ប្រធានាធិបតី​នៃប្រទេសអ៊ុយក្រែន លោក វ៉ូឡូឌីមៀរ ហ្សេឡេនស្គី (Volodymyr Zelensky) បន្តថ្លែង​ក្នុងរដ្ឋសភា​នៃប្រទេសធំៗ នៅបស្ចឹមលោក​ជាបន្តទៀត។ ក្នុងថ្ងៃអាទិត្យនេះ លោកនឹងថ្លែងតាមរយៈប្រព័ន្ធវីដេអូ នៅក្នុងរដ្ឋសភានៃប្រទេស អ៊ីស្ត្រាអែល មុននឹងបន្តធ្វើ​ដូចគ្នានេះ នៅថ្ងៃពុធសប្ដាហ៍ក្រោយ ក្នុងរដ្ខសភា​នៃប្រទេសបារាំង។

លោក «Richard Ferrand» ប្រធានារដ្ឋសភាបារាំង បានអះអាងពីការថ្លែង របស់ប្រធានាធិបតី​នៃប្រទេសអ៊ុយក្រែន ដោយនឹងត្រូវចាប់ផ្ដើមធ្វើ ពីម៉ោង៣រសៀល​ឡើងទៅ នៅថ្ងៃពុធទី២៣ ខែមីនា ឆ្នាំ២០២២ខាងមុខ។

សេចក្ដីប្រកាសព័ត៌មាន របស់ខុទ្ទកាល័យប្រធានរដ្ឋសភាបារាំង បានឲ្យដឹងថា៖

«ស្ថានភាពសង្គ្រាម ដែលវាយប្រហារ ទៅលើប្រជាជនអ៊ុយក្រែន បង្កភាពតក់ស្លុតជាខ្លាំង ដល់បណ្ដាប្រជាជាតិនានា នៅអ៊ឺរ៉ុប និងសភាតំណាងរាស្ត្រ​របស់ពួកគេ។»

សង្គ្រាមឈ្លានពានប្រទេសអ៊ុយក្រែន បានឈានមកដល់ថ្ងៃទី២៤ ហើយរាប់ពីថ្ងៃចាប់ផ្ដើម ថ្ងៃទី២៤ ខែកុម្ភៈ មកដល់នឹងថ្ងៃទី១៩ ខែមីនា ឆ្នាំ២០២២។

ប្រសិនជារដ្ឋធានីគៀវ និងទីក្រុងធំៗរបស់ប្រទេសអ៊ុយក្រែន ស្ថិតក្នុងការឡោមព័ន្ធ តែនៅមិនចាញ់មិនឈ្នះ នៅឡើយនោះ លោកប្រធានាធិបតី នៃប្រទេសអ៊ុយក្រែន បាននិងកំពុងធ្វើ​សង្គ្រាមការទូត នៅជុំវិញពិភពលោក ដោយស្វែងរកការគាំទ្រ ពីបណ្ដាប្រទេសនានា តាមរយៈការថ្លែង ទៅកាន់ប្រជាជាតិនានា នៅក្នុងរដ្ឋសភារបស់ពួកគេ។

កាលពីថ្ងៃទី១ ខែមីនា លោក ហ្សេឡេនស្គី បានថ្លែងរួចហើយ ក្នុងសភាអ៊ឺរ៉ុប នៅចំពោះតំណាងរាស្ត្រអ៊ឺរ៉ុប​ជាច្រើនរយនាក់។ បន្ទាប់មក លោកបានបន្តការថ្លែង នៅក្នុងរដ្ឋសភា​នៃចក្រភពអង់គ្លេស កាណាដា សហរដ្ឋអាមេរិក និងរដ្ឋសភា​នៃប្រទេសអាល្លឺម៉ង់៕



លំអិតបន្ថែមទៀត

ដំណឹង

«រន្ទះបាញ់»​បានធ្វើ​ឲ្យខូច​ប្រព័ន្ធបើកបរ​ដោយ​ស្វ័យប្រវត្តិ​របស់​យន្ដហោះ

ប្រព័ន្ធបើកបរដោយស្វ័យប្រវត្តិ លែងដំណើរការ និងបញ្ហាផ្នែកគ្រឿងម៉ាស៊ីនបើកបរ បង្កឡើងដោយ«រន្ទះបាញ់» គឺជាមូលហេតុដែលធ្វើឲ្យយន្ដហោះ ប្រភេទ«Soukhoï Superjet 100» ជួបគ្រោះថ្នាក់កាលពីដើមខែឧសភាកន្លងទៅនេះ ក្នុងរដ្ឋធានីម៉ូស្គូ។ នេះ បើតាមរបាយការណ៍របស់ក្រុមអ្នកស៊ើបអង្កេត ដែលត្រូវបានចេញផ្សាយ ...
ដំណឹង

សង្គ្រាម​នៅអ៊ុយក្រែន៖ EU ផ្អាកការផ្សាយរបស់ «ប្រព័ន្ធផ្សព្វផ្សាយ​រ៉ុស្ស៊ី​»

នៅថ្ងៃទី៤ នៃសង្គ្រាមឈ្លានពានប្រទេសអ៊ុយក្រែន ដោយកងទ័ពរ៉ូស្ស៊ី ប្រព័ន្ធផ្សព្វផ្សាយ​រ៉ុស្ស៊ី​ ឬ​ដែលស្និត​នឹងវិមានក្រឹមឡាំង ត្រូវបានសហភាពអ៊ឺរ៉ុប «EU» សម្រេចឲ្យផ្អាកការផ្សាយរបស់ខ្លួន នៅលើទឹកដីនៃសមាជិកទាំង២៧ប្រទេស​ របស់សហភាព។ បម្រាមនេះត្រូវបានប្រកាសឡើង ដោយអ្នកស្រី «Ursula ...
កម្ពុជា

មេដឹកនាំសភាអ៊ឺរ៉ុប ទាមទារឲ្យ​ស៊ើបអង្កេត​ករណី​ចាប់ពង្រត់ វ៉ាន់ឆាឡឺម

សភាសហភាពអ៊ឺរ៉ុប (EU Parl) ដែលមានទីតាំងនៅក្រុងស្ត្រាប៊ួរ (Strasbourg) ប្រទេសបារាំង បានស្នើឲ្យកម្ពុជា និងថៃ ត្រូវធ្វើការស៊ើបអង្កេត ឲ្យបានម៉ត់ចត់ និងជាបន្ទាន់ ចំពោះករណីលោក វ៉ាន់ឆាឡឺម ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.