កម្ពុជាដំណឹង

ហ៊ុន សែន ពន្យល់​ពីខួប​ទី៥០ នៃថ្ងៃខែឆ្នាំ​កំណើត​«មិនពិត»​របស់លោក

ថ្ងៃខែឆ្នាំកំណើត «មិនពិត» របស់លោក ហ៊ុន សែន មិនមែនជារឿងថ្មីទេ ព្រោះវាត្រូវបាននាយករដ្ឋមន្ត្រីរូបនេះ លើកឡើងដដែលៗ សឹងជារៀងរាល់ឆ្នាំ។ តែប្លែកនៅត្រង់ថា ឆ្នាំថ្មី ឆ្នាំ២០២០ បុរសខ្លាំងកម្ពុជា បានកើនអាយុ១ឆ្នាំ ហើយលោកបានតំណាល សារជាថ្មីម្ដងទៀត ពី«ខួបលើកទី៥០» នៃថ្ងៃខែឆ្នាំកំណើត«មិនពិត»នេះ របស់លោក។

តាមរយៈទំព័រហ្វេសប៊ុកលោក កាលពីប៉ុន្មាននាទីមុន លោក ហ៊ុន សែន បានសរសេរថា៖

«ឆ្នាំនេះ ជាខួបលើកទី៥០ ដែលខ្ញុំបានប្រើប្រាស់ ថ្ងៃ៤មេសា ជាថ្ងៃកំណើត ដែលជាពេលវេលាសមស្រប សម្រាប់ការបកស្រាយ ដើម្បីដោះស្រាយចម្ងល់ របស់បងប្អូនមួយចំនួន ដែលតែងឆ្ងល់ថា ហេតុអីលោក ហ៊ុន សែន មានថ្ងៃកំណើតពីរ និងថ្ងៃមួយណា ជាថ្ងៃកំណើតពិតប្រាកដ?»

លោកបន្តថា៖

«តាមពិត ខ្ញុំកើតម៉ោង១២យប់ ថ្ងៃអង្គារ១៥កើត ខែស្រាពណ៏ ឆ្នាំរោង ចត្វាស័ក ព.ស ២៤៩៦ ត្រូវនឹងថ្ងៃអង្គារ ទី៥ ខែសីហា ឆ្នាំ១៩៥២។ ហេតុអ្វីបានជាមានថ្ងៃ៤មេសា ជាថ្ងៃកំណើតទៅវិញ?»

ជារឿយៗ លោក ហ៊ុន សែន តែងរំលឹក ពីការរត់ចូលព្រៃម៉ាគី ដើម្បីចូលរួច​ ក្នុងចលនាប្រដាប់អាវុធ តាមការអំពាវនាវរបស់សម្ដេច នរោត្ដម ស៊ីហនុ ដើម្បីប្រឆាំងនឹង «ពួកធ្វើរដ្ឋប្រហារខុសច្បាប់ និងបរទេសឈ្លានពាន»។ ហើយថ្ងៃដែលលោក ហ៊ុន សែន រត់ចូលព្រៃម៉ាគីនោះ គឺថ្ងៃទី៤ ខែមេសា ឆ្នាំ១៩៧០។

បុរសខ្លាំងកម្ពុជា ដែលអង្គុយក្នុងតំណែង តាំងពី៣៥ឆ្នាំ បានរៀបរាប់ថា៖

«ពេលចូលដល់ជំរុំក្នុងព្រៃជ្រៅ មេដឹកនាំបានឱ្យពួកខ្ញុំ ប្រហែលជាង៣០០នាក់ ធ្វើប្រវត្តិរូប។ ខ្ញុំពុំចាំថ្ងៃខែកំណើតទេ ដូចនេះ ខ្ញុំបានយកថ្ងៃ៤ មេសា ដែលជាថ្ងៃខ្ញុំចូលតស៊ូ ធ្វើជាថ្ងៃកំណើតតែម្តង គឺថ្ងៃ៤មេសា១៩៥២។»

«ខ្ញុំប្រើថ្ងៃ៤មេសា១៩៥២ ជាថ្ងៃកំណើត តាំងពីថ្ងៃ៤មេសា១៩៧០ រហូតដល់ថ្ងៃ៨ខែមករា១៩៧៩ ទើបដូរឆ្នាំ មក១៩៥១វិញ។ ហេតុអ្វីបានជាដូរឆ្នាំ ពី១៩៥២ មក១៩៥១វិញ?»

