កម្ពុជាដំណឹងអាស៊ី-ប៉ាស៊ីភិក

មេដឹកនាំសភាអ៊ឺរ៉ុប ទាមទារឲ្យ​ស៊ើបអង្កេត​ករណី​ចាប់ពង្រត់ វ៉ាន់ឆាឡឺម

សភាសហភាពអ៊ឺរ៉ុប (EU Parl) ដែលមានទីតាំងនៅក្រុងស្ត្រាប៊ួរ (Strasbourg) ប្រទេសបារាំង បានស្នើឲ្យកម្ពុជា និងថៃ ត្រូវធ្វើការស៊ើបអង្កេត ឲ្យបានម៉ត់ចត់ និងជាបន្ទាន់ ចំពោះករណីលោក វ៉ាន់ឆាឡឺម សាតស័ក្តិសិទ្ធ (Wanchalearm Satsaksit) សកម្មជននយោបាយថៃ ដែលត្រូវបានចាប់ពង្រត់ នៅខាងមុខលំនៅដ្ឋានរបស់លោក កណ្ដាលរាជធានីភ្នំពេញ កាលពីដើមខែកន្លងមក។

តាមរយៈសេចក្ដីថ្លែងការណ៍រួមមួយ ចុះថ្ងៃទី២៦ ខែមិថុនា ឆ្នាំ២០២០ មេដឹកនាំ​បីរូប របស់​សភាអ៊ឺរ៉ុប បានសំដែងការខ្វល់ខ្វាយ ចំពោះហេតុការណ៍នេះ និងចំពោះ​សេចក្ដី​រាយការណ៍ ដែលបានឲ្យដឹងថា មានការចាប់បញ្ជូនខ្លួន អ្នកនយោបាយប្រឆាំង រវាង​រដ្ឋាភិបាល និង​រដ្ឋាភិបាល នៅក្នុងតំបន់អាស៊ាន។

សេចក្ដីថ្លែងការណ៍បានសរសេរថា៖

«យើងសូមរំឭកថា ការចាប់ពង្រត់នេះ គឺជាការរំលោភយ៉ាងធ្ងន់ធ្ងរ ទៅលើអនុសញ្ញា អន្តរជាតិ សម្រាប់​ការពារ​មនុស្សទាំងអស់ ពីការបាត់ខ្លួនដោយបង្ខំ និង​កតិកាសញ្ញា​អន្តរជាតិ ស្តីពីសិទ្ធិពលរដ្ឋ និងសិទ្ធិនយោបាយ។ អាជ្ញាធរជាតិ ត្រូវតែធានាថា ឧក្រិដ្ឋកម្ម​បែបនេះ ត្រូវបានស៊ើបអង្កេត ប្រកបដោយប្រសិទ្ធភាព ហើយ​អ្នក​ដែលទទួលខុសត្រូវ ត្រូវបាន​នាំយកមកកាត់ទោស។»

ប្រភពជាច្រើន​បានអះអាងថា សកម្មជនប្រជាធិបតេយ្យថៃ លោក វ៉ាន់ឆាឡឺម សាតស័ក្តិសិទ្ធ បាននិរទេស​ខ្លួន មករស់នៅ​ក្នុង​ប្រទេស​កម្ពុជា តាំងពីឆ្នាំ២០១៤។ សាក្សីច្រើននាក់ដែល​ត្រូវបានស្រង់សំដី ដោយ​វិទ្យុ​សម្លេង​សហរដ្ឋអាមេរិក (VOA) បាន​អះអាងថា សកម្មជនរូបនេះ ត្រូវបានចាប់ពង្រត់ ពីខាងមុខ​អាគារ​ស្នាក់នៅរ​បស់លោក នៅវេលា​ម៉ោង​ប្រមាណ ជាង៥ល្ងាច ថ្ងៃ​ព្រហស្បត្តិ៍ ទី៤ ខែមិថុនា ឆ្នាំ២០២០ ដោយជន​បិទមុខ​មួយក្រុម ប្រដាប់ដោយអាវុធ។

សម្រាប់អាជ្ញាធរកម្ពុជា បានអះអាងថា លោក វ៉ាន់ឆាឡឺម សាតស័ក្តិសិទ្ធ មិនបានមកសុំ​ពន្យាពេល​ទិដ្ឋាការ តាំងពីឆ្នាំ២០១៧ និងបានបាត់ដំណឹង ពីពេលនោះរហូតមក។

ប៉ុន្តែក្រុមមេដឹកនាំសភា នៃសហភាពអ៊ឺរ៉ុប បានសំដែងក្ដីបារម្ភទៀតថា ការបាត់ខ្លួន​សកម្មជន​រូបនេះ ទំនងជាជាប់ទាក់ទង នឹងការផ្លាស់ប្ដូរអ្នកនយោបាយប្រឆាំង ដោយ​អាជ្ញាធរ​រដ្ឋាភិបាល នៅក្នុងសមាគមប្រជាជាតិអាស៊ាន។ ក្រុមមេដឹកនាំសភាអ៊ឺរ៉ុប​បាន​ព្រមាន​ឡើងថា៖

