របបដឹកនាំជាច្រើន ដែលល្បីល្បាញខាងការរំលោភសិទ្ធិមនុស្ស ក្នុងពិភពលោក ដូចយ៉ាងការដឹកនាំ​ក្នុងប្រទេសរ៉ុស្ស៊ី ភូមា ចិន វេណេស៊ុយអេឡា ប៊េឡារ៉ូ និងក្នុងប្រទេស​កម្ពុជា​ជាដើម នឹងរងទណ្ឌកម្មបន្ថែមទៀត និងយ៉ាងធ្ងន់ធ្ងរ ពីសំណាក់សហភាពអ៊ឺរ៉ុប «EU» បើទោះជាទណ្ឌកម្មទាំងនោះ ត្រូវគេមើលឃើញថា ទទួលបានការឆ្លើយតបជាវិជ្ជមាន ក្នុងទំហំដ៏តិចតួចក្ដី។

នេះបើតាមលទ្ធផល ដែលធ្លាយចេញពីកិច្ចប្រជុំ របស់ក្រុមប្រឹក្សាអ៊ឺរ៉ុប ចូលរួមដោយបណ្ដា​រដ្ឋមន្ត្រីការបរទេស មកពីប្រទេសសមាជិក​ទាំងអស់​នៃសហភាព កាលពីសប្ដាហ៍កន្លងមក។ ទណ្ឌកម្មចំទិសដៅ ដែលនឹងត្រូវដាក់បន្ថែមនោះ  នឹងចេញផ្សាយ​ជាសាធារណៈ ក្នុងជំនួបកំពូលអ៊ឺរ៉ុប ដែលគ្រោងប្រព្រឹត្តិទៅ នៅថ្ងៃទី២៥ – ២៦ ខែមីនា​ខាងមុខ។

ទណ្ឌកម្មរបស់សហភាពអ៊ឺរ៉ុប រួមមានការហាមឃាត់ ជាន់ទឹកដីអ៊ឺរ៉ុប (មិនផ្ដល់ទិដ្ឋការ) និងការបង្កកទ្រព្យសម្បត្តិ ទៅលើ​មេដឹកនាំ​ទាំងឡាយ ​នៅក្នុងបណ្ដាប្រទេសខាងលើ បូករួមទាំងសមាជិកគ្រួសារ របស់ពួកគេផង។

យ៉ាងណា ការដាក់ទណ្ឌកម្មទាំងនោះ ពិបាកទទួលបានការអនុម័ត ជាលក្ខណៈឯកច្ឆ័នពីសមាជិកទាំង២៧ របស់សហភាពអ៊ឺរ៉ុប ដោយហេតុថា សមាជិកមួយចំនួន បារម្ភពីការឆ្លើយតប ឬការសងសឹកវិញ ពីសំណាក់មហាប្រទេសធំៗ ដូចយ៉ាងប្រទេសរ៉ុស្ស៊ី និងប្រទេសចិនជាដើម។

EU ស្នើឲ្យកម្ពុជាផ្សះផ្សារជាតិ…

ប្រមុខការទូតអ៊ឺរ៉ុប លោក ចូហ្សេ បូរ៉ែល (Josep Borrell) បានប្រកាសកាលពីថ្ងៃសៅរ៍​សប្ដាហ៍មុនថា សហភាពអ៊ឺរ៉ុបនឹងចាត់វិធានការ «សមស្រប» ប្រឆាំងមេដឹកនាំរដ្ឋប្រហារ​នៅភូមា បន្ទាប់ពីទទួលបរាជ័យ ក្នុងការអំពាវនាវ​ឲ្យមេដឹកនាំយោធា  ត្រូវប្រគល់អំណាច​ឲ្យរដ្ឋាភិបាលស៊ីវិលវិញ។ ប៉ុន្តែគេមិនរំពឹងថា សហភាពអ៊ឺរ៉ុបនឹងព្យួរការវិនិយោគរបស់ខ្លួន​ នៅក្នុងប្រទេសភូមានោះទេ។

ប្រភពការទូតអ៊ឺរ៉ុបមួយ បានបង្ហើបដែរថា មេដឹកនាំក្នុងប្រទេសវេណេហ្ស៊ុយអេឡា ប្រមាណជា៣០នាក់ និងសមាជិកគ្រួសាររបស់ពួកគេ នឹងទទួលរងទណ្ឌកម្មថ្មីបន្ថែម នៅក្នុងពេលដូចគ្នានេះ ខណៈទណ្ឌកម្មមួយចំនួនទៀត កំពុងស្ថិតក្រោមការពិភាក្សា ដើម្បីឆ្លើយតប​នឹងការបង្ក្រាប ទៅលើបាតុកម្មនិយមប្រជាធិបតេយ្យ នៅក្នុងក្រុងហុងកុង។

