កម្ពុជាដំណឹង

ក្រុមអ៊ឺរ៉ុប ផ្ដួចផ្ដើម​ដោយ EU គ្រោងផ្ដល់​​ជំនួយ​ជិត​៥០០លាន​ដុល្លារ​ឲ្យ​កម្ពុជា

ក្រុមអ៊ឺរ៉ុប (Team Europe) ដែលផ្ដួចផ្ដើមដោយ សហភាពអ៊ឺរ៉ុប (EU) កំពុង​កៀរ​គរ​ថវិកា​ចំនួន​៤៤៣​លាន​អឺរ៉ូ ដែល​ជា​កញ្ចប់​ប្រាក់​កម្ចី និង​ជំនួយ​ឥត​សំណង ដើម្បី​ធ្វើ​ការងារ​ជាមួយ​កម្ពុជា ក្នុង​ការ​កាត់​បន្ថយ​ផល​ប៉ះពាល់ ​ផ្នែក​សង្គម និង​សេដ្ឋកិច្ច​ ដែល​បណ្ដាល​មក​ពី​ជំងឺ​កូវីដ​១៩​។ នេះ បើតាមសេចក្ដីប្រកាសព័ត៌មានមួយ របស់ការិយាល័យសហភាពអ៊ឺរ៉ុប ដែលចេញផ្សាយ ក្នុងថ្ងៃសុក្រទី១២ ខែមិថុនា។

សេចក្ដីប្រកាសព័ត៌មាននោះ បានអះអាង ទឹកប្រាក់៤៤៣លានអ៊ឺរ៉ូ (ប្រមាណជា ៤៨៣​លានដុល្លារ ឬ១.៩៩០ ប៊ីលានរៀល) នឹងត្រូវប្រើប្រាស់ ទៅលើវិស័យអាទិភាព ចំនួនបី រួមមានៈការគាំទ្រដល់វិស័យសុខាភិបាល ការស្ដារខឿនសេដ្ឋកិច្ច  និងបង្កើតការងារជូនពលរដ្ឋ។

ទឹកប្រាក់ខាងលើ ជាការបញ្ចូលគ្នា នូវថវិកាវិភាជន៍ថ្មី ថវិកាដែលបានវិភាជន៍តាមកម្មវិធី និងថវិកាដែលត្រូវបានបង្វែរទិសដៅ ហើយនឹងត្រូវផ្ដល់មកកម្ពុជា តាមរយៈរដ្ឋាភិបាលក្រុងភ្នំពេញ និងអង្គការជាដៃគូ ក្នុងនោះមានទាំងអង្គការសង្គមស៊ីវិលផង។

សូមបញ្ជាក់ដែរថា ក្រុមអ៊ឺរ៉ុប ជាក្រុមដែលកើតឡើង ក្រោមកិច្ចខិតខំរួមគ្នា របស់សហភាពអ៊ឺរ៉ុប ជាមួយបណ្ដារដ្ឋជាសមាជិក ស្ថាប័នហិរញ្ញវត្ថុ និងទីភ្នាក់ងារអនុវត្តន៍នានា។ បើតាមសេចក្ដីប្រកាសព័ត៌មានដដែលនោះ បានអះអាងបន្ថែមថា សម្រាប់ប្រទេសកម្ពុជា ក្រុមអ៊ឺរ៉ុបក៏ទទួលបានការចូលរួម ពីប្រទេសស្វីស (ដែលមិនមែនជាសមាជិក​សហភាព​អ៊ឺរ៉ុប) នោះដែរ។ 



You may also like

កម្ពុជា

សម រង្ស៊ី បន្តផ្ញើរសារឲ្យ «ស ខេង វ៉ៃ ហ៊ុន សែន មុន ហ៊ុន សែន វ៉ៃ ស ខេង»

ជាថ្មីម្ដងទៀត មេដឹកនាំប្រឆាំងកម្ពុជា លោក សម រង្ស៊ី បានថ្លែងឲ្យដឹងថា រវាងលោក ហ៊ុន សែន នាយករដ្ឋមន្ត្រី និងលោក ស ខេង ...
កម្ពុជា

មេដឹកនាំសភាអ៊ឺរ៉ុប ទាមទារឲ្យ​ស៊ើបអង្កេត​ករណី​ចាប់ពង្រត់ វ៉ាន់ឆាឡឺម

សភាសហភាពអ៊ឺរ៉ុប (EU Parl) ដែលមានទីតាំងនៅក្រុងស្ត្រាប៊ួរ (Strasbourg) ប្រទេសបារាំង បានស្នើឲ្យកម្ពុជា និងថៃ ត្រូវធ្វើការស៊ើបអង្កេត ឲ្យបានម៉ត់ចត់ និងជាបន្ទាន់ ចំពោះករណីលោក វ៉ាន់ឆាឡឺម ...
កម្ពុជា

Covid-19៖ កម្ពុជា​មានករណីស្លាប់​ទី២ ក្នុងមណ្ឌល​ចត្តាឡីស័ក

Covid-19៖ ជាករណីស្លាប់ទី២ ក្នុងមណ្ឌល​ចត្តាឡីស័ក បន្ទាប់ពីករណីស្លាប់មួយមុន កាលពីថ្ងៃទី២២ ខែកក្កដាកន្លងទៅ។ ទាំងពីរករណី សុទ្ធតែត្រូវបាន​អាជ្ញាធរ​សុខាភិបាលកម្ពុជា អះអាងថា បណ្ដាលមកពីជំងឺ «ខ្យល់គ» ឬ«គាំងបេះដូង»។ ករណីទីពីរ ...

Comments are closed.

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...