កម្ពុជាដំណឹង

ហ៊ុន សែន ឲ្យ​ដំណឹង​ថា លោក​មាន​សុខភាព​«រឹងមាំ​ធម្មតា»

អវត្តមានជាសាធារណៈ រាប់ចាប់តាំងពីថ្ងៃទី១២ ខែកក្កដា ឆ្នាំ២០១៩នោះមក លោកនាយករដ្ឋមន្ត្រី ហ៊ុន សែន បានប្រកាសនៅមុននេះបន្តិច ធានាទៅដល់អ្នកគោរពស្រឡាញ់លោកថា លោកមានសុខភាព«រឹងមាំ​ធម្មតា»។

មេដឹកនាំកម្ពុជា បានប្រកាសដូច្នេះ នៅលើទំព័រហ្វេសប៊ុករបស់លោក ដោយថែមទាំងបញ្ជាក់ទៀតថា លោកមានគម្រោងជួបភ្ញៀវ ពីមូលនិធិអន្តរជាតិសម្រាប់អភិវឌ្ឍន៍កសិកម្ម នៅទីស្ដីការគណៈរដ្ឋមន្ត្រី ក្នុងថ្ងៃស្អែកនេះផង។

លោក ហ៊ុន សែន សរសេរថា៖

«សុខភាពខ្ញុំ គឺរឹងមាំធម្មតាទេ។ ស្អែកនេះ ខ្ញុំជួបភ្ញៀវ មកពីមូលនិធិអន្តជាតិ សម្រាប់អភិវឌ្ឍន៍កសិកម្ម នៅទីស្តីការ។»

មុននឹងអះអាង ឲ្យមានការថែរក្សាសន្តិភាព និងការអភិវឌ្ឍប្រទេសនោះ បុរសខ្លាំងកម្ពុជា ដែលអង្គុយក្នុងតំណែង តាំងពីជាងបីទសវត្សរ៍ បានថ្លែងបន្តទៅកាន់អ្នកគាំទ្រលោកថា៖

«អរគុណបងប្អូន ដែលបានជូនពរខ្ញុំ។ អ្វីដែលសំខាន់បំផុតចំពោះខ្ញុំ គឺបងប្អូនជនរួមជាតិ មានការងារមុខរបរ រស់នៅសុខសប្បាយ និងកូនចៅមានឱកាស ទៅសាលារៀននៅគ្រប់ទីកន្លែង។»

សុខភាព«រឹងមាំ​ធម្មតា» បន្ទាប់ពីជំងឺគ្រេចស្មា

លោក ហ៊ុន សែន បានបង្ហើបឲ្យដឹង កាលពីដើមខែកក្កដានេះ ថាលោកមានជំងឺគ្រេចស្មាខាងស្ដាំ។ លោកអះអាងថា ជំងឺនេះបណ្ដាលមក​ពី​លោក​បានដួល ក្នុងពេលជិះកង់ប្រណាំង បន្ទាប់ពីលោកបានត្រឡប់ ពីការចូលរួមប្រជុំនៅក្រុងហ្សឺណែវ ប្រទេសស្វីស។

ជំងឺគ្រេចស្មានោះ តម្រូវឲ្យលោកត្រូវទៅសម្រាកព្យាបាល អស់រយៈពេលជាច្រើនថ្ងៃ នៅឯមន្ទីរពេទ្យ នៃប្រទេសសិង្ហបូរី។ ដោយឡែកនៅលើ​បណ្ដាញសង្គម បានលេចឮ​នូវពាក្យ​ចចាមអារាមជាច្រើន ជុំវិញសភាពធ្ងន់ធ្ងរ នៃស្ថានភាពសុខភាព​របស់លោក។

ប៉ុន្តែ នៅក្នុងអង្គប្រជុំគណៈរដ្ឋមន្ត្រី កាលពីថ្ងៃទី១២ ខែកក្កដា ឆ្នាំ២០១៩ (ក្រោមវត្តមានជាសាធារណៈរបស់លោក ហ៊ុន សែន) អ្នកនាំពាក្យរដ្ឋាភិបាល លោក ផៃ ស៊ីផាន បានអះអាងថា អាជ្ញាធររដ្ឋាភិបាល នឹងចាត់វិធានការ ទៅលើនរណាក៏ដោយ ដែលប្រតិដ្ឋបំភ្លៃព័ត៌មាន ពីសុខភាពរបស់លោក ហ៊ុន សែន៕

សុខ សប្បាយ ជា ទេ បង ប្អូន ជន រួម ជាតិ? សុខភាព ខ្ញុំ គឺ រឹងមាំ ធម្មតា ទេ។ ស្អែក នេះ …

Posted by Samdech Hun Sen, Cambodian Prime Minister on Wednesday, July 24, 2019


លំអិតបន្ថែមទៀត

កម្ពុជា

សម រង្ស៊ី តម្រូវ​ឲ្យ«ហ៊ុន សែន ត្រូវ​ដោះលែង កឹម សុខា មុន​គេ»

ត្រូវ​ដោះលែង កឹម សុខា ៖ ការប្ដូរជំហររបស់របបដឹកនាំក្រុងភ្នំពេញ ដែលមានគម្រោង​កែច្បាប់ជាថ្មី ដើម្បីបើក​លទ្ធភាព ឲ្យមន្ត្រីគណបក្ស​សង្គ្រោះជាតិ ទាំង១១៨នាក់ អាចមានសិទ្ធិ ធ្វើសកម្មភាពនយោបាយ​ឡើងវិញ បន្ទាប់ពី​ពួកគេ ត្រូវបានតុលាការហាមឃាត់ ...
កម្ពុជា

កម្ពុជា​ជាប់ក្នុង​«បញ្ជីប្រផេះ»​នៃស្ថាប័ន​ឃ្លាំមើល​ការលាង​លុយ​កខ្វក់

ប្រទេសកម្ពុជា ស្ថិតក្នុងចំណោម​ប្រទេសចំនួន១២ ដែលជាប់ក្នុង​«បញ្ជីប្រផេះ» នៃការឃ្លាំមើល​ការលាងប្រាក់កខ្វក់ របស់«អង្គការឃ្លាំមើលសកម្មភាពហិរញ្ញវត្ថុ (ហៅ​ជា​ភាសា អង់គ្លេស “Financial Action Task Force – FATF” ...
វិភាគ អត្ថាធិប្បាយ

អ្នកវិភាគថាព្រះរាជាសព្វថ្ងៃ មិនខុសពីព្រះចៅអធិរាជជប៉ុន មុនឆ្នាំ១៨៦៨

«សព្វថ្ងៃនេះ ព្រះមហាក្សត្រខ្មែរ ដូចជាមិនខុសពីព្រះចៅអធិរាជជប៉ុន មុនឆ្នាំ១៨៦៨ ប៉ុន្មានទេ» នេះ ជាការអះអាងឡើង របស់លោក ឡៅ ម៉ុងហៃ អ្នកវិភាគនយោបាយ និងសង្គម ដោយពន្យល់ថា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...