• តំណាង​ជាន់ខ្ពស់​អ៊ឺរ៉ុប​ជួប ប្រាក់ សុខុន រំឭក​ពីបញ្ហា​​«EBA»​​នៅ បាងកក

    ជាជំនួបជាមួយលោក ប្រាក់ សុខុន រដ្ឋមន្ត្រីការបរទេស ដើម្បីពិនិត្យមើលឡើងវិញ អំពីជំហានទាំងឡាយ ដែលកម្ពុជាបានដើរ ឬបានឆ្លើយតបជាវិជ្ជមាន ក្នុងការវិលត្រឡប់ ទៅរកការដឹកនាំ តាមបែបប្រជាធិបតេយ្យ និងការគោរពសិទ្ធិមនុស្ស ដើម្បីជាថ្នូរនឹងការបញ្ឈប់ នីតិវិធីព្យួរប្រព័ន្ធអនុគ្រោះ «EBA» ចេញពីប្រទេសកម្ពុជា។ នេះ បើតាមសេចក្ដីប្រកាសព័ត៌មាន របស់សហភាពអ៊ឺរ៉ុប ដែលទស្សនាវដ្ដីមនោរម្យ.អាំងហ្វូ ទើបនឹងទទួលបាន។ ជំនួបរវាង​ប្រមុខការទូតកម្ពុជា និងអ្នកស្រី ហ្វេឌឺរីកា មូហ្គេរីនី (Federica Mogherini) តំណាងជាន់ខ្ពស់​នៃសហភាព​អ៊ឺរ៉ុប ទទួលបន្ទុកកិច្ចការបរទេស និងគោលនយោបាយសន្ដិសុខនោះ បានប្រព្រឹត្តិទៅ នៅក្រៅកិច្ចប្រជុំ អាស៊ាន-អ៊ឺរ៉ុប កម្រិតរដ្ឋមន្ត្រីការបរទេស ក្នុងរាជធានីបាងកក ...
  • សម រង្ស៊ី ថា​សម្ពាធ​អន្តរជាតិ​ធ្វើឲ្យ ហ៊ុន សែន សម្រេច​ចិត្ត​​«ត្រឡប់ត្រឡិន»

    សម្រាប់មេដឹកនាំប្រឆាំង បានពន្យល់ថា ការប្រកាសរបស់រដ្ឋាភិបាលក្រុងភ្នំពេញ ដែលថា កម្ពុជាមិនបានដាក់សមាជិកសភាអ៊ឺរ៉ុប ចូលក្នុងបញ្ជីខ្មៅ នៃជនហាមឃាត់ចូលទឹកដីកម្ពុជានោះ ជាការសម្រេចចិត្តបែប«ត្រឡប់ត្រឡិន» របស់លោកនាយករដ្ឋមន្ត្រី ហ៊ុន សែន ដែលកំពុងរងសម្ពាធ ពីសហគមន៍អន្តរជាតិ។ ដើម្បីយល់រឿងនេះ គេត្រូវត្រឡប់ទៅអានលិខិតមួយ របស់លោក ប្រាក់ សុខុន រដ្ឋមន្ត្រីការបរទេស ដែលបានសរសេរ«ណែនាំ» ទៅដល់រាល់ឯកអគ្គរាជទូត និងអគ្គកុងស៊ុលរបស់កម្ពុជា ប្រចាំនៅបរទេសទាំងអស់ ឲ្យ​«បដិសេធការផ្ដល់ទិដ្ឋាការ» ទៅជនណាក៏ដោយ ដែលមានបំណងចង់គាំទ្រ និងការពារទណ្ឌិត ដែលត្រូវបានតុលាការកម្ពុជាផ្ដន្ទាទោស។ លិខិតនោះ ដែលចុះលេខ ៥៩៨៧ និងចុះហត្ថលេខា នៅថ្ងៃទី១៥ ខែកក្កដា ឆ្នាំ២០១៩ ...
  • កម្ពុជា​ថ្កោលទោស​ភេរវកម្ម​បំផ្ទុះ​គ្រាប់បែក នៅ​ស្រីលង្កា

