កម្ពុជាដំណឹង

ខ្មែរនៅអ៊ឺរ៉ុបគ្រោង«ធ្វើបាតុកម្មជាថ្មី» ម្ដងនេះនៅមុខ​ក្រសួងការបរទេសបារាំង

នៅថ្ងៃសុក្រ ទី២២ ខែកុម្ភៈ ឆ្នាំ២០១៩ខាងមុខ សហគមន៍ខ្មែរនៅក្នុងប្រទេសបារាំង និងអឺរុប នឹងគ្រោងប្រមូលគ្នាដើម្បី ធ្វើបាតុកម្មជាថ្មី នៅក្នុងរដ្ឋធានីប៉ារីស ប្រទេសបារាំង។

ខុសពីកន្លងមក ដែលបាតុកម្មរបស់បណ្ដាជនខ្មែរ តែងត្រូវបានរៀបចំធ្វើ នៅលើទីលានត្រូកាដេរ៉ូ បាតុកម្មថ្ងៃទី២២ ខែកុម្ភៈនេះ នឹងត្រូវរៀបចំធ្វើ នៅខាងមុខក្រសួងការបរទេសបារាំង ដែលមានអាស័យដ្ឋាន «37 Quai D’Orsay 75007 Paris»។

ក្រុមអ្នករៀបចំបាតុកម្ម បានអះអាងថា ក្រុមបាតុករនឹងធ្វើការជួបជុំគ្នា ចាប់ពីម៉ោង ១១ ដល់ម៉ោង ១៧ ល្ងាច ដើម្បីទាមទារឱ្យម្ចាស់ប្រទេសហត្ថលេខី ទាំង១៨ ជាពិសេសប្រទេសបារាំង [ដែលជាសហប្រធានសន្និសីទ] នៃកិច្ចព្រមព្រៀងសន្តិភាពក្រុងប៉ារីស ថ្ងៃ២៣ ខែតុលា ឆ្នាំ១៩៩១ ត្រូវដាក់សម្ពាធបន្ថែមទៀត ទៅលើរបបដឹកនាំរបស់លោកនាយករដ្ឋមន្ត្រី ហ៊ុន សែន

អ្នករៀបចំបាតុកម្មម្នាក់ ពីចំណោមអ្នករៀបចំបាតុកម្មផ្សេងទៀត កញ្ញា លឹម កណ្ណិកា បានឲ្យដឹងថា៖

«ប្រទេសបារាំងបានប្រកាស ទទួលស្គាល់មេដឹកនាំប្រឆាំង នៃប្រទេសវេណេស៊ុយអេឡា ជាប្រធានាធិបតីស្ដីទីនៃប្រទេសនេះ។ ចុះចំពោះប្រទេសកម្ពុជាវិញ ប្រទេសបារាំងមានជំហរបែបណា?»

ការ«ធ្វើបាតុកម្មជាថ្មី» នៅខាងមុខក្រសួងការបរទេសនេះ ជាឱកាសដើម្បីឲ្យក្រុមបាតុករ ធ្វើការទាមទារឲ្យមានការគោរពកិច្ចព្រមព្រៀងសន្តិភាពក្រុងប៉ារីសនេះ ឲ្យបានខ្ជាប់ខ្ជួន និងបន្តស្នើឲ្យសហភាពអឺរុប ទាមទារលក្ខខណ្ឌ ៥ចំណុច ពីរបបក្រុងភ្នំពេញ ដើម្បីបញ្ចៀសទណ្ឌកម្ម នៃការព្យួរប្រព័ន្ធអនុគ្រោះពន្ធ របស់សហភាពអ៊ឺរ៉ុប «EBA»។

យ៉ាងណា រដ្ឋាភិបាលកម្ពុជា ធ្លាប់បានបង្ហាញជំហរ ក្នុងពេលកន្លងមកថា ខ្លួនមិនបានខ្វល់ខ្វាយ ពីបាតុកម្មរបស់បណ្ដាជនខ្មែរ នៅក្រៅស្រុកទេ ដោយចាត់ទុកបាតុកម្មរបស់ពួកគេទាំងនោះ គ្រាន់តែជាការបញ្ចេញមតិ របស់មនុស្សប៉ុន្មាននាក់ ដែលគ្មានទម្ងន់អ្វី សម្រាប់រដ្ឋាភិបាល ឬប្រទេសកម្ពុជានោះឡើយ៕



