កម្ពុជាដំណឹង

Covid-19៖ ហ៊ុន សែន ឲ្យព្យួរ​«សិទ្ធិឯកជនពលរដ្ឋ» និង​បង្ហាញមុខ​អ្នកជំងឺ

នាយករដ្ឋមន្ត្រីកម្ពុជា លោក ហ៊ុន សែន បានចេញបញ្ជា ឲ្យព្យួរ«សិទ្ធិឯកជនពលរដ្ឋ» និងបង្ហាញ​អត្តសញ្ញាណ​អ្នកជំងឺ​ជាសាធារណៈ ដើម្បីអ្វីមួយ ដែលបុរសខ្លាំងរូបនេះ អះអាងថា ជាការទប់ស្កាត់ការរីករាលដាល នៃការបន្តឆ្លងជំងឺកូវីដ-១៩ (Covid-19) ក្នុងសហគមន៍​និងលើផ្ទៃប្រទេស ដែលមកដល់ថ្ងៃនេះ ត្រូវបានរកឃើញកើនឡើង ជិត៣០នាក់រួចហើយ។

តែការព្យួរ«សិទ្ធិឯកជនពលរដ្ឋ»ខាងលើ មិនត្រូវបានលោក ហ៊ុន សែន បញ្ជាក់ថាទទួលបានភ្លើងខៀវ ពីសភាទាំងពីរថ្នាក់ ឬយ៉ាងណាទេ។ លោក គ្រាន់តែពន្យល់ថា  មានការផ្សព្វផ្សាយរួចហើយ អំពីក្រុមមនុស្ស ដែលជាប់ទាក់ទង ក្នុងព្រឹត្តិការណ៍៣វិច្ឆិកា ដែលក្នុងនោះរាប់ទាំងរូបលោក និងមន្ត្រីរដ្ឋាភិបាលផ្សេងទៀតផង។

នៅក្នុងសារសម្លេងមួយ ដែលលោកបានផ្ញើរ​ឲ្យប្រព័ន្ធផ្សព្វផ្សាយ ក្នុងយប់ថ្ងៃសុក្រទី៤ ខែធ្នូ ឆ្នាំ២០២០នេះ លោកនាយករដ្ឋមន្ត្រីបានលើកឡើងថា៖

«ព្រឹត្តិការណ៍២៨វិច្ឆិកា មកដល់ពេលនេះ ពុំទាន់មានពន្លឺថា វាឆ្លងមកពីប្រភពណា​នៅឡើយទេ ហើយ​វាឆ្លងពីនរណា។ ពិតមែនតែអ្នកបច្ចេកទេស បានបកស្រាយ​ច្បាស់លាស់ ថាមិនមានទាក់ទង ទៅនឹងព្រឹត្តិការណ៍៣វិច្ឆិកានោះទេ ប៉ុន្តែភាពងងឹត​របស់យើង នៅតែបន្តចំពោះការឆ្លង ពីប្រភពណា និងឆ្លងនរណាមុន នរណាក្រោយ នៅមិនទាន់បានច្បាស់។»

លោកបន្តថា៖

«មានការចាំបាច់ ដើម្បីធ្វើការផ្សព្វផ្សាយ នូវរូបថត ក៏ដូចជាឈ្មោះ ទីលំនៅ និង​អស័យដ្ឋាន និងជារួមអត្តសញ្ញណ នៃអ្នកដែលបានកើត កូវីដ-១៩នេះ ដើម្បីឲ្យ​ប្រជាពលរដ្ឋ​យើងបានស្គាល់ឈ្មោះ ហើយបើមានទំនាក់ទំនង ជាមួយនឹងឈ្មោះនោះ គឺមកបង្ហាញខ្លួនភ្លាមៗ ដើម្បីយកសំណាក និងធ្វើចត្តាឡីស័ក បានទាន់ពេល។»