«វាជាការចាំបាច់ណាស់ ក្នុងគោរពគោលការណ៍ នៃការមិនបញ្ជូនជនភៀសខ្លួន ទៅកាន់​ប្រទេសដើមវិញ ដែលត្រូវបានការពារ ដោយច្បាប់អន្តរជាតិ។»

សេចក្ដីថ្លែងការណ៍ បានសង្កត់ធ្ងន់ទៀតថា៖

«យើងជំរុញឱ្យអាជ្ញាធរពាក់ព័ន្ធទាំងអស់ ត្រូវធានាថា សិទ្ធិរបស់បណ្ដាជនទាំងនោះ ដែលស្វែងរកទីជម្រក ដើម្បីភៀសខ្លួននៅក្រៅប្រទេស ត្រូវបានគោរព ហើយសុវត្ថិភាពរបស់ពួកគេ ត្រូវបានធានា។ សេរីភាពនៃការបញ្ចេញមតិ គឺជាផ្នែកសំខាន់មួយ នៃសិទ្ធិទាំងនេះ។ វារាប់បញ្ចូលទាំងសិទ្ធិ នៃការបញ្ចេញមតិដោយសន្តិវិធី របស់សម្លេងប្រឆាំងនោះផង។»

មេដឹកនាំសភាអ៊ឺរ៉ុបទាំង៣រូប រួមមាន៖

អ្នកស្រីតំណាងរាស្ត្រ «Heidi Hautala» មកពីប្រទេសហ្វាំងឡង់ អនុប្រធានសភាអ៊ឺរ៉ុប ទទួលបន្ទុកសិទ្ធិមនុស្ស លទ្ធិប្រជាធិបតេតយ្យ និងសហគមន៍ពានរង្វាន់ «Sakharov»។

អ្នកស្រីតំណាងរាស្ត្រ «Maria Arena» មកពីប្រទេសប៊ែលហ្សិក ប្រធានគណៈកម្មការ នៃសភាអ៊ឺរ៉ុប ទទួលបន្ទុក​សិទ្ធិមនុស្ស។

លោកតំណាងរាស្ត្រ «Daniel Caspary» មកពីប្រទេសអាល្លឺម៉ង់ ប្រធានគណៈប្រតិភូ​សភាអ៊ឺរ៉ុប ទទួលបន្ទុក​ទំនាក់ទំនង ជាមួយបណ្ដាប្រទេស នៅអាស៊ីប៉ែកអាគ្នេយ៍ និង​ជាមួយសមាគម​អាស៊ាន៕



លំអិតបន្ថែមទៀត

ដំណឹង

សង្គ្រាមនៅអ៊ុយក្រែន៖ ហ្សេឡេនស្គី បន្តថ្លែង​ក្នុងរដ្ឋសភា​នៃប្រទេសធំៗ

ប្រធានាធិបតី​នៃប្រទេសអ៊ុយក្រែន លោក វ៉ូឡូឌីមៀរ ហ្សេឡេនស្គី (Volodymyr Zelensky) បន្តថ្លែង​ក្នុងរដ្ឋសភា​នៃប្រទេសធំៗ នៅបស្ចឹមលោក​ជាបន្តទៀត។ ក្នុងថ្ងៃអាទិត្យនេះ លោកនឹងថ្លែងតាមរយៈប្រព័ន្ធវីដេអូ នៅក្នុងរដ្ឋសភានៃប្រទេស អ៊ីស្ត្រាអែល មុននឹងបន្តធ្វើ​ដូចគ្នានេះ ...
ដំណឹង

Brexit៖ រាស្ត្រ​អង់គ្លេស​រាប់លាន​នាក់ ទាមទារ​ឲ្យធ្វើ​ប្រជាមតិ​ជាថ្មី

បន្ទាប់ពីបាតុកម្មរបស់ពលរដ្ឋច្រើនម៉ឺនសែននាក់ កាលពីថ្ងៃសៅរ៍ចុងសប្ដាហ៍នេះ ញត្តិមួយទៀតដែល ទាមទារ​ឲ្យធ្វើ​ប្រជាមតិ​ជាថ្មី ទទួលបានមនុស្សចុះហត្ថលេខា ប្រមាណជាង៥លាននាក់ហើយ មកទល់នឹងម៉ោងនេះ។ ញត្តិនឹងដាក់សម្ពាធ កាន់តែខ្លាំងថែមទៀត ទៅលើអ្នកស្រី ថេរេសា ម៉េ (Theresa ...
កម្ពុជា

សម រង្ស៊ី ថ្លែង​ឲ្យបណ្ដាជន​លោតចេញ​ពី«កប៉ាល់ ហ៊ុន សែន»ដែល​កំពុងលិច

«យើងត្រូវតែជួយសង្គ្រោះ អ្នកដែលលោតចេញ មុនកប៉ាល់លិច ពីព្រោះជាខ្មែរដូចគ្នា» នេះ ជាការអះអាងឡើង របស់លោក សម រង្ស៊ី តបទៅនឹងការអះអាងរបស់លោកខ្លួនឯង ដែលប្រៀបធៀបស្ថានការណ៍ របស់រដ្ឋាភិបាលលោក ហ៊ុន ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...