កម្ពុជាដំណឹង

រដ្ឋាភិបាល​នឹង​ចាត់​វិធានការ​ប្រឆាំង​«អ្នកប្រតិដ្ឋ»​ស្ថានភាព​ជំងឺ ហ៊ុន សែន

អ្នកប្រតិដ្ឋ ឬបង្កើតស្ថានភាពអាក្រក់ ពីសុខភាពរបស់លោកនាយករដ្ឋ ហ៊ុន សែន នឹងត្រូវជាប់ចោទ ពីការប្រព្រឹត្តិ​​បទល្មើសព្រហ្មទណ្ឌ ហើយនឹងរងវិធានការ​យ៉ាងម៉ឺងម៉ាត់ ពីរបបក្រុងភ្នំពេញ។ នេះ បើតាមលោក ផៃ ស៊ីផាន អ្នកនាំពាក្យរដ្ឋាភិបាល ដែលបានបញ្ជាក់ករណីខាងលើ ពីក្នុងកិច្ចប្រជុំគណៈរដ្ឋមន្ត្រី នាព្រឹកថ្ងៃទី១២ ខែកក្កដានេះ។

តាមទំព័រហ្វេសប៊ុករបស់លោក មន្ត្រីអ្នកនាំពាក្យបានសរសេរឲ្យដឹងថា៖

«ប្រសិនបើគណនីហ្វេសប៊ុកណាមួយ ប្រតិដ្ឋបំភ្លៃព័ត៌មាន (Fake News) ដែលធ្វើឱ្យមានការជ្រួលច្របល់មតិសាធារណៈ ជាហេតុផលធ្វើឱ្យប៉ះពាល់ ដល់សន្តិសុខជាតិ ដោយប្រតិដ្ឋស្ថានភាព​អាក្រក់ ពីសុខភាពរបស់​នាយករដ្ឋមន្រ្តី នៅក្នុងតំណែង គឺជាបទល្មើសព្រហ្មទណ្ឌ។ រាជរដ្ឋាភិបាល នឹងចាត់វិធានការ​យ៉ាងម៉ឺងម៉ាត់ ចំពោះសកម្មភាព​ឧក្រិដ្ឋនេះ។»

យកអ្វីមកថ្លឹង?

យ៉ាងណា លោក ផៃ ស៊ីផាន មិនបានបញ្ជាក់ថា តើរបបដឹកនាំរបស់លោក ហ៊ុន សែន យកច្បាប់អ្វីមកអនុវត្តន៍ ក្នុងការដាក់បម្រាម ហាមមិនឲ្យនិយាយ ពីសុខភាពរបស់លោក ហ៊ុន សែន ខណៈកន្លងមក មិនដែលមានរបាយការណ៍ជាផ្លូវការ ដែលបញ្ជាក់ដោយវេជ្ជបណ្ឌិត ថាតើបុរសខ្លាំងកម្ពុជា មានជំងឺអ្វីឲ្យពិតប្រាកដនោះឡើយ។

ក្នុងពេលកន្លងមក គឺលោក ហ៊ុន សែន ខ្លួនឯង ជាអ្នកប្រកាស ទម្លាយពីបញ្ហាសុខភាពរបស់លោក ប្រាប់គេឯងជាសាធារណៈ ហើយកាលពីថ្ងៃទី១០ ខែកក្កដាម្សិលម្ង៉ៃ លោក ហ៊ុន សែន ក៏ទើបនឹងវិលត្រឡប់ ពីការពិនិត្យព្យាបាលជំងឺរបស់លោក ក្នុងប្រទេសសិង្ហបូរី វិញដែរ៕ 



លំអិតបន្ថែមទៀត

កម្ពុជា

មេទ័ព ហ៊ុន សែន ប្រាប់​ពលទាហាន​ឲ្យ​«សម្រកក្បាលពោះ»

បុរសខ្លាំងកម្ពុជា លោក ហ៊ុន សែន ដែលមានតួនាទី ជានាយករដ្ឋមន្ត្រីផង និងជាអគ្គមេបញ្ជាការ នៃកងកម្លាំងប្រដាប់អាវុធកម្ពុជាផង បានថ្លែងប្រាប់ ឲ្យពលទាហាន ក្រោមបង្គាប់ទាំងឡាយ ត្រូវ«សម្រកក្បាលពោះ»។ មេដឹកនាំកម្ពុជា ...
កម្ពុជា

អ្នកវិភាគ​ស្នើឲ្យ ហ៊ុន សែន ក្លាហាន​បង្ហាញ​រូបភាព​ឃាតកម្ម​លើ កែម ឡី

សម្រាប់លោក គឹម សុខ បានពន្យល់ថា ការបង្ហាញរូបភាព នៅក្នុងអង្គចងចាំ (Memory Card) ដែលយកចេញពិត ពីកាម៉េរ៉ាសុវត្ថិភាព នៅក្នុងហាងស្ដាម៉ាត នៃស្ថានីយចាក់សាំងកាល់តិច បូកគោ ...
កម្ពុជា

នាយករដ្ឋមន្ត្រី​ខ្មែរ​និយាយ​ពី​«ក្បួន​ចាក់ទឹក​ក្រៅ​ពាង»

ពីខេត្តកណ្ដាល ក្នុងព្រឹកថ្ងៃទី២៦ ខែធ្នូ ឆ្នាំ២០១៨នេះ លោកនាយករដ្ឋមន្ត្រី ហ៊ុន សែន បានថ្លែងនៅចំពោះ កម្មករ-កម្មការិនីច្រើនពាន់នាក់ ពីក្បួនរួមរ័ក្សមួយ ដែលលោកហៅថា ជាពាក្យចាស់ ដែលមានឈ្មោះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...