លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។

ក្នុង«សារសម្លេងពិសេស»មួយ របស់លោក ហ៊ុន សែន ដែលបានធ្លាក់មកដល់ដៃអ្នកសារព័ត៌មាន នៅមុននេះបន្តិច បានឲ្យដឹងថា បើគ្រប់​ខេត្តនីមួយៗ ដាក់កំហិតឲ្យធ្វើចត្តាឡីស័ក១៤ថ្ងៃ ចំពោះរាល់ពលរដ្ឋ ដែលធ្វើដំណើរ​ពីខេត្ត-ក្រុង​ផ្សេង នោះ«វាមិនខុសពីចែកប្រទេសកម្ពុជា ទៅជា២៥ប្រទេស»នោះឡើយ។ លោកថា៖

«ឆ្លងពីខេត្តមួយ ចូលខេត្តមួយ ត្រូវធ្វើចត្តាឡីស័ក ចេញពីខេត្តនោះ ចូលមកខេត្តនេះវិញ ធ្វើចត្តាឡីស័ក… បើដូច្នោះ តើយើងរស់នៅរបៀបម៉េច?»

បុរសខ្លាំង ដែលអង្គុយក្នុងកៅអីនាយករដ្ឋមន្ត្រី ជិត៤០ឆ្នាំ បានពន្យល់ថា៖

«យើងបន្តគ្រប់គ្រង និងធ្វើចត្តាឡីស័ក ចំពោះអ្នកដែលសង្ស័យ​ ថាមានហនិភ័យអាចនឹងមានកូវីដ-១៩ (Covid-19) ដើម្បីទៅយកសំណាក ហើយឲ្យធ្វើចត្តាឡីស័ក ប៉ុន្តែមិនមែនធ្វើចំពោះគ្រប់មនុស្សទាំងអស់ ដែលឆ្លងកាត់ខេត្ត​របស់​ខ្លួន​នោះទេ។ បើធ្វើយ៉ាងដូច្នេះ ប្រជាជនហាក់​ដូចជា​នៅក្នុងទ្រុងដដែល។»

«អញ្ចឹងសុំឲ្យឯកឧត្ដមលោកជំទាវណា ដែលបានចេញសេចក្ដីសម្រេចហួសទៅហើយ ត្រូវកែប្រែសេចក្ដីសម្រេច​នោះវិញ ជាបន្ទាន់ ដើម្បីសម្រួល​​ឲ្យមានការចរាចរណ៍ សម្រាប់ប្រជាពលរដ្ឋ។»

ការបន្ទោសពីសំណាក់លោក ហ៊ុន សែន ទៅរាល់អភិបាលខេត្ត-ក្រុងនានា មិនមែនជារឿងថ្មីទេ។ កាលពីពាក់​កណ្ដាល​ខែមីនា មេដឹកនាំ​កម្ពុជារូបនេះ បានបន្ទោសក្រុមមន្ត្រីទាំងនោះ ដោយចោទពួកគេថា «មិនចេះប្រើ​សិទ្ធិ​អំណាច» ដែលលោកផ្ដល់ឲ្យ ក្នុងការហាមឃាត់​ពិធីមង្គលការ ឬការជួបជុំនានា ធ្វើឲ្យផ្ទុះការរីករាលដាល នៃការឆ្លង​ជំងឺកូវីដ-១៩ ពីអ្នកមានជំងឺកូវីដ-១៩ មកពីខេត្ត-ក្រុងផ្សេង ទៅកាន់​អ្នកចូលរួម​ជាច្រើនទៀត ជាបន្តបន្ទាប់។

លោក ហ៊ុន សែន បានថ្លែងនៅពេលនោះថា៖

«រឿងនេះ ខ្ញុំបានប្រគល់សិទ្ធិ ទៅដល់ឯកឧត្ដមលោកជំទាវស្រេចទៅហើយ នៅឡើយតែឯកឧត្ដមលោកជំទាវ ចេះ​ប្រើប្រាស់​នូវសិទ្ធិ ដែលខ្ញុំបាន​ផ្ដល់នោះ របៀបណាតែប៉ុណ្ណោះ៕»



លំអិតបន្ថែមទៀត

កម្ពុជា

RSF ៖ ហ៊ុន សែន មិនត្រូវ​ប្រើ​លេស​«Covid-19»​ដើម្បី​បិតមាត់​អ្នកកាសែត

អង្គការអ្នកយកព័ត៌មានគ្មានព្រំដែន (RSF /RWB) ដែលមានទីតាំងធំ​ ក្នុងរដ្ឋធានីប៉ារីស (បារាំង) បានចេញសេចក្ដីថ្លែងការណ៍មួយ ទាមទារទៅដ្ឋាភិបាលលោក ហ៊ុន សែន មិនត្រូវប្រើ«លេស» នៃជំងឺ«Covid-19» ដើម្បីបំបិតមាត់អ្នកសារព័ត៌មាន ...
កម្ពុជា

ព្រះសង្ឃ ប៊ុត ប៊ុនតិញ មាន​សង្ឃដីកា​ចំអក​ឲ្យ ហ៊ុន សែន ដែល​នៅតែ​ឆ្លងឆ្លើយ​ជាមួយ សម រង្ស៊ី

ការអះអាង របស់លោកនាយករដ្ឋមន្ត្រី ហ៊ុន សែន ថាឈប់ឆ្លើយឆ្លង ជាមួយលោក សម រង្ស៊ី មិនមែនជារឿងថ្មីទេ តែការអះអាងដូច្នេះ របស់បុរសខ្លាំងកម្ពុជា បានកើតមាន ជាច្រើនដងរួចមកហើយ។ ...
កម្ពុជា

Covid-19៖ ហ៊ុន សែន កាត់បន្ថយបម្រាម សម្រាប់​ដាក់កំហិត​ការធ្វើដំណើរ

បុរសខ្លាំងកម្ពុជា បានប្ដូរបទបញ្ជារបស់លោក នៅថ្ងៃនេះ ដោយ«កាត់បន្ថយបម្រាម» នៃការដាក់កំហិត សម្រាប់ការធ្វើដំណើររវាងរាជធានី និងខេត្តកណ្ដាល ក៏ដូចជារវាងស្រុកនិងស្រុក។ បញ្ជាថ្មីនេះ ធ្វើឡើងបន្ទាប់ពីបម្រាមរបស់លោក ដែលបានផ្សាយចេញ ជាលក្ខណៈបន្ទាន់ កាលពីរសៀលម្សិលម៉ិញ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...