កម្ពុជាដំណឹង

អ្នកគាំទ្រ CNRP គ្រោង​ធ្វើបាតុកម្មថ្ងៃ​១៩មករា នៅមុខសេតវិមាន​និង​រដ្ឋសភា​អាមេរិក

បណ្ដាជនអ្នកគាំទ្រគណបក្សសង្គ្រោះជាតិ នៅក្រៅប្រទេស ជាពិសេស​នៅក្នុង​ទ្វីបអាមេរិក​ខាងជើង បានប្រកាសត្រៀមធ្វើបាតុកម្មមួយ នៅរសៀល​ថ្ងៃសៅរ៍ ទី១៩ ខែមករា ឆ្នាំ២០១៩ខាងមុខ ក្នុងរដ្ឋធានី វ៉ាស៊ីនតោន សហរដ្ឋអាមេរិក។

អ្នករៀបចំបាតុកម្មមួយរូប បានថ្លែងឡើងថា គម្រោង«មហាបាតុកម្ម»​នោះ ត្រូវបានបណ្ដាសាខាជាច្រើន នៃគណបក្សសង្គ្រោះជាតិ នៅក្រៅប្រទេសរៀបចំឡើង ក្នុងនោះមានគណបក្សសង្គ្រោះជាតិ នៅទ្វីបអាមេរិកខាងជើង និងចលនាសង្គ្រោះជាតិជាដើម។

អ្នករៀបចំបាតុកម្ម បានបន្តថា ក្រុមបាតុករនឹងរៀបចំជួបជុំគ្នា នៅខាងមុខមន្ទីររដ្ឋសភា សហរដ្ឋអាមេរិក ហើយបន្ទាប់មក នឹងធ្វើការដង្ហែជាក្បួន ទៅកាន់សេតវិមាន ដែលជាវិមានប្រធានាធិបតីអាមេរិក។

កម្មវត្ថុសំខាន់នៃបាតុកម្ម ត្រូវបានបញ្ជាក់ឲ្យដឹងថា គឺដើម្បីអង្រួន រដ្ឋាភិបាលអាមេរិក និងសហគមន៍អន្តរជាតិ ឲ្យបន្ថែមល្បឿន ក្នុងការដាក់សម្ពោធ មកលើរដ្ឋាភិបាលលោក ហ៊ុន សែន និងទាមទារឲ្យរបបដឹកនាំ នៅកម្ពុជាសព្វថ្ងៃ ត្រូវស្តារស្ថានការណ៍នយោបាយ ឲ្យវិលត្រឡប់ មករកប្រក្រតីភាពឡើងវិញ និងស្របតាមលទ្ធិប្រជាធិបតេយ្យពិតប្រាកដ។

នៅលើសន្លឹកប្រកាស ពីបាតុកម្ម គេឃើញមានសរសេរ ជាអក្សរធំៗថា៖

«មហាបាតុកម្ម ទាមទារឲ្យអាមេរិក និងអន្តរជាតិ ដាក់សម្ពាធលើ ហ៊ុន សែន ឲ្យស្របតាមលក្ខខណ្ឌ ៥ចំណុច របស់សហភាពអ៊ឺរ៉ុប»

បាតុកម្មរបស់ពលរដ្ឋខ្មែរ នៅក្រៅប្រទេស ធ្វើឡើងបន្ទាប់ពីបាតុកម្ម របស់ពលរដ្ឋខ្មែរ នៅក្នុងប្រទេសអូស្ត្រាលី ដែលនឹងត្រៀមធ្វើនៅថ្ងៃទី៧ ខែមករា ឆ្នាំ២០១៩ស្អែកនេះ។ បាតុកម្ម​នៅក្នុងក្រុង មែលប៊ន ត្រូវបានអ្នករៀបចំបាតុកម្ម អះអាងថា ធ្វើឡើងដើម្បីប្រឆាំង នឹងខួបទី៤០ នៃថ្ងៃ៧មករា ឆ្នាំ១៩៧៩-២០១៩ និងទាមទារ ឲ្យរបបក្រុងភ្នំពេញ ងាកមកស្ដារ លទ្ធិប្រជាធិបតេយ្យឡើងវិញ។

សម្រាប់លោក សុខ ឥសាន អ្នកនាំពាក្យគណបក្សប្រជាជនកម្ពុជា ដែលកំពុងកាន់អំណាច បានអះអាងថា បាតុកម្មរបស់ពលរដ្ឋខ្មែរ នៅក្រៅស្រុកទាំងនោះ គ្មានឥទ្ធិពលអ្វីមកលើកម្ពុជាទេ៕



លំអិតបន្ថែមទៀត

កម្ពុជា

សម រង្ស៊ី មកដល់​ប្រទេស​«ម៉ាឡេស៊ី»​ហើយ!

នៅថ្ងៃទី១៦ ខែសីហានេះ មេដឹកនាំប្រឆាំង លោក សម រង្ស៊ី ដែលបានប្រកាស​​ជារឿយៗ ជុំវិញដំណើរមាតុភូមិនិវត្តន៍របស់លោក បានបង្ហាញវត្តមាន នៅក្នុងប្រទេស​«ម៉ាឡេស៊ី»​ហើយ។ ប្រទេសម៉ាឡេស៊ី ដែលត្រូវបានចាត់ទុកថា កៀកបំផុតនឹងប្រទេសកម្ពុជា។ ...
កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

នៅថ្ងៃអាទិត្យ ទី១០ ខែកក្កដា ឆ្នាំ២០២២ខាងមុខនេះ កម្ពុជានឹងធ្វើការ​កាន់ទុក្ខ​សព​​អតីតនាយករដ្ឋមន្ត្រីជប៉ុន លោក ស៊ីនហ្សូ អាបេ (Shinzo Abe) ដែលបានធ្វើមរណភាព កាលពីថ្ងៃសុក្រម្សិលមិញ បន្ទាប់ពីរកការបាញ់ប្រហារ ...
កម្ពុជា

ការសម្រេច​របស់ EU ក្នុង​ការយកពន្ធ​អង្ករខ្មែរ ជា«អាវុធ​​ធ្វើ​ឃាត»​ពលរដ្ឋ

ការសម្រេច​លប់ចោល ការអនុគ្រោះពន្ធ លើផលិតផលអង្ករកម្ពុជា មាន«​ឥទ្ធិពល​គ្រប់គ្រាន់» សម្រាប់​ដកហូត​ចំណូល ​របស់​ប្រជាកសិករ​ក្រីក្រ​កម្ពុជា និង​ជា​«អាវុធ​​ធ្វើ​ឃាត»​​ពួកគាត់ និង​ក្រុមគ្រួសារ ដែល​កំពុង​ជាប់បំណុល ជាមួយនឹង​ស្ថាប័ន​ឥណទាន ដែល​បាន​ផ្តល់​ប្រាក់​កម្ចី​ ដល់​ពួកគាត់។​ នេះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...