«មិនពិត» ព្រោះ«ក្មេងពេក»

បន្ទាប់ពីកងទ័ពវវៀតណាម បានវាយបណ្ដេញ​របបខ្មែរក្រហម ឲ្យចេញពីអំណាច នៅឆ្នាំ១៩៧៩រួច លោក ហ៊ុន សែន ត្រូវបានលើកបន្តុប ឲ្យកាន់តំណែង ជារដ្ឋមន្ត្រីការបរទេស នៅខណៈលោក ទើបតែមានអាយុ ២៦ឆ្នាំ។ ប៉ុន្តែនៅពេលនោះ វិទ្យុសម្លេង«បដិវត្តប្រជាជនកម្ពុជា» នៃរបបកុម្មុយនីស្ដិ៍ថ្មី បានផ្សាយថា លោកមានអាយុ២៧ឆ្នាំ។

លោក ហ៊ុន សែន បានពន្យល់ពីរឿងនេះថា គឺដោយសារ មានការវាយអក្សរខុស ដោយភ័ន្តច្រឡំ ពីឆ្នាំ១៩៥២ មកជាឆ្នាំ១៩៥១ ហើយលោកខ្លួនឯង ចង់រក្សាអាយុ២៧ឆ្នាំ ដែលធ្វើឲ្យលោក មានវ័យចំណាស់ជាងអាយុពិត។ លោកថា៖

«ការដូរពីឆ្នាំ១៩៥២ មក១៩៥១ មានហេតុផលពីរ៖ ទី១ អ្នកវាយអង្គុលីលេខ វាយ[ឆ្នាំកំណើតលោក]ខុស ហើយយកទៅផ្សព្វផ្សាយ តាមវិទ្យុផ្សាយសម្លេង រួចទៅហើយ។ ទី២ ខ្ញុំមិនព្រមធ្វើការកែតម្រូវ ដោយសារអាយុជាង២៦ឆ្នាំ ពិតជាក្មេងពេក ប្រៀបជាមួយរដ្ឋមន្ត្រីផ្សេងទៀត ដែលមានអាយុ សុទ្ធតែជាង៤០ ឬជាង៥០ឆ្នាំ។»

«ពេលខ្ញុំកាន់តំណែង ជានាយករដ្ឋមន្ត្រី នៅថ្ងៃ១៤មករា១៩៨៥ ខ្ញុំក៏មិនព្រមកែទៀត ដោយសារពេលនោះ ខ្ញុំក៏ទើបមានអាយុ ជាង៣២ឆ្នាំ ដែលជានាយករដ្ឋមន្ត្រី ក្មេងជាងគេ នៅលើលោកនេះ នាពេលនោះ៕»



លំអិតបន្ថែមទៀត

កម្ពុជា

សម រង្ស៊ី ថា​ការបញ្ជូន​ដីកាតុលាការ​ទៅ​អាស៊ាន គ្មាន​ឥទ្ធិពលអ្វីលើ​លោកទេ

មេដឹកនាំប្រឆាំង លោក សម រង្ស៊ី បានថ្លែងតបពីរដ្ឋធានី ប៉ារីស ប្រទេសបារាំងថា ទង្វើរបស់លោក ហ៊ុន សែន ជុំវិញការបញ្ជូនដីកាតុលាការកម្ពុជា ទៅកាន់បណ្ដាប្រទេសអាស៊ាន ឲ្យចាប់ខ្លួនលោកនោះ ...
កម្ពុជា

ហ៊ុន សែន ឲ្យពលរដ្ឋខ្មែរ​វិលចូល​ស្រុក​ដោយគ្មាន វិញ្ញាបនប័ត្រ​បញ្ជាក់​សុខភាព

លោកនាយករដ្ឋមន្ត្រី ហ៊ុន សែន បានប្រកាសជាថ្មី ឲ្យពលរដ្ឋខ្មែរ​នៅក្រៅប្រទេស អាចវិល​ចូល​​មាតុភូមិវិញ ដោយមិនចាំបាច់មាន វិញ្ញាបនប័ត្រ​បញ្ជាក់​សុខភាព ថាគ្មាន​ជំងឺ «Covid-19»។ ប៉ុន្តែពួកគេ ត្រូវដាក់ឲ្យនៅដោយឡែក រយៈពេល១៤ថ្ងៃសិន ...
កម្ពុជា

សម រង្ស៊ី បដិសេធ​ផ្ញើរ​សារសម្ងាត់​ ឲ្យ​ទៅ ហ៊ុន សែន

លោក សម រង្ស៊ី ប្រធានស្ដីទីគណបក្សសង្គ្រោះជាតិ ដែលកំពុងរស់នៅនិរទេសខ្លួន នៅក្រៅប្រទេស បានបដិសេធការបង្ហើបឡើង របស់លោក សុខ ឥសាន អ្នកនាំពាក្យគណបក្សប្រជាជនកម្ពុជា ដែលអះអាងថា លោកបានផ្ញើរសារសម្ងាត់មួយ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...