រដ្ឋមន្រ្តីការបរទេស និងអភិវឌ្ឍន៍នៃចក្រភពអង់គ្លេស លោក ដូមីនិក រ៉ាអាប់ (Dominic Raab) ពិតជាបាន​«លើកពី​​បញ្ហា​សិទ្ធិមនុស្ស» ជាមួយលោក ប្រាក់ សុខុន សមភាគីកម្ពុជា នៅក្នុងជំនួបទ្វេភាគី នាព្រឹកថ្ងៃទី២៣ ខែមិថុនា ឆ្នាំ២០២១ ក្នុងរាជធានីភ្នំពេញ។

ប្រមុខការទូតអង់គ្លេស បានបញ្ជាក់ដូច្នេះ នៅលើបណ្ដាញសង្គមទ្វីសធើរ ដោយបង្ហោះភ្ជាប់ជាមួយ នឹងរូបថត​ច្រើន​សន្លឹក នៃជំនួបជាមួយរដ្ឋមន្ត្រីការបរទេសកម្ពុជា។ លោក រ៉ាអាប់ សរសេរឡើងថា៖

«រីករាយ ដែលបានជួប​រដ្ឋមន្ត្រីបរទេសកម្ពុជា លោក ប្រាក់ សុខុន ដើម្បីពិភាក្សា អំពីបញ្ហាជាអាទិភាពរួមរបស់យើង ដូចជា ទំនាក់ទំនងពាណិជ្ជកម្ម បញ្ហាសិទ្ធិមនុស្ស និងបញ្ហាក្នុងប្រទេសភូមា។»

លោក ដូមីនិក រ៉ាអាប់ មិនបានលំអិតបន្ថែម អំពីកិច្ចពិភាក្សា ស្ដីពីបញ្ហាសិទ្ធិមនុស្ស នៅក្នុងជំនួបខាងលើទេ។ លោក​រដ្ឋមន្ត្រី​គ្រាន់តែបាន​បន្តថា៖

«ចក្រភពអង់គ្លេសទន្ទឹងរង់ចាំធ្វើការរួមគ្នា យ៉ាងជិតស្និទ្ធថែមទៀត ក្នុងខណៈពេលកម្ពុជា ធ្វើជាប្រធានអាស៊ាន ក្នុងឆ្នាំ ២០២២។»

ក្នុងសេចក្ដីប្រកាសព័ត៌មាន របស់ក្រសួងការបរទេសកម្ពុជា ដែលចេញផ្សាយនៅមុននេះ មិនបានសរសេរ​ពីកិច្ច​ពិភាក្សា ជុំវិញបញ្​ហាសិទ្ធិមនុស្ស​ខាងលើទេ ផ្ទុយពីលោក នេត្រ ភក្ត្រា រដ្ឋលេខាធិការ និងជាមន្ត្រីនាំពាក្យ​ក្រសួង​បរិស្ថាន ដែលបានអះអាង​ដូចគ្នា តាមបណ្ដាញសង្គមទ្វីសធើរ ថាកិច្ចពិភាក្សា លើកពី​​បញ្ហា​សិទ្ធិមនុស្ស ពិតជា​ស្ថិត​ក្នុងរបៀបវារៈ នៅក្នុងជំនួបរវាងប្រមុខការទូត នៃប្រទេសទាំងពីរ។

នាយក​រង​ប្រចាំ​តំបន់​អាស៊ី​ នៃអង្គការ​ឃ្លាំមើល​សិទ្ធិមនុស្ស​​អន្តរជាតិ​ ​យូ​មែន​ ​រ៉ៃត៍ ​វ៉ច្ឆ (​Human Rights ​Watch​) ​លោក​ ហ្វ៊ីល​ រ៉ូប៊ើតសុ​ន​ (​Phil​ Robertson​) បានលើកឡើងកាលពីព្រឹកម៉ិញថា ដំណើរទស្សនកិច្ច របស់រដ្ឋមន្រ្តី​ការបរទេសអង់គ្លេស គួរលើកឡើងពីបញ្ហាសិទ្ធិមនុស្ស ក្នុងនោះ​រាប់ទាំងអ្នកការពារបរិស្ថាន និងសិទ្ធិមនុស្ស ដែល​រងការធ្វើទុក្ខបុកម្នេញ នៅក្នុងប្រទេសកម្ពុជា និងទាមទារឱ្យរដ្ឋាភិបាលក្រុងភ្នំពេញ ត្រូវដោះលែង​សកម្មជន​ទាំងនោះ ជាបន្ទាន់ និងដោយគ្មានលក្ខខណ្ឌ៕



លំអិតបន្ថែមទៀត

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

EU លើកជាថ្មី​ពីកង្វល់​ផ្នែក​សិទ្ធិមនុស្ស​និង​លទ្ធិប្រជាធិបតេយ្យ នៅ​កម្ពុជា

ស្នងការជាន់ខ្ពស់ នៃសហភាពអ៊ឺរ៉ុប ទទួលបន្ទុក​គោលនយោបាយ​ពាណិជ្ជកម្ម អ្នកស្រី សេស៊ីលីយ៉ា ម៉ាលស្រ្តុម (Cecilia Malmström) បានសំដែកក្ដីកង្វល់ជាថ្មីទៀត ចំពោះបញ្ហា សិទ្ធិមនុស្ស និងលទ្ធិប្រជាធិបតេយ្យ នៅក្នុងប្រទេសកម្ពុជា ...
កម្ពុជា

ហ៊ុន សែន បង្ហាញខ្លួន​ជាសាធារណៈ ជាលើកដំបូងតាំងពី១សប្ដាហ៍

នាយករដ្ឋមន្ត្រី នៃរដ្ឋាភិបាលឯកបក្ស លោក ហ៊ុន សែន ដែលបានអវត្តមាន និងមិនបាន «បង្ហាញខ្លួន​ជាសាធារណៈ» តាំងពី១សប្ដាហ៍កន្លងមក បានបង្ហាញខ្លួនជាថ្មី នៅព្រឹកថ្ងៃអង្គារ ទី២៤ ខែមីនានេះ ...

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...

Comments are closed.