    ប្រទេសកម្ពុជាតាមរយៈក្រសួងការបរទេស​ បានចេញសេចក្ដីថ្លែងការណ៍ ដែលទើបទទួលបានក្នុងថ្ងៃនេះ ថ្កោលទោសអំពើភេរវកម្ម ដោយការបំផ្ទុះគ្រាប់បែកច្រើនកន្លែង នៅ​ស្រីលង្កា កាលពីម្សិលម៉ិញ។ សេចក្ដីថ្លែងការណ៍របស់របបក្រុងភ្នំពេញ ដែលបានចុះថ្ងៃខែ នៅថ្ងៃទី២១ ខែមេសា បានឲ្យដឹងថា កម្ពុជាថ្កោលទោសយ៉ាងខ្លាំងក្លា ចំពោះអំពើហឹង្សាដ៏ សាហាវឃោឃៅនេះ ហើយទង្វើបង្កឲ្យមានការភ័យខ្លាច និងជ្រុលនិយម ដ៏គួរឲ្យស្អប់ខ្ពើមនេះ និងមិនត្រូវអត់ឱនឲ្យ ជាដាច់ខាត។ សេចក្ដីថ្លែងការណ៍ បានឲ្យដឹងទៀតថា៖ «រាជរដ្ឋាភិបាលកម្ពុជា សូមសម្តែងនូវសមានទុក្ខ ដ៏ក្រៀមក្រំចំពោះរដ្ឋាភិបាល និងប្រជាជនស្រីលង្កា ជាពិសេសគ្រួសារនៃជនរងគ្រោះ ដែលបានបាត់បង់ជីវិត នៅក្នុងការវាយប្រហារដោយ គ្រាប់បែកដ៏គួរឲ្យស្អប់ខ្ពើម នៅប្រទេសស្រីលង្កា កាលពីថ្ងៃទី២១ ខែមេសា ឆ្នាំ២០១៩។» តុល្យភាពចុងក្រោយ ...
  • ហ៊ុន សែន ថា​គណៈប្រតិភូ EU គ្មាន​«ឋានានុក្រមស្មើ»​ត្រូវជួប​លោកទេ

    លោកនាយករដ្ឋមន្ត្រី ហ៊ុន សែន បានលើកឡើងបញ្ជាក់ថា អវត្តមាននៃជំនួបរវាងរូបលោក និងគណៈប្រតិភូនៃសហភាពអ៊ឺរ៉ុប «EU» ដែលធ្វើដំណើរមកប្រទេសកម្ពុជា ក្នុងរយៈពេល២ថ្ងៃមកនេះ គឺដោយសារគណៈប្រតិភូទាំងនោះ មិនមាន«ឋានានុក្រមស្មើ» ដែលអាចជួបជាមួយរូបលោក ដែលមានឋានៈជានាយករដ្ឋមន្ត្រីនោះទេ។ ការថ្លែងរបស់លោក ហ៊ុន សែន ធ្វើឡើងនៅព្រឹកថ្ងៃព្រហស្បត្តិ៍នេះ ដើម្បីឆ្លើយតបទៅនឹងការធ្វើអត្ថាធិប្បាយ របស់ក្រុមអ្នកវិភាគ ដែលអះអាងថា ជំនួបដែលកើតមាន តែរវាងគណៈប្រតិភូ «EU» ជាមួយលោក ស ខេង រដ្ឋមន្ត្រីមហាផ្ទៃ និងលោក ប្រាក់ សុខុន រដ្ឋមន្ត្រីការបរទេស ហើយមិនមានជំនួប ជាមួយរូបលោកនោះ គឺជាការបែកបាក់ផ្ទៃក្នុង នៅក្នុងជួររដ្ឋាភិបាលកម្ពុជា ...
  • ហេតុផលពីរយ៉ាង ដែលនាំឲ្យស្ថានទូតអាមេរិកលូកដៃចូលករណី កឹម សុខា

