កម្ពុជាដំណឹង

ហេតុផលពីរយ៉ាង ដែល​នាំស្ថានទូត​អាមេរិក​លូកដៃ​ចូល​ក្នុង​ករណី កឹម សុខា

ស្ថានទូត​សហរដ្ឋអាមេរិក​ពិតជាមានសិទ្ធិ ក្នុងកិច្ចអន្តរាគមន៍លូកដៃ ចូលករណីលោក កឹម សុខា ដោយសារ«ហេតុផលពីរយ៉ាង»។ នេះ បើតាមការអះអាង​របស់អ្នកនាំពាក្យ​ស្ថានទូត​ នៃប្រទេសមហាអំណាច ប្រចាំក្នុងរាជធានីភ្នំពេញ ដើម្បីប្រតិកម្មតប​ទៅសេចក្ដី​ថ្លែងការណ៍ របស់ក្រសួងការបរទេស​កម្ពុជា ដែលចេញផ្សាយ​ កាលពី​ចុងសប្ដាហ៍​​កន្លង​មក។

ថ្លែងប្រាប់វិទ្យុអាស៊ីសេរី ក្នុងថ្ងៃអាទិត្យទី១៧ ខែកុម្ភៈ ឆ្នាំ២០១៩នេះ មន្ត្រីអ្នកនាំពាក្យ​ស្ថានទូត លោក អារិន ឆ្វាតចេស (Arend Zwartjes) បានលើកយក «ហេតុផល​ពីរយ៉ាង»នោះ មកពន្យល់ថា៖

«ទី​១ ​​សហរដ្ឋអាមេរិក​ជា​ហត្ថលេខី ​នៃ​កិច្ចព្រមព្រៀង​សន្តិភាព​ទីក្រុង​ប៉ារីស ហើយ​មាន​ភារកិច្ច​ទទួលខុស​ត្រូវ​ លើ​កិច្ចព្រមព្រៀង​នេះ នឹង​ចង់​ឃើញ​លទ្ធិប្រជាធិបតេយ្យ និង​សិទ្ធិ​មនុស្ស​ត្រូវ​បាន​គោរព​ នៅ​ក្នុង​ប្រទេស​កម្ពុជា។ សេចក្ដី​ប្រកាស​បញ្ជាក់​ថា ប៉ុន្តែ​ជា​អកុសល រដ្ឋាភិបាល​កម្ពុជា​ មិនបាន​បំពេញ​កាតព្វកិច្ច​របស់​ខ្លួន ក្នុង​ការ​គោរព​សិទ្ធិមនុស្ស លទ្ធិ​ប្រជាធិបតេយ្យ ដូច​មាន​ចែង ​នៅ​ក្នុង​កិច្ចព្រមព្រៀង​សន្តិភាព​ប៉ារីស ដើម្បី​ការពារ​សិទ្ធិមនុស្ស និង​ប្រជាធិបតេយ្យ។»

«ទី​២ កម្ពុជាបាន​ទាញ​សហរដ្ឋអាមេរិក ឱ្យ​មក​ពាក់ព័ន្ធ​ផ្ទាល់​តែម្ដង ក្នុង​រឿង​លោក កឹម សុខា។ សេចក្ដី​ប្រកាស​បន្ត​ថា ការ​ឃុំខ្លួនលោក កឹម សុខា និង​ចោទប្រកាន់​ ពី​បទ​ផ្សំ​គំនិត​​ជាមួយ​សហរដ្ឋអាមេរិក ដើម្បី​ផ្តួល​រំលំ​រដ្ឋាភិបាល​កម្ពុជា​នោះ គឺជា​ការ​ចោទប្រកាន់​មិន​ពិត និង​មិន​ទំនង​ទាល់តែសោះ​។ ដូច្នេះ រដ្ឋាភិបាល​កម្ពុជា​បាន​ទាញអាមេរិក ឱ្យ​មក​ចូល​ដោយ​ផ្ទាល់ ​ក្នុង​រឿង​នេះ​។»

កាលពីថ្ងៃសុក្រ ទី១៥ ខែកុម្ភៈ ឆ្នាំ២០១៩ ស្ថានទូតសហរដ្ឋអាមេរិក បានអះអាងតាម​រយៈ​ទំព័រហ្វេសប៊ុកផ្លូវការរបស់ខ្លួនថា លោក កឹម សុខា ប្រធានគណបក្សសង្គ្រោះជាតិ ដែល​កំពុង​ជាប់ឃុំ ក្នុងគេហដ្ឋានសព្វថ្ងៃ គឺជាមនុស្សស្អាតស្អំ ដែលត្រូវបានឃុំខ្លួន​ដោយ​អយុត្តិធម៌ ក្រោមបទចោទប្រកាន់មិនពិត។

