កម្ពុជាដំណឹង

ហ៊ុន សែន បន្ទោស​«អាម៉ីអាថោង»​ ដែល​សរសេរ​សុន្ទរកថា​ខុស

បុរសខ្លាំងកម្ពុជា លោក ហ៊ុន សែន បានថ្លែងបន្ទោស រដ្ឋមន្ត្រីប្រតិភូអមនាយករដ្ឋមន្ត្រី របស់លោក ដែលមិនពិនិត្យមើលសុន្ទរកថា ដែលមានសរសេរឈ្មោះ ស្រុកមួយខុស ហើយបានបញ្ជូនសុន្ទរកថានេះ មកឲ្យលោកអានទាំងខុស។ លោកបានស្ដីឲ្យរដ្ឋមន្ត្រីរូបនោះ ថានេះហើយ ដែលគេហៅថា «អាម៉ីអាថោង»។

នាយករដ្ឋមន្ត្រីកម្ពុជា បានថ្លែងឡើងដូច្នេះ នៅក្នុងជំនួប ជាមួយកម្មករ-កម្មការិនីជាច្រើនពាន់នាក់ មកពីរោងចក្រ​-សហគ្រាស​ចំនួន១២ ក្នុងព្រឹកថ្ងៃពុធ ទី៩ ខែមករា ឆ្នាំ២០១៩​នេះ នៅភូមិចមពល ឃុំពពេល ស្រុកត្រាំកក់ ខេត្តតាែកវ។

តាមរយៈការបន្ទោស របស់លោក ហ៊ុន សែន ធ្វើឲ្យគេដឹងថា ឈ្មោះស្រុកដែលសរសេរខុសនោះ គឺស្រុកសំរោង (ខេត្តតាកែវ) ដែលត្រូវបានសរសេរ នៅលើសុន្ទរកថា ថាជា«ស្រុកសំរោងទង (ខេត្តកំពង់ស្ពឺ)»។ ហើយការលើកឡើង ទាក់ទងនឹងស្រុកសំរោង គឺដោយសារ មានកម្មករ-កម្មការិនី មកពីរោងចក្រចំនួនមួយ នៅក្នុងស្រុកនោះ។

លោកថា ករណីនេះ មិនមែនជាកំហុស​កំព្យូទ័រទេ ជាកំហុសរបស់អ្នកវាយកំព្យូទ័រ។ ហើយអ្នកវាយកំព្យូទ័រ អាចសរសេរខុស តែអ្នកដែលខុសជាងគេ គឺអ្នកចុះហត្ថលេខា នៅលើសុន្ទរកថានេះ ដែលជារដ្ឋមន្ត្រីប្រតិភូ អមនាយករដ្ឋមន្ត្រីរបស់លោក។

ការថ្លែងខ្លាំងៗ របស់លោក ហ៊ុន សែន តម្រូវឲ្យរដ្ឋមន្ត្រីរូបនោះ ចាំបាច់ត្រូវឡើង មកលើវេទិកា ដើម្បីទទួលការស្ដីបន្ទោស ពីនាយករដ្ឋមន្ត្រី ទាំង​នៅកណ្ដាលជំនុំ និងជាសាធារណៈ៕



លំអិតបន្ថែមទៀត

កិច្ចសម្ភាស

HRW ៖ ការ​បោះឆ្នោតនេះ​ជា​«ឧបាយកល​ដ៏​កខ្វក់​ប្រឆាំង​ប្រជាជន​កម្ពុជា»

អង្គការឃ្លាំមើលសិទ្ធិមនុស្ស ហៅជាភាសា​អង់គ្លេស «Human Rights Watch – HRW» តាមរយៈលោក ប្រ៊ុយណូ ស្តាចណូ (Bruno Stagno) នាយកប្រតិបត្តិទទួលបន្ទុក​ ...
កម្ពុជា

កាសែតជប៉ុន​រំឭក​រដ្ឋាភិបាល​ខ្លួនពី​«ចំណាត់ការ»​របស់ EU ចំពោះ​ ហ៊ុន សែន

មិនមែនជាអត្ថបទព័ត៌មាន ឬជាសេចក្ដីរាយការណ៍ទេ តែជា«បទវិចារណកថា» របស់ការិយាល័យនិពន្ធ នៃសារព័ត៌មានជប៉ុនដ៏ធំមួយ ហៅថា «Japan Times» ដែលចេញផ្សាយកាលពីថ្ងៃសៅរ៍។ សារព័ត៌មាននេះ ហាក់ពន្យល់ទៅរដ្ឋាភិបាលជប៉ុន នៅក្នុងអត្ថបទនោះថា «សហភាពអ៊ឺរ៉ុប ពិតជាធ្វើ”ចំណាត់ការ”ត្រឹមត្រូវ ...
កម្ពុជា

កម្ពុជា​ជាប់ក្នុង​«បញ្ជីខ្មៅ»​របស់ EU អំពី​ការលាងលុយ​កខ្វក់

កម្ពុជា ស្ថិតក្នុងចំណោមប្រទេស ចំនួន២២ ដែលជាប់ក្នុង«បញ្ជីខ្មៅ» របស់​សហភាព​អ៊ឺរ៉ុប (EU) ជុំវិញបរាជ័យ របស់ប្រទេសទាំងនេះ ក្នុងការប្រយុទ្ធប្រឆាំង នឹងការលាងលុយ​កខ្វក់ និង​ហិរញ្ញប្បទាន សម្រាប់បណ្ដាញភេរវកម្ម។ នេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...