លំអិតបន្ថែមទៀត

កម្ពុជា

ហ៊ុន សែន ពន្យល់​ពីខួប​ទី៥០ នៃថ្ងៃខែឆ្នាំ​កំណើត​«មិនពិត»​របស់លោក

ថ្ងៃខែឆ្នាំកំណើត «មិនពិត» របស់លោក ហ៊ុន សែន មិនមែនជារឿងថ្មីទេ ព្រោះវាត្រូវបាននាយករដ្ឋមន្ត្រីរូបនេះ លើកឡើងដដែលៗ សឹងជារៀងរាល់ឆ្នាំ។ តែប្លែកនៅត្រង់ថា ឆ្នាំថ្មី ឆ្នាំ២០២០ បុរសខ្លាំងកម្ពុជា ...
កម្ពុជា

ហ៊ុន សែន ថារូបលោកនៅខ្លាំងពូកែ ដូច​យុវជន​អាយុ​២៥ឆ្នាំ

នាយករដ្ឋមន្ត្រីបីទសវត្សន៍ជាង របស់ប្រទេសកម្ពុជា បានលើកឡើងក្នុងន័យធៀបថា លោកនៅខ្លាំងពូកែ ដូច​យុវជន​អាយុ​២៥ឆ្នាំ ដោយនៅលេងកីឡា វាយកូនគោលបាន។ ប៉ុន្តែទន្ទឹមនឹងការប្រៀបធៀបនេះ បុរសខ្លាំងវ័យ៦៦ឆ្នាំរូបនេះ បានរំលឹកខ្លួនលោក ទាំងមិនដាច់ស្នូរថា លោកត្រូវធ្វើកីឡាឲ្យបានច្រើន ដើម្បីកុំឲ្យលោកឡើងទម្ងន់ ...
កម្ពុជា

សម រង្ស៊ី ប្រាប់ ស ខេង ដែល​ត្រៀម​កម្លាំង​រួច ឲ្យ​កម្ចាត់ ហ៊ុន សែន មុន

លោក សម រង្ស៊ី បានប្រកាសនៅថ្ងៃនេះ ឲ្យបុរសទីពីរនៃរបបក្រុងភ្នំពេញ គឺលោក ស ខេង ដែលមេដឹកនាំប្រឆាំងជឿថា បានត្រៀមកម្លាំងរួចជាស្រេចនោះ ឲ្យបើកប្រតិបត្តិការ​«វាយកម្ចាត់»​លោក ហ៊ុន សែន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម​​ រង្ស៊ី បង្កើតសមាគមការពារ​សិទ្ធិ នៃអតីត​អ្នកជំងឺ​កូវីដ-១៩

កម្ពុជា

ហ៊ុន សែន ថាខេត្តដែលកំហិត​ឲ្យធ្វើ​ចត្តាឡីស័ក ជា«ការបង្កើតរដ្ឋ​ក្នុងរដ្ឋ»

លោកនាយករដ្ឋមន្ត្រី ហ៊ុន សែន បានហៅការសម្រេច របស់អភិបាលខេត្តក្រុងមួយចំនួន ថាជា«ការបង្កើតរដ្ឋ​ក្នុងរដ្ឋ» ជុំវិញសេចក្ដីសម្រេច​របស់ពួកគេ ក្នុងការដាក់កំហិតឲ្យធ្វើចត្តាឡីស័ក សម្រាប់ពលរដ្ឋណាដែលធ្វើដំណើរឆ្លងខេត្ត។ បុរសខ្លាំងនៅកម្ពុជា បានបញ្ជាឲ្យមេដឹកនាំ នៅតាមខេត្តក្រុងទាំងនោះ ត្រូវធ្វើការផ្លាស់ប្ដូរ​សេចក្ដីសម្រេច​នោះ​ជាបន្ទាន់។ ...
កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...