ឯកអគ្គរដ្ឋទូតអាមេរិកថ្មី ប្រចាំកម្ពុជា លោក ផាទ្រីក មរហ្វី (W. Patrick Murphy) បានថ្លែង«សារដំបូង»របស់លោក ទៅកាន់ពលរដ្ឋកម្ពុជា ក្នុងថ្ងៃនេះ ដោយមានពាក្យពេចន៍មួយចំនួនអះអាងថា លោកនឹងផ្ដល់ការគាំទ្រ ជួយឲ្យប្រទេសកម្ពុជា មានភាពរឹងមាំ រ៉ុងរឿង មានលទ្ធិប្រជាធិបតេយ្យ និងឯករាជ្យ។

«ជម្រាបសួរ ពុកម៉ែ បងប្អូន ប្រជាជនខ្មែរទាំងអស់គ្នា» នេះ ជាការចាប់ផ្ដើម នៅក្នុងសារដំបូងនោះ របស់លោកឯកអគ្គរដ្ឋទូតថ្មី ដែលត្រូវបានយកមកបង្ហោះ នៅលើទំព័ររបស់ស្ថានទូត នៅលើបណ្ដាញសង្គម។ បន្ទាប់ពីរៀបរាប់ត្រួសៗ អំពីបទពិសោធន៍ការងាររបស់លោក ក្នុងវិស័យមនុស្សធម៌ និងការទូតដ៏ក្រាស់ក្រែលរួច លោក មរហ្វី បានបន្តថ្លែងថា៖

«ខ្ញុំបានធំដឹងក្ដី ក្នុងរដ្ឋកំណើតរបស់ខ្ញុំ គឺរដ្ឋ «Vermon» ដែលនៅទីនោះ ស្រែចំការ គឺជាមូលដ្ឋានសេដ្ឋកិច្ច ដូចប្រទេសកម្ពុជាដែរ។ កិច្ចសហប្រតិបត្តិការ រវាងសហរដ្ឋអាមេរិក និងប្រទេសកម្ពុជា រួមមានការអភិវឌ្ឍន៍ ពាណិជ្ជកម្ម សុខភាពសាធារណៈ ការពង្រឹងការអនុវត្តន៍ច្បាប់ ការអភិរក្សវប្បធម៌ និងការផ្លាស់ប្ដូរគ្នា រវាងប្រជាពលរដ្ឋទាំងពីរ។»

លោកបញ្ជាក់ទៀតថា៖

«ខ្ញុំមានការប្ដេជ្ញាចិត្ត ក្នុងការជួយប្រទេសយើងទាំងពីរ ក្នុងការពង្រឹងទំនាក់ទំនង លើវិស័យទាំងនេះ និងចំណងទាក់ទងដ៏ទៃទៀត ព្រមទាំងផ្ដល់ការគាំទ្រ ដើម្បីឲ្យប្រទេសកម្ពុជា មានភាពរឹងមាំ រ៉ុងរឿង មានលទ្ធិប្រជាធិបតេយ្យ និងឯករាជ្យ។»

យ៉ាងណា លោក ផាទ្រីក មរហ្វី មិនបានបង្ហើបឲ្យដឹង តើលោកនឹងមកដល់កម្ពុជា នៅថ្ងៃណាទេ។ លោកនិងភរិយាលោក គឺអ្នកស្រី «Kethleen Murphy» គ្រាន់តែបាននិយាយ នៅចុងបញ្ចប់នៃ«សារដំបូង»ដ៏ខ្លីនោះ ថា «យើងទន្ទឹងទៅស្រុកខ្មែរ។ ជួបគ្នាឆាប់ៗនេះ»។

លោក មរហ្វី ត្រូវបានព្រឹទ្ធសភា​សហរដ្ឋ​អាមេរិក អនុម័តយល់ព្រម តាម​សំណើ​របស់ប្រធានាធិបតីអាមេរិក ​កាល​ពី​ថ្ងៃទី ​០១ ​ខែសីហា ​ឆ្នាំ២០១៩​ ដើម្បី​ឲ្យ​​លោកមកធ្វើ ជា​ឯក​អគ្គរដ្ឋ​ទូត​ថ្មី​ ប្រចាំ​នៅ​កម្ពុជា​ ជំនួស​លោក វីល្លៀម ហេដ៍ (William ​Heidt) ​ដែល​ត្រូវ​ចប់​អាណត្តិ ​កាល​ពី​ខែ​វិច្ឆិកា ​ឆ្នាំ​២០១៨​។

គួរបញ្ជាក់ដែរថា តាំងពីខែវិច្ឆិកា មកទល់នឹងពេលនេះ ស្ថានទូតអាមេរិកនៅកម្ពុជា មិនមានវត្តមានឯកអគ្គរដ្ឋទូតទេ ខណៈទំនាក់ទំនងរវាងប្រទសទាំងពីរ បានស្គាល់ភាពល្អក់កករ រាប់ចាប់តាំងពីរបបក្រុងភ្នំពេញ ចោទប្រកាន់សហរដ្ឋអាមេរិក ថានៅពីក្រោយគណបក្សប្រឆាំង ដើម្បីធ្វើ«បដិវត្ត»ផ្ដួលរលំខ្លួន៕



លំអិតបន្ថែមទៀត

កម្ពុជា

Covid-19៖ ហ៊ុន សែន ថាបានត្រៀម សម្ភារៈ​និង​បរិក្ខារ​ពេទ្យ រួចហើយ

នៅចំពោះការរាតត្បាត នៃជំងឺ«Covid-19» នាយករដ្ឋមន្ត្រី នៃរដ្ឋាភិបាលឯកបក្ស នៅប្រទេសកម្ពុជា បានអះអាងជាថ្មីថា លោកបានត្រៀមបម្រុង សម្ភារៈ​និង​បរិក្ខារ​ពេទ្យ ក្នុងស្ដុករួចស្រេចហើយ ដើម្បីប្រយុទ្ធប្រឆាំងនឹងជំងឺ ដ៏ឧត្បាតមួយនេះ។ សម្រាប់អ្នកឃ្លាំមើល បានលើកឡើងថា ...
ដំណឹង

បោះឆ្នោតប្រធានាធិបតីអាមេរិក៖ ត្រាំ បដិសេធជ័យជំនះ​របស់ បៃដិន

ប្រធានាធិបតីចប់អាណត្តិ លោក ដូណាល់ ត្រាំ (Donald Trump) បានបដិសេធ​ទទួលស្គាល់ បរាជ័យ​របស់ខ្លួន និង បដិសេធជ័យជំនះ​របស់ ចូ បៃដិន (Joe ...
កម្ពុជា

មូលដ្ឋានទ័ពចិន៖ អាមេរិក​«ចាប់»​កម្ពុជា ឲ្យ​គោរព​ការប្ដេជ្ញា​ចិត្ត​របស់​ខ្លួន

សម្រាប់លោកសាស្ត្រាចារ្យ អៀ សុផល មកពីសាកលវិទ្យាល័យមួយ នៃសហរដ្ឋអាមេរិក បានពន្យល់ថា ការអះអាងចុងក្រោយបំផុត របស់រដ្ឋមន្ត្រី​ការ​បរទេស​អាមេរិក​ ស្វាគមន៍ការបដិសេធរបស់កម្ពុជា ចំពោះវត្តមានមូលដ្ឋានយោធាចិន នៅខេត្តព្រះសីហនុនោះ មានលក្ខណៈជាការ«ចាប់»កម្ពុជា ឲ្យត្រូវតែគោរព«ការប្ដេជ្ញាចិត្តរបស់ខ្លួន»។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...