កម្ពុជាដំណឹង

CNRP ថ្កោលទោស​ការចាប់ផ្សឹក​សង្ឃ ហោ សុខុន ព្រោះ​ការបញ្ចេញមតិ

ការចាប់ផ្សឹក​ព្រះតេជគុណ ហោ សុខុន អតីតចៅអធិការវត្តច្បារអំពៅ និងជាអតីតសង្ឃទីប្រឹក្សា រងការថ្កោលទោស«យ៉ាងដាច់អហង្កា» ពីគណបក្សសង្គ្រោះជាតិ ដោយហៅទង្វើនេះ ថាជា«ការបង្ក្រាប និងគម្រាមកំហែងដល់សិទ្ធិសេរីភាព»។

គណបក្សប្រឆាំងបានអំពាវនាវឲ្យគណបក្សប្រជានកម្ពុជា និងលោក ហ៊ុន សែន បញ្ឈប់ការយកសាសនា ជាឈ្នាន់នយោបាយ ហើយត្រូវបំបួសព្រះភិក្ខុ ហោ សុខុន និងផ្ដល់តួនាទីលោក ជាព្រះចៅ​អធិការ​វត្តច្បារអំពៅឡើងវិញ។

សេចក្ដីថ្លែងការណ៍របស់គណបក្សខាងលើ ដែលទស្សនាវដ្ដីមនោរម្យ.អាំងហ្វូ ទទួលបានកាលពីប៉ុន្មានម៉ោងមុន បានវាយតម្លៃការចាប់ផ្សឹកព្រះសង្ឃ ហោ សុខុន យ៉ាងតក់ក្រហល់ កាលពីយប់ថ្ងៃទី១៣ ខែកុម្ភៈ ឆ្នាំ២០១៩ ថាជាអំពើព្រៃផ្សៃ រំលោភបំពានទៅលើបាវចនាជាតិ សាសនា ព្រះមហាក្សត្រ។

ព្រះតេជគុណ ហោ សុខុន ត្រូវបានក្រុមអាជ្ញាធរនាំចេញពីវត្ត ដើម្បី«ចាប់ផ្សឹក»​ក្នុងយប់ថ្ងៃទី១៣ ខែកុម្ភៈ ឆ្នាំ២០១៩នេះ នៅវត្តបុទុមវតី ដោយមានវត្តមានសម្តេចសង្ឃនាយក នន្ទ ង៉ែត និងមន្ត្រីថ្នាក់ដឹកនាំសង្ឃ ជាច្រើនអង្គផ្សេងទៀត។ ព្រះសង្ឃ ហោ សុខុន ត្រូវបានចោទថា បានធ្វើខុសធម៌វិន័យ។

គណបក្សសង្គ្រោះជាតិ ដែលទំនងជាចេញសេចក្ដីថ្លែងការណ៍ ពីក្រៅប្រទេស បានពន្យល់ថា អតីតព្រះចៅអធិការវត្តច្បារអំពៅ ពុំបានប្រព្រឹត្តិខុសព្រះវិន័យ ក្នុងព្រះពុទ្ធសាសនាទេ ខណៈព្រះភិក្ខុសង្ឃក្នុងព្រះពុទ្ធសាសនា ដែលត្រូវអាបត្តិ អាចចាប់ផ្សឹកបាន ក្នុងករណីប្រព្រឹត្តិបទល្មើសអាបត្តិណាមួយ ក្នុងអាបត្តិបរាជិក៤តែប៉ុណ្ណោះ។

