កម្ពុជាដំណឹង

ហ៊ុន សែន គាំទ្រ​ឲ្យមាន​ពិធី«ចូលឆ្នាំចិន» ក្នុងក្រសួងមន្ទីររបស់រដ្ឋ

ប្រមុខរបបក្រុងភ្នំពេញ លោក ហ៊ុន សែន បានអះអាងថា របបដឹកនាំរបស់លោក គាំទ្រនិងលើកទឹកចិត្ត ឲ្យមានការប្រារព្ធពិធីបុណ្យ ទៅតាមទំនៀមទម្លាប់ប្រពៃណី និងពិធីបុណ្យសាសនាសំខាន់ៗ ដោយលោកបានលើកយកមកបញ្ជាក់ នូវការអបអរសាទរ របស់មន្ត្រីរាជការមួយចំនួនធំ ដែលប្រារព្ធពិធីបុណ្យ«ចូលឆ្នាំចិន ក្នុងក្រសួងមន្ទីររបស់រដ្ឋ»។

ការលើកឡើងរបស់លោក ហ៊ុន សែន ធ្វើឡើងក្រោយការបែកធ្លាយ នូវលិខិតស្នាមផ្លូវការមួយរបស់ក្រសួងឧស្សាហកម្ម និងសិប្បកម្ម ដែលកោះអញ្ជើញមន្ត្រីរាជការចំណុះឲ្យក្រសួងទាំងអស់ មកចូលរួមសែនចូលឆ្នាំចិន កាលពីព្រឹកម្សិលម៉ិញ។

លោក ហ៊ុន សែន បានថ្លែងឡើងតាមបណ្ដាញសង្គមថា៖

«កាលពីថ្ងៃទី៤ កុម្ភះ ម្សិលមិញ គឺយើងសង្កេតឃើញបងប្អូនប្រជាពលរដ្ឋ និងអាជីវករភាគច្រើន នៅក្នុងរាជធានីភ្នំពេញ បានរៀបចំពិធីសែនអបអរសាទរ ថ្ងៃចូលឆ្នាំចិនជួបជុំក្រុមគ្រួសារ យ៉ាងសប្បាយរីករាយ។ ទន្ទឹមនឹងនោះ ក៏មានមន្រ្តីរាជការមួយចំនួនធំ បានចូលរួមអបអរសាទរ ទាំងនៅតាមក្រសួង មន្ទីរ និងនៅតាមគេហដ្ឋានផងដែរ។»

លោកនាយករដ្ឋមន្ត្រី បានបន្តថា៖

«មិនថាតែពិធីបុណ្យចូលឆ្នាំចិនទេ គឺរាល់នូវពិធីបុណ្យទំនៀមទម្លាប់ប្រពៃណី និងពិធីសាសនាសំខាន់ៗនានា របស់បងប្អូនជនជាតិភាគតិច គឺមានសិទ្ឋិសេរីភាពពេញលេញក្នុងការប្រតិបត្តិទៅតាមជំនឿ និងការជ្រើសរើសរបស់ខ្លួន ដោយគ្មានការរើសអើង ហើយក៏ទទួលបាននូវការគាំទ្រ និងលើកទឹកចិត្ត ពីរាជរដ្ឋាភិបាលផងដែរ។»

ប៉ុន្តែការរៀបចំ​ពិធីសែន​«ចូលឆ្នាំចិន ក្នុងក្រសួងមន្ទីររបស់រដ្ឋ»​​នៃប្រទេសកម្ពុជា ដែលគ្មានពិធីសែន​ចូលឆ្នាំ​របៀបនេះ នៅក្នុងទំនៀមទម្លាប់ប្រពៃណីរបស់ខ្លួន បានរងការរិះគន់ខ្លាំងក្លា ពីសាធារណជនទូទៅ ជាពិសេស​ពីសំណាក់​អ្នកប្រើប្រាស់​បណ្ដាញសង្គម។

លិខិតចុះហត្ថលេខាដោយលោក ឡុង សោភ័ណ្ឌ (អគ្គនាយករងកិច្ចការទូទៅ) នៅថ្ងៃទី៣០ ខែមករា ឆ្នាំ២០១៩ ដែលបែកធ្លាយមកដល់ដៃអ្នកសារព័ត៌មាន កាលពីម្សិលម៉ិញ បានបញ្ជាក់ថា ក្រសួងឧស្សាហកម្ម និងសប្បកម្ម បានអញ្ជើញមន្ត្រីក្រសួងទាំងអស់ រាប់ចាប់ពីថ្នាក់រដ្ឋលេខាធិការ រហូតមកដល់មន្ត្រីរាជការធម្មតា ឲ្យស្លៀកពាក់សមរម្យ ដើម្បីចូលរួមពិធីសែនចូលឆ្នាំចិ​ន នៅទីស្តីការក្រសួងនាព្រឹកថ្ងៃទី៤ ខែ​កុម្ភៈឆ្នាំ២០១៩នេះ ក្រោមអធិបតីភាពរដ្ឋមន្រ្តី​ក្រសួងឧស្សាហកម្ម និងសិប្បកម្ម​ លោក ចម ប្រសិទ្ធ

លិខិតនោះ ត្រូវបានអ្នកនាំពាក្យក្រសួងទទួលស្គាល់ថា ជាកំហុសផ្នែករដ្ឋបាលរបស់ក្រសួង និងបដិសេធតាមសារព័ត៌មាន​ក្នុងស្រុកថា គ្មានពិធីសែនចូលឆ្នាំចិននោះទេ តែគ្រាន់តែជាពិធី«អុចធូបទៀន ក្នុងថ្ងៃសីលធម្មតា»ប៉ុណ្ណោះ។

