កម្ពុជាដំណឹង

ហ៊ុន សែន៖ កម្ពុជា-ចិន ជាដៃគូ​យុទ្ធសាស្ត្រ​គ្រប់​ជ្រុងជ្រោយ

នាយករដ្ឋមន្ត្រីកម្ពុជា លោក ហ៊ុន សែន បានបង្ហាញការគាំទ្រជាថ្មីទៀត ចំពោះនយោបាយ នៃមហាយក្សកុម្មនីស្ដិ៍ចិន ដែលបានចាត់ទុកទំនាក់ទំនង «កម្ពុជា-ចិន» ថាជា«ដៃគូយុទ្ធសាស្ត្រគ្រប់ជ្រុងជ្រោយ» និងជា«មិត្តដែកថែប» ដែលស្ថិតស្ថេររឹងមាំ ជាដរាប។

នាយករដ្ឋមន្ត្រីកម្ពុជា បានលើកឡើងដូច្នេះ នៅក្នុងជំនួបមួយ ជាមួយលោក «Qin Yizhi» អនុរដ្ឋមន្ត្រីចិន ទទួលបន្ទុករដ្ឋបាល និងបទបញ្ជតិទីផ្សារ កាលពីព្រឹកថ្ងៃអង្គារ ទី២៣ ខែមេសា ឆ្នាំ២០១៩នេះ ក្នុងវិមានសន្តិភាព រាជធានីភ្នំពេញ។

នៅចំពោះមន្ត្រីថ្នាក់ទាបមួយរូប នៃរដ្ឋាភិបាលចិនប្រជាមានិត លោក ហ៊ុន សែន បានថ្លែងអំណរគុណប្រទេសចិន ដែលបានជួយកម្ពុជា ឲ្យរីកចម្រើនមកដល់សព្វថ្ងៃ និងបានលើកទឹកចិត្ត ដល់វិនិយោគគិនចិន ឲ្យបន្តការវិនិយោគ ជាមួយនឹងជំនឿទុកចិត្តខ្ពស់ មកលើការដឹកនាំរបស់លោក។

លោក ហ៊ុន សែន បានថ្លែងទៀតថា លោកគាំទ្រនូវការចង្អុលបង្ហាញ របស់លោកប្រធានាធិបតីចិន ស៊ី ជីនពីង (Xi JinPing) ដែលបានចាត់ទុកទំនាក់ទំនង រវាងគ្នានៃកម្ពុជា-ចិន ជាដៃគូយុទ្ឋសាស្រ្តគ្រប់ជ្រុងជ្រោយ និងជាមិត្តដែកថែប ដែលស្ថិតស្ថេររឹងមាំជាដរាប។

ការថ្លែងរបស់នាយករដ្ឋមន្ត្រីកម្ពុជា ធ្វើឡើងប៉ុន្មានថ្ងៃ មុនដំណើរទស្សនកិច្ចរបស់លោក ទៅកាន់រដ្ឋធានីប៉េកាំង ដើម្បីចូលរួមកិច្ចប្រជុំ ផ្លូវមួយខ្សែក្រវ៉ាត់មួយ ដែលនឹងប្រព្រឹត្តិទៅ ចាប់ពីថ្ងៃទី២៥ ដល់ថ្ងៃទី២៩ ខែមេសា ខាងមុខ។ នៅក្នុងដំណើរ ទៅកាន់ប្រទេស​ចិននេះ លោក ហ៊ុន សែន បានអះអាងថា លោកនឹងគ្រោង ជួបលោកប្រធានាធិបតី ស៊ី ជីនពីង និងលោកនាយករដ្ឋមន្រ្តី លី ឃឺជាំង នៃប្រទេសចិននោះផង។

សម្រាប់អនុរដ្ឋមន្ត្រីចិនវិញ បានលើកឡើងចំពោះលោក ហ៊ុន សែន អំពីទំនាក់ទំនងកម្ពុជា-ចិន ដែលលោកអះអាងថា មានតាំងពីជាង២០០០ឆ្នាំមុន។ លោក «Qin Yizhi» ថា ក្នុងពេលបច្ចុប្បន្នេះ កម្ពុជា-ចិន កំពុងតែសប្បាយរីករាយ និងទទួលបានផ្លែផ្កាយ៉ាងល្អប្រសើរ អំពីទំនាក់នងដូចជាបងប្អូន ដែលកំពុងរីកចម្រើន ដុះដាលពីមួយឆ្នាំ ទៅមួយឆ្នាំ៕



