ស«ស្អាតស្អំ ដែលត្រូវបានឃុំខ្លួន ដោយអយុត្តិធម៌ ក្រោមការចោទប្រកាន់មិនពិត»។

សម្រាប់របបដឹកនាំក្រុងភ្នំពេញ ការបង្ហោះរបស់ស្ថានទូតអាមេរិក គឺជា«សារអត្ថាធិប្បាយ តែមួយជ្រុង លើសំណុំរឿងលោក កឹម សុខា» ហើយស្ថានទូតអាមេរិក ត្រូវបានទាមទារឲ្យ«បញ្ឈប់ជាបន្ទាន់ នូវសកម្មភាព​ដែល​មាន​ហេតុផល​​នយោបាយ និងគ្មានការទូតនេះ»។

សេចក្ដីថ្លែងការណ៍របស់ក្រសួងការបរទេស និងប្រតិបត្តិការអន្តរជាតិ ដែលចេញផ្សាយកាលពីប៉ុន្មានម៉ោងមុន បានសរសេរថា៖

«ក្រសួងការបរទេស ត្រូវបង្ខំចិត្តក្រើនរំលឹក ដល់​ស្ថានទូត​សហរដ្ឋអាេមរិក​នៅភ្នំពេញ អំពីមាត្រា៤១ នៃអនុសញ្ញាទីក្រុងវីយែន ឆ្នាំ១៩៦១ ស្ដីពីទំនាក់ទំនងការទូត ដែលជាពិសេសតម្រូវឲ្យស្ថានទូតសហរដ្ឋអាមេរិក គោរពច្បាប់និងបទប្បញ្ញត្តិនានា និងមិនត្រូវជ្រៀតជ្រែក ចូលកិច្ចការផ្ទៃក្នុងរបស់កម្ពុជាឡើយ»៕



លំអិតបន្ថែមទៀត

កម្ពុជា

សិទ្ធិមនុស្ស៖ កម្ពុជា​ថាជា​«នយោបាយនីយកម្ម» អាមេរិក​ថាជា​«ឧបសគ្គ»

បើ​តាមលោក ខៀវ កាញារីទ្ធ រដ្ឋមន្ត្រីក្រសួង​ព័ត៌មានកម្ពុជា បានបរិហារថា គេ​​កំពុង​​ធ្វើ​«នយោបាយនីយកម្ម»​ លើ​បញ្ហា​ព្រហ្មទណ្ឌ​ នៅ​ពេល​​គេ​​លើក ​ពីបញ្ហាលោក ម៉ម សូណង់ដូ ​នាយក​​វិទ្យុ​សំបុក​ឃ្មុំ ថាជា​អ្នកទោស​នយោបាយ​។ ...
របាយការណ៍

ហេតុអ្វី​ប្រព័ន្ធ​ផ្សព្វ​ផ្សាយ មើលមិនឃើញ​ពីជ័យជំនះ របស់ ត្រាំ?

តើប្រព័ន្ធផ្សព្វផ្សាយអាមេរិក មើលមិនឃើញ​ពីជ័យជំនះ របស់លោក ដូណាល់ ត្រាំ (Donald Trump) ឬ​យ៉ាង​ដូចម្ដេច? ប្រព័ន្ធ​ផ្សព្វផ្សាយ​​ទាំង​នោះ បាន​ដឹកនាំ​ការអង្កេតមួយ ដោយខ្លួនឯង ដើម្បីស្វែងយល់​ពីហេតុការណ៍នេះ ហើយ​​ទស្សនាវដ្ដី​​មនោរម្យ.អាំងហ្វូ ...
កម្ពុជា

សម រង្ស៊ី ថា​សម្ពាធ​អន្តរជាតិ​ធ្វើឲ្យ ហ៊ុន សែន សម្រេច​ចិត្ត​​«ត្រឡប់ត្រឡិន»

សម្រាប់មេដឹកនាំប្រឆាំង បានពន្យល់ថា ការប្រកាសរបស់រដ្ឋាភិបាលក្រុងភ្នំពេញ ដែលថា កម្ពុជាមិនបានដាក់សមាជិកសភាអ៊ឺរ៉ុប ចូលក្នុងបញ្ជីខ្មៅ នៃជនហាមឃាត់ចូលទឹកដីកម្ពុជានោះ ជាការសម្រេចចិត្តបែប«ត្រឡប់ត្រឡិន» របស់លោកនាយករដ្ឋមន្ត្រី ហ៊ុន សែន ដែលកំពុងរងសម្ពាធ ពីសហគមន៍អន្តរជាតិ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...