បើតាមនគរបាល បានឲ្យដឹងថា ការផ្ទុះរថយន្ដកំពីង ក្នុងក្រុង«Nashville» (រដ្ឋ«Tennessee») កាលពីព្រឹកព្រហាមថ្ងៃសុក្រនេះ ទំនងជាទង្វើដែល«គ្រោងទុកជាមុន»។ អាគារនៅជុំវិញ ប្រមាណជាង២០អាគារ បានរងការខូតខាតស្រាល (បែកកញ្ចាក់បង្អួច) តែរថយន្ដដែលចតក្បែរនោះ បានរងការខូចខាតធ្ងន់ធ្ងរ។

នគរបាលបានឲ្យដឹងទៀតថា ការផ្ទុះដ៏គួរឲ្យរន្ធត់នោះ បានកើតឡើងនៅវេលាម៉ោង ៦និង៣០នាទីព្រឹក ខណៈមនុស្សម្នា​កំពុងបន្ត​លង់លក់​ក្នុងដំណេក បន្ទាប់ពីការជួបជុំ​ទទួលទានអាហារ នៅយប់មុនថ្ងៃណូអែល។ លោក «Don Aaron» អ្នកនាំពាក្យនគរបាល​ក្រុង«Nashville» បានបញ្ជាក់ថា៖

«នគរបាលមួយក្រុម ត្រូវបានបញ្ជូនទៅកាន់សង្កាត់នោះ ជុំវិញសេចក្ដីរាយការណ៍ ពីការផ្ទុះអាវុធ ហើយបានប្រទះឃើញរថយន្ដកំពីង ចតចោលនៅទីនោះ និងបានសំដែងការសង្ស័យ (…) ភ្លាមៗ នគរបាលក៏បានជម្លៀសបណ្ដាជន ចេញពីអាគារ​ដែលនៅជុំវិញ។»

សារព័ត៌មានក្នុងតំបន់ បានស្រង់ប្រភពពីភ្នាក់ងារជួយសង្គ្រោះ មកបញ្ជាក់ថា មនុស្សយ៉ាងតិចចំនួន៣នាក់ ដែលរងរបួសស្រាល ត្រូវបានបញ្ជូន​ទៅកាន់មន្ទីរពេទ្យ។ សង្កាត់ទាំងមូល ត្រូវបានឡោមព័ទ្ធ ដោយកងកម្លាំងអាជ្ញាធរ។ ភ្នាក់ងារស៊ើបអង្កេតសហព័ន្ធ «FBI» ក៏បានចាប់ផ្ដើម​ធ្វើការស៊ើបអង្កេត ចំពោះការផ្ទុះនេះដែរ។

សេតវិមានឯណោះ បានប្រកាសថា លោក ដូណាល់ ត្រាំ (Donald Trump) ប្រធានាធិបតីជិតផុតអាណត្តិ នៃសហរដ្ឋអាមេរិក ត្រូវបានជូនដំណឹងរួចហើយ អំពីការផ្ទុះ​និងស្ថានការណ៍ នៅជុំវិញហេតុការណ៍ខាងលើ៕



You may also like

កំសាន្ដ

Covid-19៖ តំណាងមេបា​ក្រុង​ញ៉ូយក​​ប្រកាស​ចំណង​មង្គលការ​ ពីជាន់ទី៤

បញ្ហា បណ្ដាលមកពីមេរោក «កូរូណា» ឬ«Covid-19» ! តំណាងមេបាម្នាក់ នៅក្រុងញូយក បានប្រកាស«ពីជាន់ទី៤» នៃអាគារស្នាក់នៅ ដើម្បីរៀបអាពាហ៍ពិពាហ៍ ឲ្យស្ត្រីអាមេរិកាំងពីររូប កាលពីថ្ងៃសុក្រកន្លងមក។ ទស្សនាវដ្ដី ...
ដំណឹង

កាម៉ាឡា ហារី អនុប្រធានាធិបតី​ស្ត្រីដំបូងគេ ដែលមិនមែនជា​«ស្ត្រីចុងក្រោយ»

អ្នកស្រី កាម៉ាឡា ហារី (Kamala Harris) នឹងក្លាយជា«អនុប្រធានាធិបតី​ស្ត្រីដំបូងគេ» នៃសហរដ្ឋ​អាមេរិក បន្ទាប់ពីលទ្ធផលស្ទាបស្ទង់ ធ្វើឡើងដោយប្រព័ន្ធផ្សព្វផ្សាយធំៗ បានផ្ដល់​ជ័យជំនះ ឲ្យបេក្ខជន​មកពី​គណបក្ស​ប្រជាធិបតេយ្យ លោក ចូ ...
ដំណឹង

អាមេរិក៖ អនុប្រធានាធិបតី មៃ ផេន ប្រកាស​ជ័យជំនះ​​របស់ បៃដិន

លទ្ធផលនៃការបោះឆ្នោតប្រធានាធិបតី ដែលទីបំផុតបានឈ្នះ ទៅលើលោក ចូ បៃដិន (Joe Biden) ត្រូវបានប្រកាសដោយលោក មៃ ផេន (Mike Pence) ប្រធានអង្គប្រជុំនៃសភាទាំងពីរថ្នាក់ ...

Comments are closed.

កម្ពុជា

ហ៊ុន សែន ​ឲ្យប្រើ​វ៉ាក់សាំង«​ចិន» ទោះគ្មាន​ការទទួលស្គាល់​ពី«WHO»

ដំណឹង

Covid-19៖ បារាំងរឹតបន្តឹងបម្រាមគោចរ ចាប់ពីម៉ោង១៨ ទូទាំងប្រទេស

រដ្ឋាភិបាលបារាំង បានសម្រេចរឹតបន្តឹងបម្រាមបន្ថែម នៅចំពោះជំងឺរាតត្បាត កូវីដ១៩ (Covid-19) ដោយដាក់បម្រាមគោចរ ចាប់ពីម៉ោង១៨ នៅគ្រប់ស្រុកភូមិទាំងអស់ នៃប្រទេសបារាំងដីគោក។ នាយករដ្ឋមន្ត្រីបារាំង លោក ហ្សង់ កាស្ដិក ...
កម្ពុជា

អ្នកជំនាញ អ.ស.ប ស្នើជាថ្មី​ឲ្យកម្ពុជា​គោរពសិទ្ធិ​ ជនជាប់ចោទ​ទាំង​​៦០នាក់

ការជំនុំជម្រះក្ដី​លើ ជនជាប់ចោទ​ទាំង​​៦០នាក់ ដែលនឹងត្រូវធ្វើឡើង ក្នុងថ្ងៃតែមួយ នៅថ្ងៃទី១៤ ខែមករា ឆ្នាំ២០២១ខាងមុខ នឹងធ្វើឲ្យ​«សិទ្ធិបុគ្គល​របស់ពួកគេ ក្នុងការទទួលបាន​ការជំនុំជម្រះក្តី ប្រកបដោយយុត្តិធម៌ ត្រូវប្រឈមនឹងហានិភ័យ»។ នេះ ជាការអះអាងឡើង ...