សហគ្រាសផលិត​ឱសថ «Baiya Phytopharm» របស់ប្រទេសថៃ នឹងធ្វើការសាកល្បង លើមនុស្ស​នៅខែមេសា ខាងមុខ នូវ​វ៉ាក់សាំង​បង្ការជំងឺកូវីដ-១៩ (Covid-19) របស់ខ្លួន ដែលត្រូវបានចម្រាញ់ចេញ ពីរុក្ខជាតិ។ នេះ បើតាមការអះអាង របស់លោក «Thewin Wongwanich» ប្រធានអនុគណៈកម្មាធិការ​ផែនការ​អភិវឌ្ឍ​សហគ្រាសរដ្ឋ ក្នុងដើមសប្ដាហ៍នេះ។

ស្រង់សំដីដោយសារព័ត៌មាន ក្នុងប្រទេសថៃ លោក «Thewin Wongwanich» បានអះអាងថា៖

«វ៉ាក់សាំងមួយ ពីចំណោមវ៉ាក់សាំង ដែលផ្ដល់ប្រសិទ្ធិភាពដ៏ខ្ពស់ ក្នុងការបង្ការជំងឺកូវីដ គឺជាផលិតផលស្រាវជ្រាវ របស់សហគ្រាស “Baiya Phytopharm” ដែលបង្កើតឡើង ដោយក្រុមអ្នកស្រាវជ្រាវ មកពីសាកលវិទ្យាល័យ ជូឡាឡុងកន។ វ៉ាក់សាំង​របស់​សហគ្រាស​នេះ ត្រូវបានចម្រាញ់ចេញពីរុក្ខជាតិ និងត្រូវបានធ្វើតេស្ដិ៍ ទៅលើសត្វរួចហើយ ក្នុងមន្ទីរពិសោធន៍។»

បើតាមគម្រោង របស់សហគ្រាសខាងលើ ឲ្យដឹងថា ការធ្វើតេស្ដិ៍ទៅលើមនុស្ស នឹងចាប់ផ្ដើមធ្វើពីខែមេសា ហើយមានរយៈពេល រហូតដល់ខែមិថុនាខាងមុខ។

មកដល់ពេលនេះ វ៉ាក់សាំងចំនួនបី ដែលត្រូវបានអះអាង ពីប្រសិទ្ធិភាពដ៏ខ្ពស់​របស់វា ក្នុងកម្រិតសាកល្បងទៅលើមនុស្ស។ ឱសថបង្ការទាំងបីនោះ រួមមានវ៉ាក់សាំងរបស់សហគ្រាស៖

  • «Pfizer» ដែលសហការជាមួយ សហគ្រាសជីវៈបច្ចេកវិទ្យា «BioNTech» របស់អាល្លឺម៉ង់
  • «Moderna» របស់សហរដ្ឋអាមេរិក និង
  • «AstraZeneca» ដែលសហការជាមួយ សកលវិទ្យាល័យ «Oxford» របស់អង់គ្លេស

ប្រទេសសិង្ហបូរី បានអះអាងថា ខ្លួនបានបញ្ជាទិញ​វ៉ាក់សាំង «Pfizer-BionNTech» របស់អាល្លឺម៉ង់ ហើយត្រៀមទទួលវ៉ាក់សាំង មកចាក់ជូនពលរដ្ឋសិង្ហបូរី នៅក្នុងចុងឆ្នាំ២០២០នេះ។ ខណៈប្រទេសថៃវិញ បញ្ជាក់ថា ខ្លួនបានចុះហត្ថលេខា ក្នុងទឹកប្រាក់ ៦ពាន់លានបាត ដើម្បីទិញវ៉ាក់សាំង «AstraZeneca-Oxford» របស់អង់គ្លេស និងអាចចាក់ជូន​ពេលរដ្ឋថៃ ចាប់ពីអំឡុងពាក់កណ្ដាល​ឆ្នាំ២០២១​ ខាងមុខតទៅ៕



You may also like

ដំណឹង

អង្គការ​«PETA»​ព្រមានពី​«Covid-19»​តាម​ផ្សារ​សត្វព្រៃ នៅ​អាស៊ាន

បើសិនជាជំងឺ «Covid-19» បានផ្ទុះចេញពីទីផ្សារមួយ ដែលលក់សាច់សត្វព្រៃ នៅ​កណ្ដាល​ក្រុង វូហាន (Wuhan) នៃប្រទេសចិននោះ ទីផ្សារសត្វព្រៃទាំងឡាយ នៅតាម​បណ្ដា​ប្រទេស នៅ​អាស៊ាន មិនត្រូវបានអាជ្ញាធរ នៅក្នុងប្រទេសទាំងនេះ ...
ដំណឹង

Covid-19 ៖ បូរីស ចនសុន ចេញពីប្លុក«សង្គ្រោះបន្ទាន់»

នាយករដ្ឋមន្ត្រីអង់គ្លេស លោក បូរីស ចនសុន (Boris Johnson) ត្រូវបានយកចេញ ពីប្លុក«សង្គ្រោះបន្ទាន់»ហើយ នៅល្ងាចថ្ងៃព្រហស្បត្តិ៍នេះ។ លោកត្រូវបានបញ្ជូនបន្តរ ទៅកាន់សេវាព្យាបាលផ្សេងទៀត នៃមន្ទីរពេទ្យ «St ...
កម្ពុជា

ហ៊ុន សែន មិនប្រកាសអាសន្ន បន្ទាប់ពី​ផ្ទុះឆ្លងចូល​សហគមន៍​«៣២ករណី»

មកដល់ម៉ោងនេះ នាយករដ្ឋមន្ត្រីកម្ពុជា លោក ហ៊ុន សែន នៅមិនទាន់ប្រកាស ដាក់ប្រទេស​ឬតំបន់មួយចំនួន ឲ្យស្ថិត​ក្នុង​ភាពអាសន្ន​នៅឡើយ បន្ទាប់ពីកម្ពុជា​បានរកឃើញការឆ្លងមេរោគកូវីដ-១៩ (Covid-19) ចំនួន​«៣២ករណី» ក្នុងថ្ងៃសៅរ៍ទី២០ ខែកុម្ភៈ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...