កម្ពុជាដំណឹង

សមាជិកសភា​អ៊ឺរ៉ុប​បន្តសួរ​ពី​«ទណ្ឌកម្មចំទិសដៅ»​ប្រឆាំង​របប ហ៊ុន សែន

លោក «Ramon Tremosa» សមាជិកសភាអ៊ឺរ៉ុប និងជាសមាជិករបស់ក្រុម​តំណាងរាស្ត្រអ៊ឺរ៉ុបមិត្តកម្ពុជា បានចោទសួរជាលាយលក្ខណ៍អក្សរ ទៅកាន់គណៈកម្មការអ៊ឺរ៉ុប ដើម្បីចង់ដឹងថា តើគម្រោងដាក់ទណ្ឌកម្ម លើរបបដឹកនាំក្រុងភ្នំពេញ បានដើរដល់ដំណាក់កាលណាហើយ។ ក្នុងចំណោមសំនួរចំនួនបី សមាជិកសភាអ៊ឺរ៉ុបរូបនោះ បានចោទសួរទៀតថា តើសហភាពអ៊ឺរ៉ុបគ្រោងដាក់់ «ទណ្ឌកម្មចំទិសដៅ» ទៅលើក្រុមមនុស្សជំនិតរបស់លោក ហ៊ុន សែន ឬយ៉ាងណា។

សំនួរជាលាយលក្ខណ៍អក្សរ ត្រូវបានលោក «Ramon Tremosa» ដាក់ទៅកាន់គណៈកម្មការអ៊ឺរ៉ុប តាំងពីថ្ងៃ២១ ខែមករា ឆ្នាំ២០១៩ ពោលគឺនៅក្រោយការគម្រាម របស់លោកនាយករដ្ឋមន្ត្រី ហ៊ុន សែន ថានឹងកម្ទេចគណបក្សប្រឆាំងចោល បើសិនជាសហភាពអ៊ឺរ៉ុប​ដកប្រទេសកម្ពុជា ចេញពីកម្មវិធីអនុគ្រោះពន្ធ «EBA» និងការចាប់ខ្លួន លោក គង់ ម៉ាស ដោយអាជ្ញាធរកម្ពុចា បន្ទាប់ពីសកម្មជន​បក្សប្រឆាំង​រូបនេះ បានបង្ហោះសារ​ទាក់ទង​នឹងយកពន្ធ​ឡើងវិញ ដោយសហភាពអ៊ឺរ៉ុប ទៅលើផលិតផល​អង្ករកម្ពុជា។

ប៉ុន្តែកាលពីចុងសប្ដាហ៍កន្លងមក សំនួរដដែលនេះត្រូវបានលោក «Umberto GAMBINI» ជំនួយការរបស់លោកតំណាងរាស្ត្រ យកមកបង្ហោះនៅលើបណ្ដាញសង្គម និងបានធ្វើបច្ចុប្បន្នភាព ទៅដល់បណ្ដាអ្នកទទួលខុសត្រូវទាំងឡាយ នៃសហភាពអ៊ឺរ៉ុប មានដូចជាអ្នកស្រី ហ្វេឌឺរីកា មូហ្គេរីនី (Federica Mogherini) តំណាងជាន់ខ្ពស់ នៃសហភាព​អ៊ឺរ៉ុប ទទួលបន្ទុកកិច្ចការបរទេស និងគោលនយោបាយសន្ដិសុខ និងអ្នកស្រី សេស៊ីលីយ៉ា ម៉ាលស្ត្រម (Cecilia Malmström) តំណាងជាន់ខ្ពស់ នៃសហភាពអ៊ឺរ៉ុប ទទួលបន្ទុកគោលនយោបាយ​ពាណិជ្ជកម្មជាដើម។

លោក «Ramon Tremosa» ដែលជាតំណាងរាស្ត្រអ៊ឺរ៉ុប​មកពីប្រទេសអេស្ប៉ាញ បានសរសេរក្នុងន័យរិះគន់ថា គោលនយោបាយរយៈពេលជាង១០ឆ្នាំ របស់សហភាពអ៊ឺរ៉ុប ដែលជ្រើសរើសយកប្រតិកម្មរបស់ខ្លួន តាមរយៈ «ការចរចាផ្នែកនយោបាយ» ឬ «ការឃ្លាំមើលស្ថានភាពយ៉ាងដិតដល់» ឬក៏ប្រតិកម្មខ្លាំងបំផុត តាមរយៈ«ការសំដែងទុក្ខកង្វល់»របស់ខ្លួន ជាមួយនឹងមន្ត្រីរដ្ឋាភិបាលកម្ពុជា នៅតាមវេទិកាជាច្រើននោះ មិនបានធ្វើឲ្យស្ថានភាពប្រជាធិបតេយ្យ និងសិទ្ធិមនុស្សនៅកម្ពុជា រីកចម្រើនជាងមុនទេ។

«ទណ្ឌកម្មចំទិសដៅ»

សំនួររបស់សមាជិកសភាអ៊ឺរ៉ុប ដែលទស្សនាវដ្ដីមនោរម្យ.អាំងហ្វូ បានចូលទៅពិគ្រោះ បានចោទសួរឲ្យគណៈកម្មការអ៊ឺរ៉ុប ឲ្យអះអាងពីនីតិវិធី​នៃការព្យួរជាបណ្ដោះអាសន្ន នូវប្រព័ន្ធអនុគ្រោះ «EBA» ដោយចង់ដឹងបន្ថែមថា តើសហភាពអ៊ឺរ៉ុបមាន​«កាលវិភាគលំអិត»បែបណា នៅក្នុងនីតិវិធីមួយនេះ។

