កម្ពុជាដំណឹង

ផែង វណ្ណៈ រង​បណ្ដឹង​មួយទៀត ទារ​ជំងឺចិត្តជាង​«១លានដុល្លារ»

បន្ទាប់ពីបណ្ដឹងចំនួនបីមុន នៅថ្ងៃនេះ មន្ត្រីយោធា និងជាម្ចាស់គណនីហ្វេសប៊ុក ដ៏ល្បីល្បាញ លោក ផែង វណ្ណៈ បានរងបណ្ដឹងមួយទៀត ពីអ្នកប្រើប្រាស់បណ្ដាញសង្គមដូចគ្នា។ នោះ គឺបណ្ដឹងរបស់លោក ខាន់ សុវណ្ណ ដែលត្រូវបានដាក់ទៅកាន់សាលាដំបូងរាជធានី ពីបទ «ជេរប្រមាថ គម្រាមថាសម្លាប់ និងបទបរិហារកេរ្តិ៍ជាសាធារណៈ» និងទារសំណងជំងឺចិត្ត ជាង«១លានដុល្លារ»។

ពាក្យបណ្ដឹងដ៏វែងអន្លាយ របស់លោក ខាន់ សុវណ្ណ បានប្ដឹងលោក ផែង វណ្ណៈ ជុំវិញពាក្យសំដីឆ្លើយឆ្លង ដែលបុរសទាំងពីរបានបង្ហោះដាក់គ្នា នៅលើបណ្ដាញសង្គម។ ពាក្យបណ្ដឹងនោះ ឲ្យដឹងថា លោក ខាន់ សុវណ្ណ បានសុំឲ្យតុលាការផ្តន្ទាទោស និងទារសំណងជំងឺចិត្ត ជាទឹកប្រាក់ចំនួនជាង «១លានដុល្លារ» ពីលោក ផែង វណ្ណៈ។



មន្ត្រីយោធា ស័ក្ដិ៤កន្លះ លោក ផែង វណ្ណៈ ត្រូវបានមន្ត្រីកងរាជអាវុធហត្ថ រាជធានីភ្នំពេញ នាំខ្លួនទៅដល់តុលាការក្រុងភ្នំពេញ ក្នុងរសៀលថ្ងៃទី២ ខែមេសា ឆ្នាំ២០១៩​ដដែលនេះ ដើម្បីប្រឈមនឹងការសាកសួរបន្ថែម ពីលោកព្រះរាជអាជ្ញា ជុំវិញបទចោទ ពីការញុះញង់ ឲ្យប្រព្រឹត្តបទឧក្រិដ្ឋជាអាទិ៍ និងបទបរិហារកេរ្តិ៍ ជាសាធារណៈ។

បណ្ដឹងរបស់លោក ខាន់ សុវណ្ណ ជាបណ្តឹងទី៤ហើយ ដែលត្រូវបានដាក់ប្ដឹងប្រឆាំង លោក ផែង វណ្ណៈ។

បណ្ដឹងទីមួយ ជារបស់លោក ពេជ្រ ស្រស់ ទៅកាន់អង្គភាព​ប្រឆាំងអំពើពុករលួយ ពាក់ព័ន្ធនឹង​ករណីតំណាងឲ្យ​ក្រុម​គ្រួសារ​​ជនល្មើស បើកឡានបុកមនុស្សស្លាប់ យកលុយ ៥០០០ដុល្លារ ទៅចូលបុណ្យសព​ជនរងគ្រោះ​។ កាលពីព្រឹកម៉ិញ លោក ពេជ្រ ស្រស់ បានចូលទៅបំភ្លឺក្នុងអង្គភាពប្រឆាំងអំពើពុករលួយរួចហើយ។

បណ្ដឹងទីពីរ ជារបស់មេកាសែត «Fresh News» ទៅកាន់សាលាដំបូងរាជធានី ប្ដឹងលោក ផែង វណ្ណៈ ពីបទ«បរិហារកេរ្តិ៍ជាសាធារណៈ។

តាមរយៈបណ្ដឹងនេះ លោក អ៊ុំ សុភ​ក្តិ ព្រះរាជអាជ្ញារង និង​ជា​តំណាង​អយ្យការ​អម​សាលាដំបូង​រាជធានី​ភ្នំពេញ បានចេញ​ដីកា​កាលពីម្សិលម៉ិញ បង្គាប់​ឲ្យលោក ផែង វណ្ណៈ ចូល​បង្ហាញខ្លួន នៅ​អយ្យការ​អម​សាលាដំបូង​រាជធានី​ភ្នំពេញ ឲ្យ​បាន​មុន​ថ្ងៃទី​៣០ ខែមេសា ឆ្នាំ​២០១៩ ដើម្បី​សាកសួរ។

