កម្ពុជាដំណឹង

ហ៊ុន សែន អបអរ​ថ្ងៃចូល​«រ៉ាម៉ាឌន» តែ​ទុក​ខ្មែរឥស្លាម​ច្រើននាក់​នៅ​ក្រៅ​ស្រុក

នាយករដ្ឋមន្ត្រីកម្ពុជា លោក ហ៊ុន សែន បានថ្លែងអបអរសាទរ និងជូនពរថ្ងៃចូល នៃខែបួស​របស់សាសនិកឥស្លាម ដែលហៅតាមពាក្យអារ៉ាប់​«រ៉ាម៉ាឌន (Ramadan)»។ លោកបាននិយាយ​ពាក្យពេជន៍​មួយចំនួនទៀត ដើម្បីអ្វីមួយ ដែលលោកហៅថា «សូមអធ្យាស្រ័យ​សុំការយោគយល់»​ពី«បងប្អូនសាសនិកខ្មែរឥស្លាម» តែបុរសខ្លាំងរូបនេះ ទំនងភ្លេចថា រូបលោកបានហាមចូល​មកកាន់មាតុភូមិវិញ នូវពលរដ្ឋខ្មែរយ៉ាងហោច​១៥០នាក់ ក្នុងនោះ​មួយភាគធំ​ជាសាសនិកខ្មែរឥស្លាម ពីប្រទេសម៉ាឡេស៊ី។

ភាសាអបអរសាទរ របស់មេដឹកនាំកម្ពុជា បានធ្វើឡើងនៅល្ងាចថ្ងៃព្រហស្បត្តិ ទី២៣ ខែមេសា ពោលគឺនៅមុនមួយថ្ងៃ នៃថ្ងៃចូលខែបួស ដែលត្រូវនឹងថ្ងៃសុក្រ ទី២៤ ខែមេសា ឆ្នាំ២០២០។ លោកបានសរសេរ នៅលើទំព័រហ្វេសប៊ុក របស់លោកថា៖

«សូមអបអរសាទរ​និងសូម​ជូន​នូវពរជ័យ សិរីសួស្ដី សុភមង្គល បវរមហាប្រសើរ ជូនដល់​បងប្អូនសាសនិក​ខ្មែរឥស្លាមកម្ពុជា ក្នុងនិងក្រៅប្រទេស រួមទាំងបងប្អូន​សាសនិក​ឥស្លាម នៅទូទាំងពិភពលោកផងដែរ ដែលបានចូលបួស​ខែ​រ៉ាម៉ាឌន ដែលនៅកម្ពុជា នឹងចាប់ផ្ដើម​នៅថ្ងៃសុក្រ​ទី១ ខែរ៉ម៉ាឌន ឆ្នាំ១៤៤១​មូហាំម៉ាត់សករាជ ត្រូវនឹងថ្ងៃទី៣កើត ខែពិសាខ ឆ្នាំជូត​ទោស័ក ព.ស.២៥៦៣ ដែលត្រូវនឹងថ្ងៃទី២៤ ខែមេសា ឆ្នាំ២០២០។»

នាយករដ្ឋមន្ត្រី ដែលកាន់អំណាចជាង៣៥ឆ្នាំ បានឆ្លៀតឱកាសនេះ ដើម្បីអួតអាង ពី​«សន្តិភាព» និងថ្លែងអំណរគុណ ចំពោះសាសនិកខ្មែរឥស្លាម ដែល«មានជំនឿជឿជាក់» លើការដឹកនាំ​របស់លោក និងរបស់គណបក្សប្រជាជនកម្ពុជា។

បន្ទាប់មក លោកបានសរសេរថា៖

«ជាមួយគ្នានេះ ខ្ញុំក៏សូមអធ្យាស្រ័យ សុំការយោគយល់ ពីបងប្អូនសាសនិកខ្មែរឥស្លាម ដែល​ត្រូវលុប​កម្មវិធីជួបជុំស្រាយបួស រ៉ាម៉ាឌន ថ្នាក់ជាតិលើកទី៧ ដែលបានគ្រោង[ធ្វើ នៅ]ថ្ងៃទី២៩ ខែ មេសា ២០២០ ការផ្អាកការថ្វាយបង្គំ នៅតាមវិហារ​ ស៊ូរ៉ាវ​ ការជួបជុំ​លក្ខណៈ​សាសនា និងសុំបន្កការអនុវត្ត តាមសារាចរណែនាំ ពីវិធីបង្ការ​ទប់ស្កាត់​ជំងឺ​កូវីដ-១៩ ក៏ដូចជា​សេចក្តីណែនាំ របស់ចាងហ្វាង នៃគណៈដឹកនាំជាន់ខ្ពស់ នៃសាសនា ឥស្លាមកម្ពុជា ទៅតាម​គោលការណ៍​របស់រាជរដ្ឋាភិបាល។»

