កម្ពុជាដំណឹង

សម រង្ស៊ី ប្រាប់​រដ្ឋាភិបាល​បរទេស​ថា ​តុលាការ​នៅ​ភ្នំពេញ​ជា​«អាយ៉ង»

មេដឹកនាំប្រឆាំងរបស់កម្ពុជា លោក សម រង្ស៊ី បានសរសេរលិខិតមួយ នៅថ្ងៃនេះ ទៅកាន់រដ្ឋាភិបាល នៃបណ្ដាប្រទេសនានា ដើម្បីប្រាប់ឲ្យប្រទេសទាំងនោះ កុំយកចិត្តដាក់ចំពោះដីកាឲ្យចាប់ខ្លួន ដែលចេញកាលពីដើមខែមិនា ដោយតុលាការរាជធានី ប្រឆាំងមេដឹកនាំប្រឆាំង ចំនួន៨នាក់។ លោកបានហៅដីកានោះ ថាគ្រានតែចេញ​ដោយ​តុលាការ​«អាយ៉ង»របស់លោកនាយករដ្ឋមន្ត្រី ហ៊ុន សែន ប៉ុណ្ណោះ។

ក្នុងលិខិតនោះ លោក សម រង្ស៊ី បានឲ្យដឹងថា៖

«ខ្ញុំសូមអំពាវនាវដល់រដ្ឋាភិបាល នៃបណ្តាប្រទេស ដែលជាមិត្តរបស់កម្ពុជា និងជាពិសេស ប្រទេសដែលគោរព គោលការណ៍ប្រជាធិបតេយ្យ និងសិទ្ធិមនុស្ស កុំយកចិត្តទុកដាក់ ចំពោះដីកាចាប់ខ្លួន មេដឹកនាំទាំងប្រាំបីរូប នៃគណបក្សប្រឆាំងនៅកម្ពុជា។»

កាលពីថ្ងៃទី១២ ខែមិនា ឆ្នាំ២០១៩ លោក កូយ សៅ ចៅក្រមស៊ើបសួរ នៃសាលាដំបូងរាជធានីបានចុះហត្ថលេខា និងចេញផ្សាយក្នុងពេលតែមួយ ទៅលើដីកាចំនួន៨ច្បាប់ ដោយបញ្ជាទៅកងកម្លាំងអាជ្ញាធរ ឲ្យតាមចាប់ខ្លួនថ្នាក់ដឹកនាំប្រឆាំង ទាំង​៨នាក់ ពីបទក្បត់ជាតិ និងផ្សំគំនិតក្បត់។

សម្រាប់មេដឹកនាំប្រឆាំង ការចោទប្រកាន់ របស់តុលាការមួយនេះ មានលក្ខណៈ​«គួរឲ្យអស់សំណើច»។

មន្ត្រីប្រឆាំងទាំង៨នាក់ ដែលជាប់ក្នុងដីកានោះ មានរូបលោក សម រង្ស៊ី ផ្ទាល់, លោក អេង ឆៃអ៊ាង , លោក ហូរ វ៉ាន់ , លោក អ៊ូ ច័ន្ទឫទ្ធិ , លោក ម៉ែន សុថាវរិន្រ្ទ , លោក ឡុង រី , លោក តុប វ៉ាន់ចាន់ និងអ្នកស្រី មូរ សុខហួរ។

ប្រធានស្ដីទីគណបក្សប្រឆាំង បានពន្យល់នៅក្នុងលិខិតនោះទៀតថា៖

«អង្គការសហប្រជាជាតិ – សភាសហរដ្ឋអាមេរិក – សភាអឺរ៉ុប – សមាជិកសភាអាស៊ានសម្រាប់សិទ្ធិមនុស្ស និងអង្គការសិទ្ធិមនុស្សអន្តរជាតិ ដូចជា អង្គការលើកលែងទោសអន្តរជាតិ និងអង្គការឃ្លាំមើលសិទិ្ធមនុស្ស អាចបញ្ជាក់ថា ដីកាចាប់ខ្លួនទាំងនេះ ត្រូវបានចេញ សម្រាប់ហេតុផលនយោបាយសុទ្ធសាធ ហើយបង្ហាញពីការបង្ក្រាប កាន់តែសាហាវទៅៗ នៅកម្ពុជា ក្រោមរបបផ្ដាច់ការ​របស់លោក ហ៊ុន សែន។»

០៦ មេសា ២០១៩ / 06 April 2019 – To Friends of Cambodia (*) សម រង្ស៊ី សេចក្តីជូនដំណឹងដល់រដ្ឋាភិបាលប្រទេសជាមិត្តទាំងអស់ ក្នុងពិភពលោក សូមកុំយកចិត្តទុកដាក់ ចំពោះដីកាទាំងឡាយចេញដោយតុលាការ អាយ៉ង នៅទីក្រុងភ្នំពេញ…

Posted by Sam Rainsy on Saturday, April 6, 2019


កាលពីពេលកន្លងមក លោក ជិន ម៉ាលីន អ្នក​នាំ​ពាក្យ​ក្រសួង​យុត្តិធម៌កម្ពុជា បានការពារការចេញ​ដីកា របស់តុលាការខាងលើថា ជាការអនុវត្តន៍​យន្តការ​ច្បាប់ ដោយ​ផ្អែក​លើ​ការ​ស៊ើបអង្កេត​ច្បាស់លាស់។

