កម្ពុជាដំណឹង

សម រង្ស៊ី៖ «ហ៊ុន សែន ចង់ដាក់ ហ៊ុន ម៉ានី ជំនួស ស ខេង នៅក្រសួងមហាផ្ទៃ»

នៅប៉ុន្មាននាទីមុន ប្រធានស្ដីទី​គណបក្ស​​សង្គ្រោះជាតិ បានបង្ហោះសារខ្លីមួយថា លោក ស ខេង ឧបនាយករដ្ឋមន្ត្រី រដ្ឋមន្ត្រីមហាផ្ទៃ និងជាអនុប្រធាន​គណបក្ស​​ប្រជាជនកម្ពុជា កំពុងរៀបចំបែក ពីលោក​នាយករដ្ឋមន្ត្រី ហ៊ុន សែន ដោយសារប្រមុខ​រដ្ឋាភិបាល​កម្ពុជា មានបំណងរៀបចំ ឲ្យកូនប្រុស​ពៅ​​របស់លោក ឡើងទៅយក​តំណែង​រដ្ឋមន្ត្រីមហាផ្ទៃ ពីលោក ស ខេង។

សំណេរ​របស់លោក សម រង្ស៊ី ធ្វើឡើងតែប៉ុន្មានម៉ោង ក្រោយការទម្លាយ ការសម្ងាត់មួយ កាលពីយប់ម៉ិញ ដែលអះអាងថា លោក ស ខេង បានរៀបចំគម្រោង ឲ្យអតីតមេដឹកនាំគណបក្សប្រឆាំង និរទេសខ្លួន​នៅក្រៅប្រទេស កាលពីថ្ងៃទី១៦ ខែវិច្ឆិកា ឆ្នាំ២០១៥។ ប្រធានស្ដីទី​​គណបក្សប្រឆាំង នៅបង្ហើបទៀតថា រូបលោក និងលោក ស ខេង ធ្លាប់មានគម្រោង​រួមសម្លេងគ្នា នៅក្នុងរដ្ឋសភា ដើម្បីទម្លាក់​រដ្ឋាភិបាល​លោក ហ៊ុន សែន នោះ​ផង។

នៅថ្ងៃទី២៩ ខែធ្នូ ឆ្នាំ២០១៨នេះ មេដឹកនាំប្រឆាំង ដ៏យូរលង់ របស់ប្រទេសកម្ពុជា បានបង្ហើបបន្ថែម មួយករណីទៀត ដោយសរសេរជាសារខ្លី ពន្យល់​នៅលើ​បណ្ដាញសង្គម​ថា៖

«ស ខេង កំពុងរៀបចំបែកពី ហ៊ុន សែន។ ព្រឹត្តិការណ៍មួយដ៏សំខាន់ នឹងផ្ទុះឡើងក្នុងឆ្នាំ ២០១៩ ពីព្រោះ ហ៊ុន សែន ចង់ដាក់កូនប្រុសគាត់ ហ៊ុន ម៉ានី ជំនួស ស ខេង នៅក្រសួងមហាផ្ទៃ។»

នៅក្នុង​ពិធីសម្ពោធ វិមាន«ឈ្នះ-ឈ្នះ» កាលពីព្រឹកម៉ិញ គេឃើញលោក ស ខេង អង្គុយនៅពីក្រោយលោក ហ៊ុន សែន និងទន្ទឹមលោក ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រី​ការពារជាតិ។ ប៉ុន្តែ​នៅក្នុង​ដំណើរ អមលោក ហ៊ុន សែន ដើម្បីទស្សនា សំណង់ថ្មីថ្មោង​មួយនេះ គេមិនឃើញលោក ស ខេង មានវត្តមាន នៅក្បែរ​បុរសខ្លាំង​កម្ពុជាទេ។

យ៉ាងណា ករណីនេះ ត្រូវបានលោក ហ៊ុន សែន ប្រកាសបដិសេធរួចហើយ កាលពីថ្ងៃទី១២ ខែធ្នូ ឆ្នាំ២០១៨ ក្នុងពិធីជួប ជាមួយក្រុមកម្មករ-កម្មការិនី ច្រើនពាន់នាក់ ក្នុងខេត្តកំពង់ស្ពឺ។

លោកនាយករដ្ឋមន្ត្រី បានហៅអ្នក ដែលបញ្ចេញដំណឹងនេះ ថាជា«ជនពាល» ហើយបានអះអាងទៀតថា នឹងគ្មានករណីខាងលើ មិនអាចកើតឡើង ជាដាច់ខាត ព្រោះផ្ទៃក្នុងគណបក្សប្រជាជនកម្ពុជា មានភាពរឹងមាំខ្លាំងណាស់៕

តើនឹងមានរឿងអ្វីប្លែកខ្លះនៅឆ្នាំ២០១៩? យើងនឹងរង់ចាំតាមដានមើល…

Gepostet von Chun Chanboth Vuthy Huot am Samstag, 29. Dezember 2018


លំអិតបន្ថែមទៀត

កម្ពុជា

សម រង្ស៊ី ប្ដេជ្ញា​វិលចូល​កម្ពុជា​វិញ ក្នុងឆ្នាំ២០១៩នេះ

មេដឹកនាំប្រឆាំងកម្ពុជា លោក សម រង្ស៊ី បានអះអាងជាថ្មីថា លោក«ប្ដេជ្ញា​វិលចូល​កម្ពុជា​វិញ» ឲ្យខាងតែបាន នៅក្នុងឆ្នាំ២០១៩នេះ។ ការអះអាងរបស់លោក សម រង្ស៊ី បានធ្វើឡើងជាថ្មីទៀត បើទោះជាលោកនាយករដ្ឋមន្ត្រី ...
កម្ពុជា

អ្នកវិភាគថា ហ៊ុន សែន អួត​ពីអភិក្រម​ទី៥ តែមិន​ទម្លាយ​ពី​«អភិ​ក្រម​ទី៦»

នៅចំពោះការលើកឡើងច្រំដែលៗ ពីសំណាក់លោក ហ៊ុន សែន ខ្លួនលោកផង ពីសំណាក់អ្នកគាំទ្រ​ផង ជុំវិញ«អភិក្រមទី៥ ស្ដីពីការវះកាត់» ដែលដាក់ចេញ​ដោយនាយករដ្ឋមន្ត្រីបីទសវត្សន៍ជាង របស់កម្ពុជានោះ លោក គឹម សុខ ...
កម្ពុជា

ហ៊ុន សែន បន្ទោស​«អាម៉ីអាថោង»​ ដែល​សរសេរ​សុន្ទរកថា​ខុស

បុរសខ្លាំងកម្ពុជា លោក ហ៊ុន សែន បានថ្លែងបន្ទោស រដ្ឋមន្ត្រីប្រតិភូអមនាយករដ្ឋមន្ត្រី របស់លោក ដែលមិនពិនិត្យមើលសុន្ទរកថា ដែលមានសរសេរឈ្មោះ ស្រុកមួយខុស ហើយបានបញ្ជូនសុន្ទរកថានេះ មកឲ្យលោកអានទាំងខុស។ លោកបានស្ដីឲ្យរដ្ឋមន្ត្រីរូបនោះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...