កម្ពុជាដំណឹង

មន្ត្រីប្រឆាំងថា ហ៊ុន សែន ជាប់ក្នុងគ្រែ បែរជា«បង្ហោះចម្រៀង»​លើហ្វេសប៊ុក

កាលពីមុននេះបន្តិច នៅលើបណ្ដាញសង្គម គេឃើញលោក ហ៊ុន សែន បង្ហោះចម្រៀង បែបចំអកមួយ ជាមួយនឹងរូបភាពមួយចំនួន។ ចម្រៀងនោះ ជាចម្រៀងពីសង្គមចាស់ ដែលមានចំណងជើងថា «ទទាយំឆ្លង» ច្រៀងដោយអ្នកនាង ឈុន វណ្ណា។

ប៉ុន្តែលោកនាយករដ្ឋមន្ត្រី មិនបានចម្លងចម្រៀងនោះ មកសរសេរដូចដើមនោះទេ។ លោកបានកែទំនុកចម្រៀងខ្លះៗ ដែលហាក់ជាសារនយោបាយមួយ ក្នុងន័យថា «មិនឆ្លើយមិនឆ្លង» «ចិត្តអូនចិត្តដាច់ ព្រោះចិត្តបងខ្មៅ» និង«ជិតដល់ពេលសន្យា»ហើយ។ លោក ហ៊ុន សែន សរសេរថា៖

«ទទាយំឆ្លង ត្រយ៉ងបងអើយអត់ឆ្លើយ (ពីរដង)
សង្សារបងអើយ ដល់ពេលហើយឬនៅ?
ចិត្តអូនចិត្តដាច់ ដោយសារចិត្តបងចិត្តខ្មៅ (ពីរដង)
ស្ពានក៏បាក់ ទឹកក៏ជ្រៅ ធ្វើម្តេចបានទៅតាមកិច្ចសន្យា។»

នៅក្នុងប៉ុន្មានថ្ងៃចុងក្រោយនេះ គូបដិបក្ខនយោបាយរបស់លោក ហ៊ុន សែន គឺលោក សម រង្ស៊ី បានប្រកាសសារនយោបាយខ្លាំងៗ ពីក្រៅប្រទេស ចាត់ទុកបុរសខ្លាំងកម្ពុជា ថាជា«ជនផ្ដាច់ការ-ក្បត់ជាតិ» និងអំពាវនាវ«ឲ្យពលរដ្ឋងើបឡើង ដើម្បីចាប់លោក ហ៊ុន សែន ទៅកាត់ទោស»។

រីឯប្រព័ន្ធផ្សព្វផ្សាយស្និតរដ្ឋាភិបាលកម្ពុជា បានចុះផ្សាយជារៀងរាល់ថ្ងៃ នូវចំនួនថ្ងៃផុតកំណត់ នៃការផ្នាល់រវាងលោក ហ៊ុន សែន និងលោក សម រង្ស៊ី ដែលនឹងមកដល់នៅដើមខែមិនាខាងមុខ។

យ៉ាងណា លោក សោរ ចាន់ដេត អតីតព្រឹទ្ធសមាជិក​ពីគណបក្ស សម រង្ស៊ី ដែលស្និតនឹងលោក សម រង្ស៊ី បានបង្ហោះសារ ចាត់ទុកការ«បង្ហោះចម្រៀង»ខាងលើ របស់លោក ហ៊ុន សែន ថាជា«សំដីលេងសើចដូចកូនក្មេង»។ លោក ចាន់ដេត បានបង្ហើបថា លោក ហ៊ុន សែន កំពុងនៅជាប់ក្នុងគ្រែ មិនទាន់ចុះរួចនៅឡើយទេ។

មន្ត្រីប្រឆាំងរូបនេះ ដែលកំពុងរស់នៅក្នុងប្រទេសកាណាដា បានសរសេរថា៖

«ស្រណោះ​ណាស់​ព្រះអេីយ​ ប៉ុន្មាន​សប្ដាហ៍​នេះ​ សូម្បី​ចុះពីលេីគ្រែមិនរួចផង។ តែដោយ​សារខ្លាច​គេ​ “រត់​ចោល​”​ ក៏ខិតខំយករូបចាស់ៗមកបង្ហោះ​ “បន្លំ​”​ គេឯង​ ជាមួយ​នឹង​ពាក្យ​សំដី​លេងសើច​ ដូច​កូន​ក្មេង​អញ្ចឹង!»៕

ពិត​ជា​ស្រណោះ​ណាស់​! ​ ស្រណោះ​ណាស់​ព្រះអេីយ​ ប៉ុន្មាន​សប្ដាហ៍​នេះ​ សូម្បី​ចុះពីលេីគ្រេមិនរួចផង។ ​ …

