កម្ពុជាដំណឹង

កម្ពុជា​ខ្ចីលុយ​បារាំង ២៥លាន​អ៊ឺរ៉ូ ដើម្បី​ធ្វើ​ទំនើបកម្ម​ការចែកចាយ​អគ្គិសនី

ប្រាក់កម្ចីក្នុងកម្រិត ២៥លានអ៊ឺរ៉ូ ត្រូវបានកម្ពុជាចុះហត្ថលេខា ខ្ចីពីប្រទេសបារាំង តាមរយៈទីភ្នាក់ងារបារាំងសម្រាប់ការអភិវឌ្ឍ (ជាភាសាបារាំង Agence Française de Développement – AFD) កាលពីថ្ងៃទី៦ ខែឧសភា ឆ្នាំ២០១៩ ក្នុងរដ្ឋធានីប៉ារីស ប្រទេសបារាំង។ នេះ បើតាមសេចក្ដីប្រកាសព័ត៌មាន របស់ការិយាល័យអ៊ឺរ៉ុប ដើម្បីកិច្ចសហប្រតិបត្តិការអន្តរជាតិ និងការអភិវឌ្ឍ (EU Office for International Cooperation and Development)។

ទឹកប្រាក់ខាងលើនេះ មិនបានរាប់បញ្ចូលទេ ជាមួយនឹងប្រាក់ជំនួយឥតចំណង ពីសហភាពអ៊ឺរ៉ុប ក្នុងកម្រិត ៤,១ លានអ៊ឺរ៉ូ ផ្សេងទៀត ដែលចូលរួមអនុវត្តន៍គម្រោងនេះ ក្នុងគោលដៅ ដើម្បីធ្វើទំនើបកម្មលើបណ្តាញបញ្ជូន និងចែកចាយអគ្គិសនី ក្នុងរាជធានីភ្នំពេញ និងតំបន់ជុំវិញ។

២៥លានអ៊ឺរ៉ូ + ៤,១លានអ៊ឺរ៉ូ

ទឹកប្រាក់ទាំងប្រាក់កម្ចី និងប្រាក់ជំនួយ មានចំនួនសរុប ២៩,១ លានអ៊ឺរ៉ូ ដែលត្រូវជាប្រមាណ ៣០លានដុល្លារ។

គម្រោងខាងលើ មានទិសដៅក្នុងការពង្រឹក និងអភិវឌ្ឍន៍ប្រព័ន្ធគ្រប់គ្រងអគ្គិសនី ឲ្យមានការវិវន្តន៍ ទៅរកប្រព័ន្ធឆ្លាតវៃ (Smart Grid) ដែលអាចសម្រួលយ៉ាងច្រើន ក្នុងការគ្រប់គ្រងប្រព័ន្ធបណ្តាញអគ្គិសនី ក៏ដូចជាបង្កើនប្រសិទ្ធិភាព និងនិរន្តរភាព ក្នុងការផ្គត់ផ្គង់ថាមពលអគ្គិសនី នៅកម្ពុជា។

ពិធីចុះហត្ថលេខាខាងលើ ធ្វើឡើងជាត្រីភាគី រវាងលោក «Pierre Amilhat» នាយកការិយាល័យ​អ៊ឺរ៉ុប ដើម្បីកិច្ចសហប្រតិបត្តិការអន្តរជាតិ និងការអភិវឌ្ឍ នៃសហភាពអ៊ឺរ៉ុប – លោក «Remy Rioux» នាយកគ្រប់គ្រងទូទៅ​នៃទីភ្នាក់ងារបារាំងសម្រាប់ការអភិវឌ្ឍន៍ និងលោក អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុកម្ពុជា។

សេចក្ដីប្រកាសព័ត៌មាន ដែលទស្សនាវដ្ដីមនោរម្យ.អាំងហ្វូ ទទួលបាន បានស្រង់ការលើកឡើងរបស់រដ្ឋាភិបាលកម្ពុជា មកបញ្ជាក់ថា ប្រជាពលរដ្ឋ ក្នុងរាជធានីភ្នំពេញ និងតំបន់ជុំវិញ ទទួលបានការផ្គត់ផ្គង់អគ្គិសនី មានប្រមាណជា៨២% ក្នុងពេលបច្ចុប្បន្ន។ របបក្រុងភ្នំពេញ បានគ្រោងថា នឹងធ្វើការផ្គត់ផ្គង់អគ្គិសនី សម្រាប់ពលរដ្ឋ ឲ្យបាន ១០០% នៅឆ្នាំ២០២០ខាងមុខ៕



លំអិតបន្ថែមទៀត

កម្ពុជា

ម៉ាស៊ីនឃោសនា​ក្រុង​ភ្នំពេញ ផ្សាយ​ពីដំណោះស្រាយ​មួយ… យឺត​១ខែ

ប្រព័ន្ធឃោសនារបស់របបក្រុងភ្នំពេញ បានចេញផ្សាយកាលពីមុននេះ នូវដំណោះស្រាយមួយ របស់អង្គការអ្នកប្រជាធិបតេយ្យនិយមកណ្តាលអន្តរជាតិ ដែលជំរុញឲ្យសហភាពអ៊ឺរ៉ុប «EU» សម្រេចដោយយុត្តិធម៌ ចំពោះការព្យួរប្រព័ន្ធអនុគ្រោះពន្ធ «EBA» ចេញពីប្រទេសកម្ពុជា។ បញ្ហា? នៅត្រង់ថា ដំណោះស្រាយ ...
កម្ពុជា

តំណែង​នាយករដ្ឋមន្ត្រី៖ ហ៊ុន សែន ប្រកាសបិទផ្លូវ ស ខេង – ទៀ បាញ់

គ្មានទេដំណើរ ឆ្ពោះទៅកាន់តំណែងជានាយករដ្ឋមន្ត្រី របស់លោក ស ខេង និងលោក ទៀ បាញ់ ដោយហេតុថា ទម្រាំលោក​នាយករដ្ឋមន្ត្រី ហ៊ុន សែន ចាកចេញពីអំណាច ...
កម្ពុជា

ហ៊ុន សែន ចង់ឃើញ​មុខ​«អ្នកដែលសប្បាយ»​ពេលអ៊ឺរ៉ុប​ធ្វើបាបលោក

នាយករដ្ឋមន្ត្រីកម្ពុជា លោក ហ៊ុន សែន បានប្រតិកម្មនៅថ្ងៃនេះ ថារដ្ឋាភិបាលរបស់លោក នឹងមិនខ្វល់ពីការដកប្រព័ន្ធអនុគ្រោះ របស់សហភាពអ៊ឺរ៉ុប ហៅថា «គ្រប់មុខទំនិញទាំងអស់ លើកលែងតែសព្វាវុធ – EBA» ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...