កម្ពុជាដំណឹង

គង់ ម៉ាស់ សកម្មជន CNRP ត្រូវចៅក្រម​ស៊ើបសួរ​សម្រេច​ឲ្យឃុំខ្លួននៅ ព្រៃស

លោក ម៉ុង មុន្នីសោភា ចៅក្រមស៊ើបសួរ​នៃសាលាដំបូងរាជធានី បានសម្រេចឲ្យឃុំខ្លួន លោក គង់ ម៉ាស់ សកម្មជនគណបក្សសង្គ្រោះជាតិ នៅពន្ធនាគារ«ព្រៃស» ជាបណ្ដោះអាសន្ន ដើម្បីរង់ចាំការជំនុំជម្រះ។ នេះ បើតាមដីកាបង្គាប់ឲ្យឃុំខ្លួន ចេញផ្សាយឲ្យដឹង នៅព្រឹកថ្ងៃអាទិត្យ ទី២០ ខែមករា ឆ្នាំ២០១៩នេះ។

សកម្មជនគណបក្សប្រឆាំង ត្រូវបានតំណាងអយ្យការ អមសាលាដំបូងរាជធានី ចោទប្រកាន់​ពីបទ​ជេរប្រមាថ ជាសាធារណៈ និងញុះញង់ ឲ្យប្រព្រឹត្តិបទល្មើសជាអាទិ៍ តាមមាត្រា ៣០៧ និងមាត្រា ៤៩៥ នៃក្រមព្រហ្មទណ្ឌ។

អ្នកនាំពាក្យក្រសួងមហាផ្ទៃ លោក ខៀវ សុភ័គ ត្រូវបានសារព័ត៌មានក្នុងស្រុក ស្រង់សំដីមកបញ្ជាក់ថា សកម្មជនគណបក្សប្រឆាំងខាងលើ បានប្រព្រឹត្តិទង្វើប្រមាថ ញុះញង់ បង្កអសន្ដិសុខ និងបង្កចលាចល ដល់សង្គម។

អាជ្ញាធររបបក្រុងភ្នំពេញ នៅបានអះអាងទៀតថា នៅក្នុងម៉ាស៊ីនកំព្យូទ័រ របស់លោក គង់ ម៉ាស់ មានឯកសារសំខាន់ៗជាច្រើន ដែលជាប់ទាក់ទង នឹងផែនការផ្ដួលរំលំរដ្ឋាភិបាល​លោក ហ៊ុន សែន តាមបញ្ជារបស់លោក សម រង្ស៊ី

លោក គង់ ម៉ាស់ ដែលជាសកម្មជននយោបាយ មកពីខេត្តស្វាយរៀង ត្រូវបានចាប់ខ្លួន នៅក្នុងពេលលោក កំពុងទទួលទានកាហ្វេ ជាមួយមិត្តភ័ក្រ កាលពីថ្ងៃទី១៦ ខែមករា ឆ្នាំ២០១៩។ លោកត្រូវបានបញ្ជូន ទៅឃុំខ្លួន ទៅក្នុងពន្ធនាគារ«ព្រៃស» តាំងពីម្សិលម៉ិញ​ម្លេះ។

ការចាប់ខ្លួនលោក គង់ ម៉ាស់ នោះ ធ្វើឡើងតែប៉ុន្មាននាទី ក្រោយលោកបានបង្ហោះពាក្យពេជន៍ប៉ុន្មានម៉ាត់ នៅលើគណនីហ្វេសប៊ុករបស់លោក ដែលអះអាងថា សហភាព​អ៊ឺរ៉ុបសម្រេច យកពន្ធឡើងវិញ លើផលិផលអង្ករកម្ពុជា តាមការផ្សាយរបស់ទីភ្នាក់ងារ រ៉យទ័រ (Reuters)។

ប្រភពពីមន្ត្រីតុលាការរាជធានី បានឲ្យដឹងថា លោក កែវ សុធា ព្រះរាជអាជ្ញាសាលាដំបូង បានចេញដីកានៅថ្ងៃទី ១៤ ខែមករា ឆ្នាំ២០១៩ ដើម្បីកោះលោក គង់ ម៉ាស់ ឲ្យចូលបង្ហាញខ្លួន នៅនាយកដ្ឋានសន្តិសុខផ្ទៃក្នុង នៃក្រសួងមហាផ្ទៃ ឲ្យបានមុនថ្ងៃទី១៤ ខែកុម្ភៈ ឆ្នាំ២០១៩ ដើម្បីសាកសួរ នៅក្នុងបណ្ដឹងព្រហ្មទណ្ឌមួយ ពីបទប្រមាថ និងបង្កឲ្យពលរដ្ឋ​ស្អប់ខ្ពើម​លោក ហ៊ុន សែន តាមបណ្ដាញសង្គម។

តែប្រភពស្និតនឹងលោក គង់ ម៉ាស់ បានអះអាងថា លោក គង់ ម៉ាស់ មិនដែលឃើញដីកានោះ មានរាងយ៉ាងដូចម្ដេចទេ៕



លំអិតបន្ថែមទៀត

កម្ពុជា

ហ៊ុន សែន ៖ «បើ​តឹងច្រមុះ​រន្ធទាំងពីរ ហ្អែង​ដកដង្ហើម​តាមមាត់»

«យើងធ្វើសេដ្ឋកិច្ច មិនមែនពឹងពាក់ តែវិស័យណាមួយ ដែលទុកឲ្យគេខ្ទប់ច្រមុះយើង ស្លាប់នោះទេ» នេះ ជាការអះអាងឡើង របស់នាយករដ្ឋមន្ត្រីកម្ពុជា នៅក្នុងការថ្លែងមួយរបស់លោក កាលពីព្រឹកម៉ិញ ជុំវិញនយោបាយ «សេដ្ឋកិច្ច» ថ្មី ...
កម្ពុជា

ហ៊ុន សែន បញ្ជាតាម​សារបែកធ្លាយ​ឲ្យ«សម្លាប់ក្រុមប្រឆាំង»​ក្នុងស្រុក​ឲ្យអស់

មេដឹកនាំដ៏មានអំណាច របស់កម្ពុជា លោក ហ៊ុន សែន បានបញ្ជាទៅមនុស្សក្រោមបង្គាប់​លោក ឲ្យ«សម្លាប់ក្រុមប្រឆាំង» នៅក្នុងប្រទេសឲ្យអស់ ដោយលោកបានបញ្ជាក់ថា ការព្យួរប្រព័ន្ធអនុគ្រោះពន្ធ ពីសំណាក់សហភាពអ៊ឺរ៉ុប គឺជា«ឱកាស»​សម្រាប់​​របបដឹកនាំ​របស់លោក  ក្នុងការ«លត់​ពួកអានៅ​ខាងក្នុង»​ដូច្នេះ​ហើយ។ ...
កម្ពុជា

ហ៊ុន សែន ប្រាប់ សម រង្ស៊ី កុំឲ្យ​មើលស្រាល​លោក​ឲ្យសោះ

សត្វទទា និងត្រយ៉ង នៅតែបោះពាក្យឲ្យគ្នា ទៅវិញទៅមក! នៅព្រឹកថ្ងៃចន្ទនេះ លោកនាយករដ្ឋមន្ត្រី ហ៊ុន សែន បន្តឆ្លើយឆ្លងជាមួយលោក សម រង្ស៊ី ដោយប្រាប់មេដឹកនាំប្រឆាំងថា កុំឲ្យមើលស្រាលលោកឲ្យសោះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...