សំណេរនៃទំព័រហ្វេសប៊ុករបស់ស្ថានទូត បានរំឭកថា លោក កឹម សុខា បានជាប់ក្នុង​ការឃុំឃាំង​ជិត ១៨ខែហើយ ពោលគឺមានរយៈពេល ៥៣០ថ្ងៃ នៃការជាប់ឃុំ។ ស្ថានទូត​បន្តអះអាងថា៖

«មិនមានភស្តុតាងណាមួយ ប្រឆាំងនឹងគាត់ឡើយ ហើយក៏មិនទាន់ [មាន]ការកំណត់ [ដើម្បី]បើកសវនាការកាត់ទោសគាត់ដែរ។ គ្មានភស្តុតាង គ្មានសវនាការកាត់ទោស គ្មាន​យុត្តិធម៌។ តើអ្នកកំពុងមើលឃើញ រូបភាពរួម[ដូច្នេះឬ]ទេ?»

ស្អែកឡើង គឺនៅថ្ងៃសៅរ៍ ក្រសួងការបរទេស និងកិច្ចសហប្រតិបត្តិការអន្តរជាតិ នៃរបប​ក្រុងភ្នំពេញ បានចេញសេចក្ដីថ្លែងការណ៍មួយ ប្រតិកម្មនឹងការលើកឡើងនោះ ដោយ​ចាត់ទុក​ទង្វើរបស់ស្ថានទូត នៃប្រទេសមហាអំណាច ថាមានលក្ខណៈ«មិនការទូត» និង​បានជ្រៀតជ្រែក ចូលកិច្ចការផ្ទៃក្នុងកម្ពុជា។

សម្រាប់របបដឹកនាំ របស់លោក ហ៊ុន សែន ការបង្ហោះ​របស់​ស្ថានទូតអាមេរិក គឺជា​«សារ​អត្ថាធិប្បាយ​តែមួយជ្រុង លើសំណុំរឿងលោក កឹម សុខា» ហើយស្ថានទូតអាមេរិក ត្រូវ​បាន​ទាមទារឲ្យ«បញ្ឈប់ជាបន្ទាន់ នូវសកម្មភាព​ដែល​មាន​ហេតុផល​​​នយោបាយ និងគ្មាន​ការទូតនេះ»៕



លំអិតបន្ថែមទៀត

ដំណឹង

អង្គការ«NATO» នឹងមានថវិកា​១០០ពាន់​លានដុល្លារ​បន្ថែមទៀត

ការអំពាវនាវរបស់ប្រធានាធិបតីអាមេរិក លោក ដូណាល់ ត្រាំ (Donald Trump) ឲ្យសម្ព័ន្ធមិត្តរបស់អាមេរិក បង្កើនថវិកាបដិភាគ សម្រាប់អង្គការសន្ធិសញ្ញាអាត្លង់ទិកខាងជើង ហៅកាត់តាមភាសាអង់គ្លេស «NATO» និងភាសាបារាំង «OTAN» ...
កម្ពុជា

អាមេរិក​នៅពីក្រោយ កឹម សុខា? ជិន ម៉ាលីន ថ្លែងផ្ទុយពី ផៃ ស៊ីផាន

នៅចំពោះការថ្លែង របស់ឯកអគ្គរដ្ឋទូតអាមេរិក ទាក់ទងនឹងករណីប្រធានគណបក្សសង្គ្រោះជាតិ លោក កឹម សុខា អ្នកនាំពាក្យក្រសួងយុត្តិធម៌ លោក ជិន ម៉ាលីន បានចេញមុខមកអះអាងថា រដ្ឋាភិបាលលោក ហ៊ុន ...
កម្ពុជា

ហ៊ុន សែន ប្រៀបប្រដូច សម រង្ស៊ី ទៅនឹង​«សត្វឈ្លូស»

មេដឹកនាំរបបដឹកនាំក្រុងភ្នំពេញ លោក ហ៊ុន សែន បានព្រមានជាថ្មីថា លោកនឹងចាប់លោក សម រង្ស៊ី ដាក់ពន្ធនាគារ ប្រសិនណាជាមេដឹកនាំប្រឆាំងរូបនេះ មានវត្តមាន​ត្រឡប់ ចូលក្នុងប្រទេសវិញ។ ប៉ុន្តែលោក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...