រីឯបណ្ដឹងទីបី ជារបស់លោកនាយករដ្ឋមន្ត្រី ហ៊ុន សែន ដែលធ្វើឡើងតាមរយៈលោក គី តិច មេធាវីតំណាងរបស់លោក ចោទលោក ផែង វណ្ណៈ មានចេតនាបរិហារកេរ្តិ៍លោក ហ៊ុន សែន ថាជាអ្នកនៅពីក្រោយឃាតកម្ម លើលោក កែម ឡី។

នាយករដ្ឋមន្ត្រី​ប្ដឹង​លោក ផែង វណ្ណៈ ទាក់ទង​​នឹងការបង្ហោះមួយ​ក្នុងថ្ងៃទី២៩ ខែមិនា ឆ្នាំ២០១៩ ដែលលោក វណ្ណៈ ប្រៀបធៀបការយកប្រាក់​ទៅចូលបុណ្យសព​យុវតីរងគ្រោះ ក្នុងគ្រោះថ្នាក់ចរាចរណ៍មួយ ថាមិនខុសគ្នា​ពីការចូលបុណ្យ​ធ្វើចេតិយ៍​សពលោក កែម ឡី ពីសំណាក់មេកាសែត «Fresh News» ដែលតំណាងឲ្យលោក ហ៊ុន សែន កាលពីពេលកន្លងមក​នោះទេ៕



លំអិតបន្ថែមទៀត

កម្ពុជា

ផែង វណ្ណៈ នឹង​ត្រូវ​ដោះលែង នៅថ្ងៃ​ស្អែក បន្ទាប់ពី​សរសេរ​លិខិត​«សុំទោស»

មន្ត្រីយោធាពាក់ស័ក្ដិ៤កន្លះ លោក ផែង វណ្ណ ដែលគេស្គាល់ថា ជាអ្នកប្រើប្រាស់បណ្ដាញសង្គមដ៏ល្បី នឹងត្រូវដោះលែង ឲ្យមានសេរីភាព នៅថ្ងៃអង្គារថ្ងៃទី១៨ ខែមិថុនាស្អែក បន្ទាប់ពីតុលាការរាជធានី បានសម្រេចក្នុងព្រឹកថ្ងៃចន្ទទី១៧ ខែមិថុនានេះ ...
កម្ពុជា

អង្គការចំនួន៣ នៅអាស៊ី រួមគ្នាថ្កោលទោស​ដីកា​ចាប់ខ្លួន​មេដឹកនាំ CNRP

អង្គការចំនួន៣ នៅអាស៊ី បានចេញសេចក្ដីថ្លែងការណ៍រួមមួយ ថ្កោលទោសការចេញ​ដីកា​របស់សាលាដំបូង​រាជធានីភ្នំពេញ កាលពីថ្ងៃទី១២ ខែមិនា ឲ្យចាប់ខ្លួនមេដឹកនាំគណបក្សប្រឆាំងទាំង៨រូប ដោយហៅដីកានោះ ថាជាភស្ដុតាងថ្មីបង្ហាញពីការប្ដេជ្ញាចិត្ត របស់របបឯកបក្សក្រុងភ្នំពេញ ក្នុងការបំបាត់សម្លេងប្រជាធិបតេយ្យ នៅក្នុងប្រទេសកម្ពុជា។ សម្រាប់អ្នកនាំពាក្យក្រសួងយុត្តិធម៌កម្ពុជា ...
ក្រុមយុវជនសមាជិកចលនាមាតាធម្មជាតិ ដែលត្រូវបានចាប់ខ្លួន និងបញ្ជូនទៅតុលាការ។ (រូបថតលើហ្វេសប៊ុក)
កម្ពុជា

ស្ថានទូតស៊ុយអែដ ប្រតិកម្ម​ចំពោះ​ការចាប់ខ្លួន​សកម្មជន​ ជាបន្តបន្ទាប់

ស្ថានទូតនៃប្រទេសស៊ុយអែដ ប្រចាំនៅកម្ពុជា បានប្រតិកម្មភ្លាមៗ នៅចំពោះ​ការចាប់​ខ្លួន​ក្រុមសកម្មជន ដែលត្រូវបានធ្វើឡើង ជាបន្តបន្ទាប់ នៅប៉ុន្មានថ្ងៃចុងក្រោយ។ នៅថ្ងៃអាទិត្យនេះ​ អាជ្ញាធរបានចោទ​ប្រកាន់​យុវជន​ជាសកម្មជន​បរិស្ថាន​ចំនួន៣នាក់​ពី “ញុះញង់​ បង្កឱ្យមានភាព​វឹកវរធ្ងន់ធ្ងរ​ ដល់សន្តិសុខ​សង្គម​” និង​បង្គាប់ឱ្យ​បញ្ជូន​អ្នក​ទាំងបី​​ទៅឃុំខ្លួន​បណ្ដោះអាសន្ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.