ប្រភពក្រៅផ្លូវការមួយ បានអះអាងថា នៅក្នុងអំឡុងពេល នៃការជួបជុំគ្នានោះ ក្រុមមន្ត្រីអន្ទ្រើសៗនៅក្នុងក្រសួងឧស្សាហកម្ម និងសិប្បកម្ម បាននាំមកនូវ«អាំងប៉ាវដ៏ធំៗ» សម្រាប់ចែកជូនលោករដ្ឋមន្ត្រី ចម ប្រសិទ្ធិ នោះផង។ ប៉ុន្តែព័ត៌មាននេះ មិនមានការបញ្ជាក់ពីមន្ត្រីក្រសួងនោះទេ។

យ៉ាងណា រលកនៃការរិះគន់​ចំពោះទង្វើរបស់ក្រសួងរដ្ឋមួយនេះ បានផ្ទុះឡើងយ៉ាងខ្លាំង រួចជាស្រេចហើយ។ សូមតាមដានការដកស្រង់ នូវការរិះគន់ទាំងនោះមួយចំនួន ដូចខាងក្រោម៖

ទម្លាប់​អាក្រក់​របស់មន្ត្រី​ខ្លះនៅតែមិនចេះកែកំហុសខ្លួនឯង​ រឿងអាស្រូវបែកធ្លាយនៅ​ក្រសួង​ឧស្សាហកម្ម​ និង​ សិប្បកម្ម​…

Gepostet von Vannak Pheng am Montag, 4. Februar 2019

#ដល់ម្លឹងផង?៖ តាមរយៈលខិលិតនេះគឺថា ចម ប្រសិទ្ធ ហៅមន្រ្តីមានមុខមាត់ក្នុងក្រសួងរបស់ខ្លួន ទៅចូលរួមពិធីចូលឆ្នាំចិន…

Gepostet von Nokor Koktlork ម៉ែន ណាត am Montag, 4. Februar 2019

ចុម! ឯកឧត្តមរដ្ឋមន្ត្រី​ ហៅតែគ្នាគាត់មួយក្រសួង​ ទៅសែនចិនយួន​ អត់ហៅរាស្រ្តដូចខ្ញុំផង 😩😎😒 ចិត្តដាច់ម៉្លេះមេ​ អាងតែគ្នាក្រ​ 🙏🏻🇰🇭 #កាលនៅក្រចៅខ្មែរ #ដល់ពេលឡេីងថៅកែចៅចិន​ 😆#ចំហពេកហេីយទានម្ចាស់!

Gepostet von អាចារ្យធំ នគររាជ am Montag, 4. Februar 2019

តើលិខិតនេះពិតទេ? បើពិត:ខ្ញុំមិនរើសអើង ឬប្រឆាំងចំពោះការប្រតិបត្តិសាសនាដទៃទេ ប៉ុន្តែវាហាក់ចជ្រុលហួសហេតុពេកហើយ ដែលគេរចេញលិខិតផ្លូវការកោះហៅមនុស្សចូលរួមពិធីសែនចូលឆ្នាំចិន ដោយរដ្ឋមន្រ្តីខ្មែរម្នាក់៕

Gepostet von Chantha Muth am Montag, 4. Februar 2019


លំអិតបន្ថែមទៀត

កម្ពុជា

អ្នកវិភាគ៖ ការវិវត្ត ដែលបង្ហាញពី«ផ្ដាច់ការនិយម​ក្រោមឆ័ត្រអភិវឌ្ឍន៍»

ការវិវត្តយ៉ាងតិច៧ចំណុច ដែល«មិនដែលមានពីមុន» បានបង្ហាញពីទំនោរនៃការដឹកនាំ បែប«ផ្ដាច់ការនិយម​ក្រោមឆ័ត្រអភិវឌ្ឍន៍»។ នេះ ជាការលើកឡើងរបស់អ្នកវិភាគចាស់វស្សា លោកបណ្ឌិត ឡៅ ម៉ុងហៃ។ គេតែងឮរដ្ឋាភិបាលកម្ពុជា រួមនឹងអ្នកគាំទ្រផង បានលើកឡើងមិនដាច់មាត់ អំពី«សន្តិភាព ...
កម្ពុជា

ហ៊ុន សែន បញ្ជា​ឲ្យប្ដូរ​លក្ខខណ្ឌ​«ឫកធំ» សម្រាប់​អ្នកដំណើរ​បរទេស

បន្ទាប់ពីការចុះផ្សាយ របស់សារព័ត៌មានបរទេស ដែលអះអាងថា «កម្ពុជាតូចតែ ឫកធំ» នោះមក លោកនាយករដ្ឋមន្ត្រី លោក ហ៊ុន សែន បានប្រាប់​ទៅស្ថាប័ន​ពាក់​ព័ន្ធ​ នៅ​ដើមសប្ដាហ៍នេះ ឲ្យប្ដូរលក្ខខណ្ឌ​«ឫកធំ»ទាំងនោះ ...
កម្ពុជា

អត្ថបទ​ច្បាប់​«HR 526»​​ដាក់​​​ទណ្ឌកម្ម​​មន្ត្រី​​កម្ពុជា ឡើង​ដល់​ព្រឹទ្ធសភា​អាមេរិក

សេចក្ដីព្រាងច្បាប់ «HR 526» ដែលត្រូវបានសភាតំណាងរាស្ត្រ នៃសហរដ្ឋអាមេរិកអនុម័តដោយគ្មានសំឡេងជំទាស់ កាលពីរសៀលថ្ងៃទី១៥ ខែកក្កដា (ត្រូវនឹងព្រឹក ថ្ងៃអង្គារ ថ្ងៃទី១៦ ខែកក្កដា ម៉ោងនៅកម្ពុជា) នោះ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...