រដ្ឋមន្រ្តីការបរទេស និងអភិវឌ្ឍន៍នៃចក្រភពអង់គ្លេស បានរំឭករបបក្រុងភ្នំពេញ ឲ្យទទួលយកការរិះគន់ បើទោះជា​ការរិះគន់នោះ ពិបាកលេប​យ៉ាងណាក៏ដោយ។ ប្រមុខការទូតអង់គ្លេស លោក ដូមីនិក រ៉ាអាប់ (Dominic Raab) បានថ្លែងដូច្នេះ នៅក្នុងជំនួបពីរដាច់ដោយឡែក រវាងលោក ជាមួយរដ្ឋមន្ត្រីការបរទេសកម្ពុជា លោក ប្រាក់ សុខុន និងជាមួយរដ្ឋមន្ត្រីបរិស្ថាន លោក សាយ សំអាល់ នាព្រឹកថ្ងៃទី២៣ ខែមិថុនា ឆ្នាំ២០២១ ក្នុងរាជធានីភ្នំពេញ។

បើសិនជាកិច្ចសន្ទនាក្នុងជំនួបខាងលើ មិនត្រូវបានក្រុងភ្នំពេញ ផ្សាយចេញជាសាធារណៈនោះ គឺលោក ដូមីនិក រ៉ាអាប់ រូបលោកផ្ទាល់ ជាអ្នកទម្លាយឲ្យដឹង តាមរយៈកិច្ចសម្ភាសផ្ដាច់មុខមួយ ដែលលោកបានធ្វើជាមួយ សារព័ត៌មាន​ក្នុងស្រុក «Cambodianess» ដែលផ្សាយ​ជាភាសាអង់គ្លេស។

លោក រ៉ាអាប់ បានថ្លែងឡើងថា៖

«ជាដំបូង យើងមានរបៀបវារៈដើម្បីជួបជជែក អំពីបញ្ហាសិទ្ធិមនុស្ស។ ដូច្នេះវាជារឿងធម្មតាទេ ដែលយើងបាន​ពិភាក្សា ពីការបន្តមាន នូវការរឹតត្បិតសេរីភាព​នៃការបញ្ចេញមតិ និងសេរីភាពសារព័ត៌មាន។ ខ្ញុំក៏បានលើកឡើង ពីការព្រួយ​បារម្ភ​របស់យើង ជុំវិញការស៊ើបអង្កេត​ព្រហ្មទណ្ឌថ្មីៗនេះ ការឃុំខ្លួន និងការកាត់ទោស ជាពិសេស​ទៅលើគូប្រជែង​នយោបាយ លោក កឹម សុខា និងទៅលើក្រុមសកម្មជនបរិស្ថាន នៃចលនាមាតាធម្មជាតិ។»

សកម្មជនបរិស្ថាន៤នាក់ ត្រូវបានកម្លាំង​សមត្ថកិច្ចចាប់ខ្លួន កាលពីថ្ងៃទី១៦ ខែមិថុនា ឆ្នាំ២០២១។ យុវជនម្នាក់​ត្រូវ​បានដោះលែងវិញ ខណៈ៣នាក់ទៀត រួមមាន យុវជន លី ចាន់ដារ៉ាវុទ្ធ យុវជន យឹម លាងហ៊ី និងកញ្ញា ស៊ុន រដ្ឋា ត្រូវបានបញ្ជូនទៅតុលាការ។

យុវជនទាំង៣នាក់ ព្រមទាំងស្ថាបនិកចលនាមាតាធម្មជាតិ លោក អាឡិច ហ្គន់សាឡេស ដេវីតសុន (Alejandro Gonzalez Davidson) ត្រូវបានតុលាការរាជធានីចោទប្រកាន់ ពីបទ «រួមគំនិតក្បត់» និង «ប្រមាថអង្គ​ព្រះមហាក្សត្រ»។

… ឲ្យទទួលយកការរិះគន់

ការចាប់ចងខាងលើ បានបន្ថែមព្រឹត្តិការណ៍ ទៅក្នុងបញ្ជីចាប់ចងដ៏វែងអន្លាយ ដែលអាជ្ញាធររបបក្រុងភ្នំពេញ បាន​អនុវត្តន៍ ទៅលើសកម្មជនគណបក្សប្រឆាំង សកម្មជនបរិស្ថានផ្សេងទៀត រួមនឹងក្រុមគ្រួសាររបស់ពួកគេផង។

រដ្ឋមន្ត្រីអង់គ្លេស បានបន្តថា៖

«យើងបានទទួលស្គាល់ថា ការរិះគន់របស់ក្រុមប្រឆាំង និងការរិះគន់​តាមប្រព័ន្ធផ្សព្វផ្សាយ អាចពិបាកលេប ប៉ុន្តែវា​បានរួមចំណែក​ដល់ការត្រួតពិនិត្យ របស់រដ្ឋាភិបាល និងការកែលំអ របស់រដ្ឋាភិបាលខ្លួនឯង។»

សម្រាប់លោក សុខ ឥសាន សមាជិកព្រឹទ្ធសភា និងជាអ្នកនាំពាក្យ​គណបក្សប្រជាជន​កម្ពុជា បានបដិសេធ​តាម​បណ្ដាញ​សង្គម តេឡេហ្គ្រាម ថាកម្ពុជាគ្មានវិបត្តិសិទ្ធិមនុស្ស និងលទ្ធិប្រជាធិបតេយ្យទេ។

