កម្ពុជាដំណឹង

ស្ថានទូតអាមេរិកថា កឹម សុខា គ្មានកំហុសនិងជាប់ឃុំដោយអយុត្តិធម៌

ស្ថានទូតសហរដ្ឋអាមេរិក បានចេញមុខ មកអះអាងថា លោក កឹម សុខា ប្រធានគណបក្សសង្គ្រោះជាតិ ដែលកំពុងជាប់ឃុំ ក្នុងគេហដ្ឋានសព្វថ្ងៃ គឺជាមនុស្សស្អាតស្អំ ដែលត្រូវបានឃុំខ្លួនដោយអយុត្តិធម៌ ក្រោមបទចោទប្រកាន់មិនពិត។

ទំព័រហ្វេសប៊ុកផ្លូវការ របស់ស្ថានទូតប្រទេសមហាអំណាច បានអះអាងយ៉ាងដូច្នេះ កាលពីប៉ុន្មាននាទីមុន ដោយរំឭកមកបញ្ជាក់ថា លោក កឹម សុខា បានជាប់ក្នុងការឃុំឃាំងជិត ១៨ខែហើយ ពោលគឺមានរយៈពេល ៥៣០ ថ្ងៃ នៃការជាប់ឃុំ។

ស្ថានទូតបានបន្តអះអាងថា៖

«មិនមានភស្តុតាងណាមួយ ប្រឆាំងនឹងគាត់ឡើយ ហើយក៏មិនទាន់ [មាន] ការកំណត់ [ដើម្បី]បើកសវនាការកាត់ទោសគាត់ដែរ។ គ្មានភស្តុតាង គ្មានសវនាការកាត់ទោស គ្មានយុត្តិធម៌។ តើអ្នកកំពុងមើលឃើញរូបភាពរួមទេ?»

ប្រធានគណបក្សសង្គ្រោះជាតិ លោក កឹម សុខា ត្រូវបានកងកម្លាំងអាជ្ញាធរ ចូលទៅចាប់ខ្លួន ដល់ក្នុងគេហដ្ឋាន កាលពីយប់ថ្ងៃទី២ ចូលមកថ្ងៃទី៣ ខែកញ្ញា ឆ្នាំ២០១៧ មុននឹងបញ្ជូនខ្លួនលោក ទៅឃុំក្នុងពន្ធនាគារត្រពាំងថ្លុង ជិតព្រំដែនវៀតណាម។

នៅមួយឆ្នាំក្រោយមក មេដឹកនាំប្រឆាំងរូបនេះ ត្រូវបានចៅក្រមស៊ើបសួរ ផ្ទេរការឃុំខ្លួននេះ មកនៅក្នុងគេហដ្ឋានរបស់លោកវិញ ឯរាជធានីភ្នំពេញ។

មកដល់ពេលនេះ សំណុំរឿងរបស់លោក កឹម សុខា បានអូសបន្លាយពេល ប្រមាណជិត១ឆ្នាំកន្លះហើយ និងកំពុងស្ថិតក្នុងដំណាក់កាល នៃការស៊ើបសួរនៅឡើយ។

នៅក្នុងសារឯកជនមួយ ដែលត្រូវបានបញ្ជូន ទៅឲ្យមន្ត្រីជំនិតរបស់លោក ហើយដែលត្រូវបានបែកធ្លាយកាលពីម្សិលម៉ិញ មកដល់ដៃអ្នកសារព័ត៌មាន លោកនាយករដ្ឋមន្ត្រី ហ៊ុន សែន បានថ្លែងថា ទណ្ឌកម្មរបស់សហគមន៍អន្តរជាតិ ជាពិសេសពីសហភាពអ៊ឺរ៉ុប នឹងបង្កភាពងាយស្រួលកាន់តែខ្លាំង សម្រាប់រូបលោក ព្រោះនឹងគ្មាននរណា មកចលនាឲ្យលោក​លើកលែងទោស ឲ្យ«អា កឹម សុខា» និង«អា សម រង្ស៊ី»​បានទៀតដែរ៕  

*English below*តើអ្នកមានដឹងទេថា លោក កឹម សុខា បានជាប់ក្នុងការឃុំឃាំងជិត ១៨ខែមកហើយ? វាមានរយៈពេល ៥៣០ ថ្ងៃនៃការជាប់ឃុំ។…

Gepostet von U.S. Embassy Phnom Penh, Cambodia am Freitag, 15. Februar 2019


លំអិតបន្ថែមទៀត

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

សហរដ្ឋអាមេរិក​នឹងផ្ដល់វ៉ាក់សាំងបង្ការជំងឺកូវីដ-១៩ (Covid-19) ប្រភេទ«Johnson&Johnson» ប្រមាណ​ជាង១លានដូស ជូនដល់ប្រជាជន​កម្ពុជា ក្នុងពេលឆាប់ៗខាងមុខនេះ។ នេះ បើតាមសំណេរជូនដំណឹង របស់​ភ្នាក់ងារ​រដ្ឋាភិបាលអាមេរិក «USAID» នៅលើទំព័រហ្វេសប៊ុក​ផ្លូវការ​របស់ខ្លួន។ ភ្នាក់ងារសហរដ្ឋអាមេរិក សម្រាប់ការអភិវឌ្ឍអន្តរជាតិ ...
កម្ពុជា

សភា​នឹង​ប្រជុំ​អនុម័ត​កំណែ​ច្បាប់​ថ្មី ស្ដីពី​គណបក្ស​នយោបាយ នៅ​ថ្ងៃទី១៣ ខែ​ធ្នូ​ខាង​មុខ

រដ្ឋសភាឯកបក្ស របស់ប្រទេសកម្ពុជា នឹងបើកសម័យប្រជុំពេញអង្គរបស់ខ្លួន នៅថ្ងៃព្រហស្បត្តិ៍ទី១៣ ខែធ្នូ ឆ្នាំ២០១៨នេះ ដើម្បីពិភាក្សា និងអនុម័ត លើសេចក្ដីស្នើវិសោធនកម្មច្បាប់ ស្ដីពីគណបក្សនយោបាយ នៅត្រង់មាត្រា៤៥ថ្មី និងសេចក្ដីព្រាងច្បាប់មួយទៀត ស្ដីពីបរធនបាលកិច្ច។ ...
និមិត្តសញ្ញារបស់ស្ថានទូតអាមេរិក និងលោក កឹម សុខា មេដឹកនាំគណបក្សសង្គ្រោះជាតិ។ (រូបថតកាត់ត)
កម្ពុជា

កម្ពុជាថា អាមេរិក​«គឃ្លើន»​ដែល​បរិហារ​ជាថ្មី ការបោះឆ្នោត​ឆ្នាំ​២០១៨

គឃ្លើន – របបក្រុងភ្នំពេញ បានប្រតិកម្ម​ខ្លាំងៗ តបការលើកឡើង របស់ស្ថានទូតសហរដ្ឋ​អាមេរិក ដែលបង្ហោះសារ នៅលើទំព័រហ្វេសប៊ុករបស់ខ្លួន រំលឹកឡើងវិញ ហៅការបោះឆ្នោតសកល ខែកក្កដា ឆ្នាំ២០១៨ ថា«មានកំហុសឆ្គងយ៉ាងខ្លាំង» ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.