ដំណឹងពិភពលោក

នាយករដ្ឋមន្ត្រី​ក្រិច​«ផុតដំណែង»​ទទួលស្គាល់​បរាជ័យ ក្នុង​ការបោះឆ្នោត

ក្រោយការចេញផ្សាយ នូវការស្ទង់លទ្ធផលដំបូង លោក «Alexis Tsipras» នាយករដ្ឋមន្ត្រី«ផុតដំណែង» របស់ប្រទេសក្រិច បានប្រកាសទទួលស្គាល់បរាជ័យ របស់គណបក្សលោក និងបានថ្លែងជូនពរអ្នកឈ្នះឆ្នោត ក្នុងការឡើងមកដឹកនាំប្រទេសក្រិច ដែលបានចេញផុត ពីវិបត្តិក្ស័យធន កាលពីច្រើនឆ្នាំមុន។

កាលពីថ្ងៃអាទិត្យទី៧ ខែកក្កដា ឆ្នាំ២០១៩ម្សិលម៉ិញ គណបក្សអភិរក្សនិយម នៃប្រទេសក្រិច ដែលដឹកនាំដោយលោក «Kyriakos Mitsotakis» បានឈ្នះការបោះឆ្នោតជ្រើសតាំងតំណាងរាស្ត្រ ពីលើគណបក្សឆ្វេងនិយម របស់លោក «Alexis Tsipras»។ ព្រឹត្តិការណ៍នេះ ទទួលបានការចូលរួមបោះឆ្នោត ពីសំណាក់ពលរដ្ឋក្រិច ច្រើនជាង១០លាននាក់។

តាមការស្ទង់លទ្ធផលឆ្នោត ក្នុងជំហានដំបូង បានឲ្យដឹងថា លោក «Kyriakos Mitsotakis» ដែលដឹកនាំគណបក្សប្រជាធិបតេយ្យថ្មី (ND) នឹងអាចឡើងធ្វើជានាយករដ្ឋមន្ត្រី ដោយទទួលបានសម្លេងឆ្នោត ៤០ភាគរយ ទល់នឹងនាយករដ្ឋមន្ត្រីផុតដំណែង ដែលទទួលបានត្រឹមតែ ២៨.៥ភាគរយ។

ក្នុងរដ្ឋសភាក្រិច ដែលមានអាសនៈ៣០០កៅអី គណបក្សរបស់លោក «Kyriakos Mitsotakis» នឹងទទួលបាន១៦៧អសនៈ ទល់នឹងគណបក្សឆ្វេងនិយម ដែលរក្សាអសនៈរបស់ខ្លួន បានត្រឹមតែ៨២ប៉ុណ្ណោះ។ ក្នុងនីតិកាលកន្លងទៅ គណបក្សឆ្វេងនិយម របស់លោក «Alexis Tsipras» បានកាន់កាប់អសនៈក្នុងរដ្ឋសភា ១៤៤កៅអី។

លោក «Kyriakos Mitsotakis» ដែលបានឡើង មកដឹកនាំ​គណបក្សប្រជាធិបតេយ្យថ្មី (ស្ដាំនិយម) ត្រូវបានមើលឃើញថា ជាអ្នកកែទម្រង់មួយរូប ដែលមានទំនោរទៅរកពិភពជំនួញ។ លោកបានសន្យាថា នឹងធ្វើឲ្យសេដ្ឋកិច្ចក្រិច មានដំណើរការឡើងវិញ និងមិនត្រូវខ្វល់ខ្វាយ ពី«វិបត្តិ» ដែលបានញាំញីប្រទេសក្រិច សឹងតែឈានដល់ដំណាក់កាល«ក្ស័យធន់»នោះទៀតទេ៕



You may also like

កម្ពុជា

GDP ៖ គឺ​ថ្ងៃ៧មករា និង​បំណុលចិន ដែល​ប៉ះពាល់​ដល់​អធិបតេយ្យជាតិ

សម្រាប់គណបក្សប្រជាធិបតេយ្យមូលដ្ឋាន «GDP» ការទាមទាររបស់សហភាពអ៊ឺរ៉ុប តាមរយៈកិច្ចព្រមព្រៀងអ៊ឺរ៉ុប-កម្ពុជា នៃប្រព័ន្ធអនុគ្រោះពន្ធ «EBA» ក្នុងការលើកស្ទួយលទ្ធិប្រជាធិបតេយ្យ និងសិទ្ធិមនុស្សនៅកម្ពុជា មិនប៉ះពាលដល់អធិបតេយ្យភាពកម្ពុជា ជាដុំកំភួនទេ។ ផ្ទុយទៅវិញ គឺការដឹងគុណ និងសងគុណប្រទេសវៀតណាម ...
កម្ពុជា

សម រង្ស៊ី ប្ដឹងឡើងទៅ EU ករណីអាជ្ញាធរគម្រាមមន្ត្រី CNRP នៅ​មូលដ្ឋាន

លោក សម រង្ស៊ី ប្រធានស្ដីទីគណបក្សសង្គ្រោះជាតិ បានសរសេរលិខិតមួយ ដែលលោកអះអាងថា ជាពាក្យប្តឹង ឡើងទៅកាន់ មន្ត្រីទទួលខុសត្រូវជាច្រើននាក់ របស់សហភាពអឺរ៉ុប ដើម្បីពន្យល់បន្ថែមពីករណី ដែលអាជ្ញាធរកម្ពុជាធ្វើការគម្រាមកំហែង ទៅលើមន្ត្រី ...
ដំណឹង

ប្រធានាធិបតីបារាំង​អះអាង​មិន​តំឡើង​ពន្ធ​ដើម្បី​ទូទាត់​ ក្នុង​វិបត្តិ​«Covid-19»

គ្មានការតំឡើងពន្ធ ដើម្បីយកប្រាក់ មកទូទាត់ការចំណាយ ដ៏មហាសាល ក្នុង​វិបត្តិ​«Covid-19» នោះឡើយ។ នេះ ជាការអះអាងឡើង របស់ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...