ប៉ុន្តែការថ្លែងពាក្យ​«ល្អៗ»​របស់លោក ហ៊ុន សែន បានក្លាយជាមន្ទិល ចំពោះទង្វើរបស់​លោក ដែលបានសម្រេច​យ៉ាងតក់ក្រហល់ កាលពីថ្ងៃទី៧ ខែមេសា ឆ្នាំ២០២០ បិទ​ទឹកដី​មាតុភូមិ មិនឲ្យពលរដ្ឋខ្មែរ​មិនតិចជាង​១៥០នាក់ វិលត្រឡប់ពីប្រទេសម៉ាឡេស៊ីវិញ ក្រោម​ហេតុផល​​«ខ្លាចនាំជំងឺ Covid-19 ចូលកម្ពុជា»។ ពលរដ្ឋទាំងនោះ ដែលភាគច្រើន​ជា​សាសនិក​ខ្មែរឥស្លាម​​បាន​ស្រែកទ្រហោយំ បន្ទាប់ពីបានដឹង​​នូវការសម្រេច​ចិត្ត របស់​នាយករដ្ឋ​មន្ត្រី​កម្ពុជា។

ពលរដ្ឋខ្លះបានលើកឡើង ពីបំណងចូលបួស«រ៉ាម៉ាឌន»នេះ នៅក្នុងប្រទេសកម្ពុជា ជាមួយ​នឹងក្រុមគ្រួសាររបស់ពួកគេ។ សូមទស្សនាការរៀបរាប់ របស់សាសនិកខ្មែរឥស្លាម​ទាំងនោះ តាមរយៈ​វីដេអូ​ដូច​ខាងក្រោម៖

Gepostet von Soem Sophea am Montag, 6. April 2020

Kuala Lumpur AirPort

Gepostet von Sleh Sabri am Montag, 6. April 2020


You may also like

កម្ពុជា

COvid-19៖ ហ៊ុន សែន បញ្ជាឲ្យបិទការធ្វើដំណើរ​ឆ្លង​ ខេត្ត-​ក្រុង-​រាជធានី

នៅមិនដល់ប៉ុន្មានម៉ោងទៀតទេ ការដំណើរឆ្លង ខេត្ត-​ក្រុង-​រាជធានី នឹងត្រូវផ្អាក រហូតដល់យប់​ថ្ងៃទី១៦ ខែមេសា ឆ្នាំ២០២០ ខាងមុខ។ នេះ បើតាមបញ្ជា«បន្ទាន់»មួយ របស់លោក ហ៊ុន សែន ...
កម្ពុជា

Covid-19៖ ហ៊ុន សែន ចាត់តាំង​ឲ្យ​សមាជិកបក្ស​«CPP»​ចុះចែក​អំណោយ

នាយករដ្ឋមន្ត្រីដ៏ចាស់វស្សា និងជាប្រធានគណបក្សកាន់អំណាច នៅកម្ពុជា លោក ហ៊ុន សែន បានចាត់តាំងមន្ត្រី និងសមាជិកគណបក្ស «CPP» របស់លោក ឲ្យចុះចែកអំណោយ ទៅដល់ប្រជាពលរដ្ឋក្រីក្រ នៅទូទាំងប្រទេស។ ...
កម្ពុជា

សម រង្ស៊ី ប្រាប់​រដ្ឋាភិបាល​បរទេស​ថា ​តុលាការ​នៅ​ភ្នំពេញ​ជា​«អាយ៉ង»

មេដឹកនាំប្រឆាំងរបស់កម្ពុជា លោក សម រង្ស៊ី បានសរសេរលិខិតមួយ នៅថ្ងៃនេះ ទៅកាន់រដ្ឋាភិបាល នៃបណ្ដាប្រទេសនានា ដើម្បីប្រាប់ឲ្យប្រទេសទាំងនោះ កុំយកចិត្តដាក់ចំពោះដីកាឲ្យចាប់ខ្លួន ដែលចេញកាលពីដើមខែមិនា ដោយតុលាការរាជធានី ប្រឆាំងមេដឹកនាំប្រឆាំង ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...