    ស្ថានទូត​សហរដ្ឋអាមេរិក​ពិតជាមានសិទ្ធិ ក្នុងកិច្ចអន្តរាគមន៍លូកដៃ ចូលករណីលោក កឹម សុខា ដោយសារ«ហេតុផលពីរយ៉ាង»។ នេះ បើតាមការអះអាងរបស់អ្នកនាំពាក្យស្ថានទូត​នៃប្រទេសមហាអំណាច ប្រចាំក្នុងរាជធានីភ្នំពេញ ដើម្បីប្រតិកម្មតបទៅសេចក្ដីថ្លែងការណ៍ របស់ក្រសួងការបរទេសកម្ពុជា ដែលចេញផ្សាយ​កាលពី​ចុងសប្ដាហ៍​​កន្លងមក។ ថ្លែងប្រាប់វិទ្យុអាស៊ីសេរី ក្នុងថ្ងៃអាទិត្យទី១៧ ខែកុម្ភៈ ឆ្នាំ២០១៩នេះ មន្ត្រីអ្នកនាំពាក្យស្ថានទូត លោក អារិន ឆ្វាតចេស (Arend Zwartjes) បានលើកយក«ហេតុផលពីរយ៉ាង»នោះ មកពន្យល់ថា៖ «ទី​១ ​​សហរដ្ឋអាមេរិក​ជា​ហត្ថលេខី ​នៃ​កិច្ចព្រមព្រៀង​សន្តិភាព​ទីក្រុង​ប៉ារីស ហើយ​មាន​ភារកិច្ច​ទទួលខុស​ត្រូវ​ លើ​កិច្ចព្រមព្រៀង​នេះ នឹង​ចង់​ឃើញ​លទ្ធិប្រជាធិបតេយ្យ និង​សិទ្ធិមនុស្ស​ត្រូវ​បាន​គោរព​ នៅ​ក្នុង​ប្រទេស​កម្ពុជា។ សេចក្ដី​ប្រកាស​បញ្ជាក់​ថា ប៉ុន្តែ​ជា​អកុសល រដ្ឋាភិបាល​កម្ពុជា​ មិនបាន​បំពេញ​កាតព្វកិច្ច​របស់​ខ្លួន ...
  • ក្រុងភ្នំពេញ​រំលឹក​ស្ថានទូត​អាមេរិក បន្ទាប់ពី​បង្ហោះសារ​ថា កឹម សុខា ស្អាតស្អំ

    ការបង្ហោះសារថា «លោក កឹម សុខា ស្អាតស្អំ» នៅលើទំព័រហ្វេសប៊ុកផ្លូវការ របស់ស្ថានទូតសហរដ្ឋអាមេរិក កាលពីល្ងាចម្សិលម៉ិញ បានបង្កឲ្យក្រសួងការបរទេស របស់របបដឹកនាំក្រុងភ្នំពេញ ចេញមុខធ្វើប្រតិកម្មនៅថ្ងៃនេះ ដោយហៅការបង្ហោះនោះ ថាជា«ទង្វើក្នុងទិសដៅលំអៀង» ដែល«មិនមានលក្ខណៈការទូត» និង«មិនគោរពដល់អធិបតេយ្យកម្ពុជា» ហើយរំលោភលើអនុសញ្ញាក្រុងវីយែន ឆ្នាំ១៩៦១ ស្ដីពីបេសកកម្មការទូត។ កាលពីល្ងាចម្សិលម៉ិញ ទំព័រហ្វេសប៊ុកផ្លូវការ របស់ស្ថានទូតនៃប្រទេសមហាអំណាច បានសរសេរអម នឹងរូបភាពរបស់លោក កឹម សុខា ផង ដោយប្រកាសថា ប្រធានគណបក្សសង្គ្រោះជាតិរូបនេះ ជា​មនុស្ស«ស្អាតស្អំ ដែលត្រូវបានឃុំខ្លួន ដោយអយុត្តិធម៌ ក្រោមការចោទប្រកាន់មិនពិត»។ សម្រាប់របបដឹកនាំក្រុងភ្នំពេញ ការបង្ហោះរបស់ស្ថានទូតអាមេរិក គឺជា«សារអត្ថាធិប្បាយ ...