នាយក​រង​ប្រចាំ​តំបន់​អាស៊ី​ នៃអង្គការ​ឃ្លាំមើល​សិទ្ធិមនុស្ស​​អន្តរជាតិ​ ​យូ​មែន​ ​រ៉ៃត៍ ​វ៉ច្ឆ (​Human Rights ​Watch​) ​លោក​ ហ្វ៊ីល​ រ៉ូប៊ើតសុ​ន​ (​Phil​ Robertson​) បានលើកឡើងថា ដំណើរទស្សនកិច្ច របស់រដ្ឋមន្រ្តី​ការបរទេសអង់គ្លេស គួរលើកឡើងពីបញ្ហាសិទ្ធិមនុស្ស ក្នុងនោះ​រាប់ទាំងអ្នកការពារបរិស្ថាន និងសិទ្ធិមនុស្ស ដែល​រងការធ្វើទុក្ខបុកម្នេញ នៅក្នុងប្រទេសកម្ពុជា និងទាមទារឱ្យរដ្ឋាភិបាលក្រុងភ្នំពេញ ត្រូវដោះលែង​សកម្មជន​ទាំងនោះ ជាបន្ទាន់ និងដោយ​គ្មានលក្ខខណ្ឌ៕



លំអិតបន្ថែមទៀត

កម្ពុជា

សម រង្ស៊ី ថា​សម្ពាធ​អន្តរជាតិ​ធ្វើឲ្យ ហ៊ុន សែន សម្រេច​ចិត្ត​​«ត្រឡប់ត្រឡិន»

សម្រាប់មេដឹកនាំប្រឆាំង បានពន្យល់ថា ការប្រកាសរបស់រដ្ឋាភិបាលក្រុងភ្នំពេញ ដែលថា កម្ពុជាមិនបានដាក់សមាជិកសភាអ៊ឺរ៉ុប ចូលក្នុងបញ្ជីខ្មៅ នៃជនហាមឃាត់ចូលទឹកដីកម្ពុជានោះ ជាការសម្រេចចិត្តបែប«ត្រឡប់ត្រឡិន» របស់លោកនាយករដ្ឋមន្ត្រី ហ៊ុន សែន ដែលកំពុងរងសម្ពាធ ពីសហគមន៍អន្តរជាតិ។ ...
ក្រុមយុវជនសមាជិកចលនាមាតាធម្មជាតិ ដែលត្រូវបានចាប់ខ្លួន និងបញ្ជូនទៅតុលាការ។ (រូបថតលើហ្វេសប៊ុក)
កម្ពុជា

ស្ថានទូតស៊ុយអែដ ប្រតិកម្ម​ចំពោះ​ការចាប់ខ្លួន​សកម្មជន​ ជាបន្តបន្ទាប់

ស្ថានទូតនៃប្រទេសស៊ុយអែដ ប្រចាំនៅកម្ពុជា បានប្រតិកម្មភ្លាមៗ នៅចំពោះ​ការចាប់​ខ្លួន​ក្រុមសកម្មជន ដែលត្រូវបានធ្វើឡើង ជាបន្តបន្ទាប់ នៅប៉ុន្មានថ្ងៃចុងក្រោយ។ នៅថ្ងៃអាទិត្យនេះ​ អាជ្ញាធរបានចោទ​ប្រកាន់​យុវជន​ជាសកម្មជន​បរិស្ថាន​ចំនួន៣នាក់​ពី “ញុះញង់​ បង្កឱ្យមានភាព​វឹកវរធ្ងន់ធ្ងរ​ ដល់សន្តិសុខ​សង្គម​” និង​បង្គាប់ឱ្យ​បញ្ជូន​អ្នក​ទាំងបី​​ទៅឃុំខ្លួន​បណ្ដោះអាសន្ ...
កម្ពុជា

EU លើកជាថ្មី​ពីកង្វល់​ផ្នែក​សិទ្ធិមនុស្ស​និង​លទ្ធិប្រជាធិបតេយ្យ នៅ​កម្ពុជា

ស្នងការជាន់ខ្ពស់ នៃសហភាពអ៊ឺរ៉ុប ទទួលបន្ទុក​គោលនយោបាយ​ពាណិជ្ជកម្ម អ្នកស្រី សេស៊ីលីយ៉ា ម៉ាលស្រ្តុម (Cecilia Malmström) បានសំដែកក្ដីកង្វល់ជាថ្មីទៀត ចំពោះបញ្ហា សិទ្ធិមនុស្ស និងលទ្ធិប្រជាធិបតេយ្យ នៅក្នុងប្រទេសកម្ពុជា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...
កម្ពុជា

ហ៊ុន ណេង បងប្រុស ហ៊ុន សែន ទទួលមរណភាព​ដោយ​«គាំងបេះដូង»

បងប្រុសបង្កើត របស់លោកនាយករដ្ឋមន្ត្រី ហ៊ុន សែន គឺលោក ហ៊ុន ណេង បានទទួលមរណភាពហើយ កាលពីល្ងាច​ថ្ងៃព្រហស្បតិ៍ ទី៥ ខែឧសភា ឆ្នាំ២០២២នេះ ដោយអាការៈ«គាំងបេះដូង»។ ...