ស្រង់សំដីដោយវិទ្យុអាស៊ីសេរី អ្នកនាំពាក្យបានឲ្យដឹងថា៖

«ការ​ចេញ​ដីកា​នេះ គឺ​ជា​យន្តការ​អនុវត្ត​ច្បាប់​សុទ្ធសាធ​ នៅ​ក្នុង​សង្គម​ប្រជាធិបតេយ្យ ព្រោះ​ផ្អែក​លើ​មូលដ្ឋាន ​លើ​ការ​ស្រាវជ្រាវ និង​ការ​ស៊ើបអង្កេត​ច្បាស់លាស់ ហើយ​ការ​ចោទ​ប្រកាន់​ថា ជា​រឿង​នយោបាយ​នេះ ជា​រឿង​មិន​ត្រឹមត្រូវ​ទេ។»

នៅក្នុងបញ្ជីក្រហម នៃជនដែលត្រូវតាមចាប់ខ្លួន ពីសំណាក់ស្ថាប័ននគរបាលអន្តរជាតិ ហៅថា «InterPol» គេមិនឃើញមានឈ្មោះ មន្ត្រីគណបក្សប្រឆាំង ទាំង៨រូបខាងលើជាប់ឈ្មោះក្នុងបញ្ជីទេ។

អ្នកជំនាញផ្នែកច្បាប់ម្នាក់ បានប្រាប់ទស្សនាវដ្ដីមនោរម្យ.អាំងហ្វូថា ការបញ្ជូនឈ្មោះមន្ត្រីប្រឆាំងទាំងនោះ ឲ្យបណ្ដាប្រទេសនានា តាមចាប់ខ្លួន តាមរយៈស្ថាប័ននគរបាលអន្តរជាតិ មិនអាចទៅរួចទេ ដោយហេតុថា បទចោទដោយតុលាការកម្ពុជា មានទំងន់ស្រាល ហើយអាចត្រូវបានចាត់ទុក ថាមានមូលហេតុនយោបាយ។

អ្នកជំនាញបានបញ្ជាក់ទៀតថា អាជ្ញាធរក្រុងភ្នំពេញ អាចប្រើប្រាស់កិច្ចព្រមព្រៀង​បត្យាប័ន (ឬហៅថា កិច្ចព្រមព្រៀងបញ្ជូនខ្លួនជនល្មើស) ជាលក្ខណៈទ្វេភាគី ដែលកម្ពុជាបានចុះហត្ថលេខា ជាមួយប្រទេសមួយទៀត។ ប៉ុន្តែយ៉ាងណាក៏ដោយ ក៏បទចោទរបស់តុលាការកម្ពុជា ពិបាកធ្វើជាមូលដ្ឋាន ដើម្បីឲ្យមាន ការចាប់ខ្លួន​មន្ត្រី​ប្រឆាំងទាំងនោះ នៅក្នុងប្រទេស ដែលកាន់លទ្ធិប្រជាធិបតេយ្យណាស់៕



លំអិតបន្ថែមទៀត

កម្ពុជា

មេធាវី កឹម សុខា ថា​កូនក្ដី​ខ្លួន​ទាមទារ​ឲ្យ​ទម្លាក់​បទ​ចោទ​ប្រកាន់​ជាមុន​សិន

«ត្រូវទម្លាក់ចោល បទចោទប្រកាន់ ជាមុនសិន» នេះ ជាការលើកឡើង របស់លោក កឹម សុខា ប្រធានគណបក្សសង្គ្រោះជាតិ តាមរយៈមេធាវីរបស់លោក នៅមួយថ្ងៃបន្ទាប់ពីការលើកឡើង របស់លោកនាយករដ្ឋមន្ត្រី ហ៊ុន ...
វិភាគ អត្ថាធិប្បាយ

អ្នកវិភាគថា វាយប្រហារ​អ្នក​គាំទ្រ​​ខ្មែរក្រហម​​នៅ អ.ស.ប គឺ​វាយប្រហារ​ចិន

ទេ! មិនមែនមហាអំណាចលោកខាងលិច ឬនិយាយឲ្យចំ មិនមែនសហរដ្ឋអាមេរិកទេ ដែលអន្ទោច ឬទាមទារ​ឲ្យរបបខ្មែរក្រហម នៅបន្តកាន់កាប់​អសនៈកម្ពុជា នៅអង្គការសហប្រជាជាតិ ( អ.ស.ប ) រយៈពេល ១២ឆ្នាំបន្ថែមទៀត ...
កម្ពុជា

កម្ពុជារាំង​ខ្ទប់​១៧គេហទំព័រ​មិន​ឲ្យ​ដំណើរការ​ មុន​និង​ក្នុង​​ថ្ងៃ​បោះឆ្នោត

មុន​និង​ក្នុង​​ថ្ងៃ​បោះឆ្នោត គេហទំព័ររបស់ស្ថាប័នសារព័ត៌មានឯករាជ្យ រាប់ទាំងគេហទំព័ររបស់ទស្សនាវដ្ដី មនោរម្យ.អាំងហ្វូ (MONOROOM.info) រួមនឹងគេហទំព័​របស់គណបក្សប្រឆាំង សរុបចំនួន១៧ស្ថាប័ន​ ត្រូវបានរាំងខ្ទប់ មិនឲ្យដំណើរការ នៅក្នុងប្រទេសកម្ពុជា។ ការរាំងខ្ទប់ ត្រូវបានធ្វើឡើង ចាប់ពីថ្ងៃសៅរិ៍ទី២៨ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម​​ រង្ស៊ី បង្កើតសមាគមការពារ​សិទ្ធិ នៃអតីត​អ្នកជំងឺ​កូវីដ-១៩

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...