Gepostet von Sor Chandeth am Freitag, 8. Februar 2019

លោក ហ៊ុន សែន បានខកខានបង្ហាញខ្លួន​ជាសាធារណៈ តាំងពីចុងខែមករាកន្លងមក ដែលខុសពីទម្លាប់រាល់ដង។ នៅលើបណ្ដាញសង្គម គេគ្រាន់តែឃើញលោក​បង្ហោះរូបភាព អមដោយពាក្យពេជន៍ដដែលៗ ដែលថា​កម្ពុជា​ត្រូវរក្សា ការពារចាំបាច់នូវសន្តិភាព ទោះត្រូវចំណាយ​ក្នុងតម្លៃណាក៏ដោយ។

កាលពីប៉ុន្មានថ្ងៃមុន លោក ហ៊ុន សែន បានបង្ហោះសារតបលោក សោរ ចាន់ដេត ម្ដងហើយ ដោយលោកចាត់ទុក ការលើកឡើងរបស់លោក សោរ ចាន់ដេត ចំពោះបញ្ហាសុខភាពរបស់លោក ថាជាបំណងចង់ឲ្យលោកស្លាប់ និងព្រមានលោក ចាន់ដេត ឲ្យចាំជាតិក្រោយ ប្រសិនជាធ្វើនយោបាយ រង់ចាំតែលោកស្លាប់នោះ។

តែអតីតសមាជិកព្រឹទ្ធសភា មិនបានស្ងាត់មាត់ទេ។ លោក សោរ ចាន់ដេត ថែមទាំងបានអំពាវនាវឲ្យគណបក្សប្រជាជនកម្ពុជាគួរជ្រើសរើសបេក្ខជនថ្មី ជំនួសលោក ហ៊ុន សែន ឲ្យហើយទៅ ដើម្បីបញ្ចៀសអំពើបក្សប្រហារ ដែលអាចកើតឡើង បន្ទាប់ពីអវត្តមានលោក ហ៊ុន សែន៕

គណបក្ស​ប្រជាជន​ត្រូវតែប្រកាសអ្នក​ស្នង​ទៅ! ​ សូម​ជម្រាប​សម្តច​ ហ៊ុន​ សែន​ ជ្រាប​ថា​ ខ្ញុំ​ពុំមាន​ចេតនា​ "…

Gepostet von Sor Chandeth am Sonntag, 3. Februar 2019


You may also like

កម្ពុជា

សម រង្ស៊ី ចង្អុល​បង្ហាញថា តុលាការ​ក្រុង​ភ្នំពេញ​«ពិតជាអាយ៉ង​ ហ៊ុន សែន»

ប្រធាន​ស្ដីទី​គណបក្ស​សង្គ្រោះជាតិ បានពន្យល់ថា បើចង់ដឹងស៊ីជម្រៅ ពីករណី​ចោទប្រកាន់ ទៅលើលោក កឹម សុខា តុលាការក្រុងភ្នំពេញ គួរកោះហៅរូបលោក ទៅសាកសួរ ដោយហេតុថា នៅក្នុងពេលដែលលោក កឹម ...
កម្ពុជា

EU បន្ត​ឲ្យ​ក្រុង​ភ្នំពេញ​បើក​លំហ​ដល់​បក្ស​ប្រឆាំង សង្គមស៊ីវិល​និង​សារព័ត៌មាន

សហភាពអ៊ឺរ៉ុប «EU» អះអាងថា ខ្លួនបន្តឃ្លាំមើលស្ថានភាពនយោបាយ នៅក្នុងប្រទេសកម្ពុជាយ៉ាងដិតដល់ និងបន្តទាមទារឲ្យរបបក្រុងភ្នំពេញ ត្រូវចាត់វិធានការចាំបាច់ទាំងអស់ ដើម្បីអនុញ្ញាតឲ្យគណបក្សប្រឆាំង សង្គមស៊ីវិល​និង​សារព័ត៌មាន បើកដំណើរការបានដោយសេរី។ នេះ បើគេបានអានលិខិតមួយ របស់លោក ...
កម្ពុជា

កឹម សុខា ជូនពរ​ឆ្នាំថ្មី​ដោយ​ស្នើ​ឲ្យបំបាត់​ជំងឺ​ពីរយ៉ាង

ទំព័រហ្វេសប៊ុក របស់ប្រធានគណបក្សសង្គ្រោះជាតិ ដែលកំពុងជាប់ឃុំ នៅក្នុងគេហដ្ឋាន បានបង្ហោះសារជូនពរឆ្នាំថ្មី ដោយបង្ហាញជំនឿថា ឆ្នាំ២០១៩ថ្មីនេះ នឹងបើកនូវទំព័រប្រវត្តិសាស្ត្រថ្មីមួយ ដែលលប់បំបាត់ឲ្យអស់ នូវ«ជំងឺពីរយ៉ាង»។ ទំព័រហ្វេសប៊ុក «Kem Sokha0» ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...