លោក «Ramon Tremosa» បានទាមទារឲ្យសហភាពអ៊ឺរ៉ុបបញ្ជាក់ពីជំហររបស់ខ្លួន នៅចំពោះរបាយការណ៍ របស់អង្គការឃ្លាំមើលសិទ្ធិមនុស្ស (Human Rights Watch) និងអង្គការលើកលែងទោសអន្តរជាតិ (Amnesty International) ដែលទើបនឹងចេញផ្សាយ ក្នុងដើមឆ្នាំនេះ ស្ដីពីស្ថានភាពសិទ្ធិមនុស្ស និងប្រជាធិបតេយ្យនៅកម្ពុជា។ 

ខាងក្រោមនេះ ជាខ្លឹមសារទាំងស្រុង នៃសំនួរទី៣៖

«យោងតាមមាត្រា ១៩ នៃបទបញ្ជារបស់សហភាពអ៊ឺរ៉ុប លេខ “978/2012 (12)” សហភាពអ៊ឺរ៉ុបចាំបាច់ត្រូវបញ្ចេញប្រតិកម្ម និងចាត់វិធានការ។ ខ្ញុំដឹងថា សហភាពអ៊ឺរ៉ុបមិនចង់ចាប់ផ្ដើមភ្លាមៗ ដាក់ទណ្ឌកម្មទៅលើវិស័យវាយនភ័ណ្ឌ ប៉ុន្តែថា តើវិស័យជាក់ស្ដែងណា ដែលសហភាពអ៊ឺរ៉ុបត្រៀមចុចចំទិសដៅ ដើម្បីប៉ះពាល់ដោយផ្ទាល់ ទៅលើហិបប្រាក់របស់របបលោក ហ៊ុន សែន?»

គណៈកម្មការអ៊ឺរ៉ុប ដែលជាស្ថាប័ននីតិប្រតិបត្តិ របស់សហភាពអ៊ឺរ៉ុប នឹងចាត់ឲ្យមានតំណាងរបស់ខ្លួន ចេញមកឆ្លើយសំនួរខាងលើ នៅប៉ុន្មានថ្ងៃ ឬប៉ុន្មានសប្ដាហ៍ខាងមុខ៕



លំអិតបន្ថែមទៀត

លោក ហ៊ុន សែន នាយករដ្ឋមន្ត្រីតាំងពីឆ្នាំ១៩៨៤ នៅប្រទេសកម្ពុជា។ (រូបថតឆ្នាំ២០២០ បង្ហោះលើទំព័រហ្វេសប៊ុក)
កម្ពុជា

ហ៊ុន សែន ភ្ជាប់ថ្ងៃកម្ពុជា​«ផលិតប្រេងដំបូង»​ទៅនឹងនយោបាយឈ្នះៗ

លោកនាយករដ្ឋមន្ត្រី ហ៊ុន សែន បានប្រកាស អំពីការចាប់ផ្ដើម«ផលិតប្រេងដំបូង» របស់កម្ពុជា នៅថ្ងៃអង្គារ ទី២៩ ខែធ្នូ ឆ្នាំ២០២០ ដែលលោកថា ជាថ្ងៃ«គាប់ជួន»ជាមួយថ្ងៃខួបទី២២ នៃនយោបាយឈ្នះៗរបស់លោក ...
កម្ពុជា

សម រង្ស៊ី៖ ហ្វេសប៊ុក​អាច​បិទ​ទំព័រ ហ៊ុន សែន បើ​បន្ត​បង្ក្រា​បអ្នក​ប្រើប្រាស់​បណ្ដាញ​សង្គម

ប្រធានស្ដីទីគណបក្សប្រឆាំងធំជាងគេ នៅក្នុងប្រទេសកម្ពុជា បានអះអាងថា ក្រុមហ៊ុន «Facebook» អាចបិទទំព័រ «Facebook» របស់លោក ហ៊ុន សែន ប្រសិនណាជាអាជ្ញាធរក្រុងភ្នំពេញ នៅតែគាបសង្កត់ និងគំរាមកំហែង ...
កម្ពុជា

សភាអ៊ីតាលី​អនុម័ត​ញត្តិ​ស្នើឲ្យ​ភាគីកម្ពុជា​ជជែកគ្នា និង​ចូលរួម​នីតិវិធីព្យួរ EBA

រដ្ឋសភានៃប្រទេសអ៊ីតាលី ដែលជាសមាជិកដ៏សំខាន់មួយ របស់សហភាពអ៊ឺរ៉ុប បានអនុម័តញត្តិមួយ កាលពីថ្ងៃអង្គារទី១២ ខែកុម្ភៈ ឆ្នាំ២០១៩ ដើម្បីចាត់រដ្ឋាភិបាលរបស់ខ្លួន ឲ្យ«អញ្ជើញ»ភាគីជម្លោះខ្មែរទាំងអស់ធ្វើការជជែកគ្នា និងត្រូវចូលរួមយ៉ាងសកម្ម ក្នុងដំណើរការនីតិវិធី របស់គណៈកម្មការអ៊ឺរ៉ុប ដើម្បីឈានទៅព្យួរប្រទេសកម្ពុជា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...