You may also like

កម្ពុជា

ហ៊ុន សែន ព្រមាន​ចាប់ខ្លួន​ អំ សំអាត មន្ត្រី​ការពារ​សិទ្ធិមនុស្ស​

លោក ហ៊ុន សែន នាយករដ្ឋមន្ត្រី ដែលអង្គុយក្នុងតំណែង តាំងពីជាង៣៥ឆ្នាំ របស់ប្រទេសកម្ពុជា បានព្រមានចាប់ខ្លួនលោក អំ សំអាត មន្ត្រីជាន់ខ្ពស់មួយរូប របស់អង្គការ លីកាដូ ...
កម្ពុជា

ចិន​មិនឆ្លើយ​តប​សំនួរ ថា​ខ្លួន​បដិសេធ​«កិច្ចព្រមព្រៀង​សម្ងាត់»​ជាមួយ​​កម្ពុជា

ប្រសិនបើក្រុងភ្នំពេញ បានបដិសេធយ៉ាងដាច់អហង្កា អំពីព័ត៌មាន ដែលអះអាងថា ខ្លួនបានចុះ«កិច្ចព្រមព្រៀង​សម្ងាត់» ជាមួយប្រទេសចិន ដើម្បីអនុញ្ញាតឲ្យចិនប្រើមូលដ្ឋានទ័ពជើងទឹក នៅខេត្តព្រះសីហនុនោះ រដ្ឋាភិបាលក្រុងប៉េកាំងឯណោះ បានបដិសេធ មិនឆ្លើយនឹងសំនួរ ដែលចង់ដឹងថា តើចិនច្រានចោលព័ត៌មាននេះ ...
កម្ពុជា

នៅពេល សួន សេរីរដ្ឋា និយាយពី​«ឆ្កែពីរក្បាល»ដណ្ដើមឆ្អឹងគ្នា…

លោក សួន សេរីរដ្ឋា ដែលគេស្គាល់ថា ជាអ្នកនយោបាយសំដីថ្លោស បានលើកឡើង​នៅ​ថ្ងៃ​នេះ អំពី«ឆ្កែពីរក្បាល» ដែលត្រូវបានគេដាក់ ឲ្យ«ស៊ីបាយក្នុងចានតែមួយ» ឬគេបោះ​ឆ្អឹង​ឲ្យមួយដុំ។ បើទោះជាលោក សេរីរដ្ឋា មិននិយាយឲ្យចំឈ្មោះ ...

Comments are closed.

កម្ពុជា

ហ៊ុន សែន ​ឲ្យប្រើ​វ៉ាក់សាំង«​ចិន» ទោះគ្មាន​ការទទួលស្គាល់​ពី«WHO»

កម្ពុជា

អ្នកជំនាញ អ.ស.ប ស្នើជាថ្មី​ឲ្យកម្ពុជា​គោរពសិទ្ធិ​ ជនជាប់ចោទ​ទាំង​​៦០នាក់

ការជំនុំជម្រះក្ដី​លើ ជនជាប់ចោទ​ទាំង​​៦០នាក់ ដែលនឹងត្រូវធ្វើឡើង ក្នុងថ្ងៃតែមួយ នៅថ្ងៃទី១៤ ខែមករា ឆ្នាំ២០២១ខាងមុខ នឹងធ្វើឲ្យ​«សិទ្ធិបុគ្គល​របស់ពួកគេ ក្នុងការទទួលបាន​ការជំនុំជម្រះក្តី ប្រកបដោយយុត្តិធម៌ ត្រូវប្រឈមនឹងហានិភ័យ»។ នេះ ជាការអះអាងឡើង ...
កម្ពុជា

ហ៊ុន សែន ថា«ពាក់ម៉ាស់»ពេលជួបចៅ ដើម្បីការពារ​សុខភាពពួកគេ

មេដឹកនាំដ៏ចាស់វស្សា​នៅកម្ពុជា លោក ហ៊ុន សែន បានលើកឡើង នៅថ្ងៃនេះ ថាលោក បាន«ពាក់ម៉ាស់»​ នៅពេលលោកមកលេង ចៅទី២២ម្នាក់ ដែលទើបកើត​កាលពីសប្ដាហ៍មុន ដើម្បីការពារ​សុខភាព ចៅៗទាំងឡាយរបស់លោក។ ...