សម្រាប់ប្រទេសកម្ពុជាវិញ សហភាពអ៊ឺរ៉ុបបានទាមទារជាថ្មី ឲ្យរបបដឹកនាំ​របស់លោកនាយករដ្ឋមន្ត្រី ហ៊ុន សែន ងាកមកដំណើរការ​ផ្សះផ្សា​ជាតិ​ឡើងវិញ​ ក្នុងពេលដែលតុលាការ នៅក្នុងប្រទេសបានចេញសាលក្រមជាបន្តបន្ទាប់ ផ្ដន្ទាទោសក្រុមមន្ត្រីគណបក្សប្រឆាំង ឲ្យជាប់​ពន្ធនាគារ​ជាច្រើនឆ្នាំ ពីបទចោទដែលតុលាការហៅថា ជាការញុះញង់ ឬការចូលរួមក្នុងទង្វើក្បត់ជាតិ។

ទណ្ឌកម្មដំបូង ដែលសហភាពអ៊ឺរ៉ុបសម្រេចដាក់ ប្រឆាំងរបបដឹកនាំក្រុងភ្នំពេញ គឺការព្យួរប្រព័ន្ធអនុគ្រោះពន្ធ ហៅថា «EBA» ចំនួន២០% ទៅលើផលិតផល នាំចេញពីកម្ពុជា និងនាំចូលមកក្នុងលំហសេដ្ឋកិច្ច របស់សហភាពអ៊ឺរ៉ុប។ ក្នុងសារអេឡិចត្រូនិកមួយ ដែលមន្ត្រី​អ្នក​នាំពាក្យគណៈកម្មការអ៊ឺរ៉ុប បានឆ្លើយតបមកទស្សនាវដ្ដីមនោម្យ.អាំងហ្វូ កាលពីពេលកន្លងមក បានឲ្យដឹងថា កម្ពុជាត្រូវងាក​មកដើរលើវិថី នៃការគោរពសិទ្ធិមនុស្ស និងលទ្ធិប្រជាធិបតេយ្យ ដើម្បីទទួលបានប្រព័ន្ធអនុគ្រោះ​ពន្ធនោះទាំងអស់ឡើងវិញ៕



លំអិតបន្ថែមទៀត

ដំណឹង

ក្រុមប្រទេស​«G7»​ថ្កោលទោស​រ៉ុស្ស៊ី ក្នុងការផ្លោងគ្រាប់​ដាក់ផ្សារ​អ៊ុយក្រែន

មេដឹកនាំនៃក្រុមប្រទេស ដែលមានវិស័យឧស្សហកម្មជឿនលឿនជាងគេ ឬហៅថា «G7» បានរួមគ្នាថ្កោលទោសប្រទេសរ៉ុស្ស៊ី ជុំវិញព្រឹត្តិការណ៍ផ្លោងគ្រាប់ដាក់ផ្សារទំនើបមួយកន្លែង នៃក្រុង«Krementchouk» (ភាគកណ្ដាល) នៃប្រទេសអ៊ុយក្រែន បណ្ដាលឲ្យមានជនស៊ីវិលស្លាប់ យ៉ាងតិច១៦នាក់។ ក្រុមមេដឹកនាំ នៃប្រទេសមហាយក្សទាំង៧ ...
ដំណឹង

បារាំងបន្ត​ដាក់សម្ពាធ ខណៈ ត្រាំ ព្រមាន​បញ្ជូនទ័ព​ទៅ​វេណេស៊ុយអេឡា

បារាំងបន្ត​ដាក់សម្ពាធ ដោយបានរំឭកលោក នីកូឡា ម៉ាឌូរ៉ូ (Nicolas Maduro) ប្រធានាធិបតីវេណេស៊ុយអេឡា ក្នុងថ្ងៃអាទិត្យនេះ ជុំវិញឱសានវាទរបស់ខ្លួន ដែលបានដាក់ជាមួយប្រទេសជាច្រើន ក្នុងសហភាពអ៊ឺរ៉ុប កាលពីសប្ដាហ៍មុន។ សហរដ្ឋអាមេរិកវិញ ...
ដំណឹង

វៀតណាម​«លាង​ឈើ​កខ្វក់»​ពី​កម្ពុជា ដើម្បី​កំណើន​សេដ្ឋកិច្ច​ខ្លួន

ការ«លាង​ឈើ​កខ្វក់»លួចដឹកឈើដោយខុសច្បាប់ ចេញពីប្រទេសកម្ពុជា ទៅកាន់ប្រទេសវៀតណាម នៅតែមានជាបន្តនៅឡើយ និងមានចំនួនមិនតិចជាង ៣០ម៉ឺនម៉ែត្រគូបឡើយ។ នេះ បើតាមបានអានរបាយការណ៍មួយ របស់ «EIA» ទីភ្នាក់ងារស៊ើបអង្កេតអន្តរជាតិ ផ្នែកបរិស្ថានមួយ ដែលមានទីស្នាក់ការកណ្ដាលក្នុងរាជធានី ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...