នៅប៉ុន្មានថ្ងៃមុនការចាប់ផ្សឹកនេះ ព្រះសង្ឃ ហោ សុខុន បានក្លាយជាចំណុចស្នូលមួយ នៃការបង្ហោះនៅលើទំព័រហ្វេសប៊ុករបស់ព្រះអង្គ នូវសារដ៏វែងអន្លាយមួយ មានន័យបញ្ចើចបញ្ចើរលោក ស ខេង រដ្ឋមន្ត្រីមហាផ្ទៃ ដែលក្រោយមក ត្រូវបានបុរសខ្លាំងទីពីរ​​នៃរដ្ឋាភិបាល​ក្រុងភ្នំពេញ​រូបនេះ បដិសេធមិនទទួលយក ដោយលោក​អះអាងថា អាចជាកលល្បិច ដើម្បីបំបែកបំបាក់​ផ្ទៃក្នុង​គណបក្ស​ប្រជាជន​កម្ពុជា។

យ៉ាងណា សាលាគណរាជធានីបានបដិសេធព័ត៌មានថា ព្រះសង្ឃ ហោ សុខុន ត្រូវបានចាប់ផ្សឹក និងបានអះអាងថា គឺព្រះតេជគុណជាអ្នកព្រមព្រៀង សុំសឹកដោយអង្គឯង៕

សាលាគណរាជធានីភ្នំពេញ សូមប្រកាសជាផ្លូវការដូចខាងក្រោម៖ភិក្ខុ ហោ សុខុន អតីតចៅអធិការវត្តច្បាអំពៅ ពិតជាបានលាចាកសិក្ខាបទ…

Gepostet von សាលាគណរាជធានីភ្នំពេញ am Mittwoch, 13. Februar 2019


You may also like

កម្ពុជា

អ្នកវិភាគ​លើក​ទឡ្ហីករណ៍​ថា រន្ទះ​មិនធ្វើឲ្យ​ឧទ្ធម្ភាគចក្រ​«ផ្ទុះ​បែក​ខ្ទេច»​ដូច្នេះទេ

អ្នកវិភាគនយោបាយ និងសង្គម លោក គីម សុខ បានលើកយកទឡ្ហីករណ៍មួយចំនួន ដែលបញ្ជាក់ថា ឧទ្ធម្ភាគចក្រដែលដឹកអតីតស្នងការនគរបាលជាតិ លោក ហុក ឡងឌី ទំនងជាមិនត្រូវបាន«ផ្ទុះ​បែក​ខ្ទេច» ក្លាយជាបំណែកតូចៗដូច្នេះ ...
កម្ពុជា

កម្ពុជា​នៅតែ​មាន​«អំពើ​ពុករលួយ​ធ្ងន់ធ្ងរ​ជាងគេ​ក្នុង​តំបន់ និង​ជាង​ឆ្នាំមុន»

របាយការណ៍សន្ទស្សន៍​ចំណាត់ថ្នាក់ របស់អង្គការតម្លាភាពអន្តរជាតិ (Transparency International) មិនផ្ដល់ក្ដីសោមនស្ស សម្រាប់របបដឹកនាំ របស់លោក ហ៊ុន សែន សព្វថ្ងៃនេះទេ ហើយនៅតែចាត់ទុកកម្ពុជា ថាជាប្រទេសដែលមាន«អំពើ​ពុករលួយ​ធ្ងន់ធ្ងរ​ជាងគេ​ក្នុង​តំបន់ និងខ្លាំងជាងឆ្នាំមុន»។ ...
កម្ពុជា

ដំណឹង​«ហ៊ុន សែន អាចនៅមិនបានយូរទៀត»​បង្កកំហឹង

«ហ៊ុន សែន អាចនៅមិនបានយូរទៀត» ជាការបង្ហើបចេញ ដោយក្រុមមន្ត្រីជាន់ខ្ពស់គណបក្សសង្គ្រោះជាតិ ដែលធ្វើឲ្យលោកនាយករដ្ឋមន្ត្រី ហ៊ុន សែន ឆេះដុំ។ នាយករដ្ឋមន្ត្រីដែលកាន់អំណាច តាំងពីជាង៣០ឆ្នាំ បានប្រតិកម្ម​តបទៅវិញ ដោយឲ្យក្រុមមន្ត្រីទាំងនោះ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...