សម្រាប់លោក ព្រហ្ម គិត អ្នកឃ្លាំមើលបញ្ហាសង្គម បានអះអាងផ្ទុយមកវិញ និងយ៉ាងខ្លីថា វិធានការ​ខាងលើ របស់លោក ហ៊ុន សែន និងរដ្ឋាភិបាលរបស់លោក នឹងបង្កឲ្យមាន​ការឆ្លង​រាលដាល កាន់តែខ្លាំង ព្រោះចាប់ពីពេលនេះ​តទៅ អ្នកដែលសង្ស័យថា ខ្លួនមាន​ជាប់​ទាក់ទង នឹងអ្នកជំងឺ នឹងលែងហ៊ានមកធ្វើតេស្ដិ៍ ដោយសារពួកគេខ្លាច​ការបង្ហាញមុខ​​ជាសាធារណៈ ដែលជាការរំលោភលើ«សិទ្ធិឯកជន»ផង និងរំលោភលើ​«ឯកជនភាព​របស់អ្នកជំងឺ»នោះផង។

បញ្ជាររបស់លោក ហ៊ុន សែន ឲ្យបង្ហាញអត្តសញ្ញាណអ្នកជំងឺ នឹងធ្វើឲ្យមានការចម្លងកាន់តែខ្លាំង ព្រោះអ្នកជាប់សង្ស័យ នឹងឈប់ទៅធ្វើតេស្ដិ៍ !

Posted by ព្រហ្ម គិត on Friday, December 4, 2020

សូមបញ្ជាក់ថា រហូតមកដល់ពេលនេះ កម្ពុជារកឃើញអ្នកឆ្លងកូវីដ១៩ ក្នុងព្រឹត្តិការណ៍​២៨វិច្ឆិកា មានប្រមាណជា២៨នាក់ (បូករួមទាំងករណី វិជ្ជមាន៦នាក់ថ្មីនេះ) ដែលធ្វើឲ្យ​តួលេខអ្នកឆ្លងសរុប នៅទូទាំងប្រទេស កើនឡើងដល់៣៤១នាក់៕



You may also like

កំសាន្ដ

«គីង្គក់ និងភ្នំភ្លើង» កម្សាន្ដខ្លីៗ

ពេលឮសូរតោខ្លាដំរី រត់ផ្អើលជាន់ជើងគ្នា ព្រោះការផ្ទុះភ្នំភ្លើង សត្វ«គីង្គក់»លក់ថ្នាំស្រែង វាស្រែកពីក្នុងពាងមកថា៖ ពួកអាតោខ្លាដំរី សុទ្ធតែភ្លើ មិនចេះគ្រប់គ្រងគ្រោះផ្ទុះភ្នំភ្លើង គប្បីអាភ្លើទាំងនោះ មករៀនសូត្រពីអញ ដូចជារូបអញ​នៅក្នុងពាងដូច្នេះ។ នៅពេលពាងទប់នឹងកម្ដៅភ្នំភ្លើងលែងបាន ក៏ផ្ទុះបែក ...
កម្ពុជា

សម រង្ស៊ី៖ «វិមាន​ឈ្នះឈ្នះ គួរ​មាន​ឈ្មោះ​វិមាន​ហ៊ុនសែន​ក្បត់ជាតិ»

នៅតែប៉ុន្មានម៉ោង មុនការសម្ពោធ ដាក់ឲ្យប្រើប្រាស់ នូវវិមាន«ឈ្នះឈ្នះ» ក្នុងព្រឹកថ្ងៃទី២៩ ខែធ្នូ ឆ្នាំ២០១៨នេះ ប្រធានស្ដីទីគណបក្សសង្គ្រោះជាតិ បានបញ្ចេញប្រតិកម្មរបស់លោក គួរហៅស្ដូបចងចាំ ដ៏ធំសម្បើម ថាជាវិមាន «ហ៊ុនសែនក្បត់ជាតិ» ...
កីឡា និងបច្ចេកវិទ្យា

ហ្វេសប៊ុក​អះអាងថា ពិតជាមាន​ចោរ​«លួចចូលទៅគ្រប់គ្រង»​ទំព័រ ហ៊ុន សែន

ទំព័រហ្វេសប៊ុករបស់លោកនាយករដ្ឋមន្ត្រី ហ៊ុន សែន ដែលមានអ្នកតាមដានប្រមាណជា ១១លាននាក់ ពិតជាត្រូវបានចោរ នៅលើបណ្ដាញអ៊ិនធើណែត លួចចូលទៅគ្រប់គ្រង នោះមែន។ នេះ បើតាមការអះអាងរបស់ក្រុមហ៊ុនហ្វេសប៊ុក ពីសហរដ្ឋអាេមរិក ដែលត្រូវបានស្រង់សំដីដោយវិទ្យុអាស៊ីសេរី។ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...