Covid-19៖ ជាករណីស្លាប់ទី២ ក្នុងមណ្ឌល​ចត្តាឡីស័ក បន្ទាប់ពីករណីស្លាប់មួយមុន កាលពីថ្ងៃទី២២ ខែកក្កដាកន្លងទៅ។ ទាំងពីរករណី សុទ្ធតែត្រូវបាន​អាជ្ញាធរ​សុខាភិបាលកម្ពុជា អះអាងថា បណ្ដាលមកពីជំងឺ «ខ្យល់គ» ឬ«គាំងបេះដូង»។

ករណីទីពីរ បានកើតឡើង​នៅព្រឹកថ្ងៃទី២ ខែមករា ឆ្នាំ២០២១ ទៅលើបុរសម្នាក់ អាយុ៥២ឆ្នាំ ដែលរស់នៅក្នុងស្រុក អូរាំងឪ ខេត្តត្បូងឃ្មុំ និងដែលទទួលមរណភាព ក្នុងមណ្ឌលចត្តាឡីស័ក វិទ្យាល័យ«ត្បូងឃ្មុំ»។ នេះ បើតាមសេចក្ដីជូនដំណឹង របស់អ្នកស្រី ឱ វណ្ណឌីន អ្នកនាំពាក្យ​ក្រសួងសុខាភិបាល ក្នុងយប់ថ្ងៃដដែល។

អ្នកស្រី ឱ វ៉ាន់ឌីន បានបញ្ជាក់ថា បុរសវ័យកណ្ដាលមនុស្សរូបនេះ ជាពលករខ្មែរ ដែលបានវិលត្រឡប់​ពីប្រទេសថៃវិញ កាលពីថ្ងៃទី២៨ ខែធ្នូ ឆ្នាំ២០២០ ហើយត្រូវបន្តឱ្យធ្វើចត្តាឡីស័ក នៅខេត្តត្បូងឃ្មុំ ចាប់ពីថ្ងៃទី២៩ ខែធ្នូ ឆ្នាំ២០២០ មក។ អ្នកស្រីថា សំណាករបស់​បុរសរងគ្រោះ ដែលត្រូវបានយកទៅពិនិត្យ បានទទួលលទ្ធផល«អវិជ្ជមាន»។

អ្នកនាំពាក្យបានឲ្យដឹងទៀតថា៖

«ការសន្និដ្ឋាន របស់ក្រុមគ្រូពេទ្យកោសល្យវិច្ច័យ គឺសាមីសពមានជំងឺចុកបេះដូង ហើយគាំងបេះដូងភ្លាមៗ ដែលធ្វើឲ្យដួលបោកក្បាល នឹងកន្ថោរបង្គន់ នៅវេលាម៉ោងប្រហែលជា៩ និង១០នាទីព្រឹក នៃថ្ងៃទី២ ខែមករា ឆ្នាំ២០២១។»

ចំពោះករណីទី១ ដែលបានកើតឡើង​ក្នុងខេត្តត្បូងឃ្មុំដដែល ជាករណីមរណភាព របស់យុវជនពេញកម្លាំងមួយរូប អាយុ២១ឆ្នាំ ដែលជា​ពលករ ធ្វើដំណើរតាមផ្លូវគោក ត្រឡប់ពី​ប្រទេស​ម៉ាឡេស៊ី ដោយ​ឆ្លងកាត់​តាមប្រទេសថៃ កាលពីថ្ងៃទិ១៥ ខែកក្កដា ឆ្នាំ២០២០ តាមច្រក​ប៉ោយប៉ែត។ យុវជនបានស្លាប់​ក្នុង​យប់ថ្ងៃពុធ ទី២២ ខែកក្កដា ឆ្នាំ២០២០ ក្នុងមណ្ឌល​ចត្តាឡីស័ក អនុវិទ្យាល័យ​«ស្វាយឃ្លាំង»។

មិនខុសគ្នាពីករណីទី២ទេ ព្រោះអាជ្ញាធរសុខាភិបាលកម្ពុជា សុទ្ធតែបានអះអាងថា យុវជនខាងលើ បានធ្វើតេស្ដិ៍ចេញលទ្ធផល«អវិជ្ជមាន» និងថា មរណភាពរបស់យុវជន គឺបណ្ដាលមកពី«​ខ្យល់គរ» ព្រោះ​មានអាកា​រ​ត្រជាក់​រាងកាយ សន្លប់​បាត់ស្មារតី មុននឹង​ស្លាប់។

មកដល់ថ្ងៃទី០៣ ខែមករា ឆ្នាំ២០២១នេះ កម្ពុជាបានរកឃើញអ្នកឆ្លង ជំងឺកូវីដ-១៩ (Covid-19) សរុបចំនួន៣៨១នាក់ ក្នុងនោះអ្នកជាសះស្បើយ មានចំនួន៣៦២នាក់ និងអ្នកជំងឺ ដែលកំពុងសម្រាកនៅមន្ទីរពេទ្យ មានចំនួន១៩នាក់៕



លំអិតបន្ថែមទៀត

ដំណឹង

គណៈកម្មការអ៊ឺរ៉ុបស្នើមូលនិធិ ៧៥,០០០កោដិអ៊ឺរ៉ូ ដើម្បីស្ដារសេដ្ឋកិច្ចឡើងវិញ

គណៈកម្មការអ៊ឺរ៉ុប (ឬហៅម្យ៉ាងទៀត ជារដ្ឋាភិបាលសហភាពអ៊ឺរ៉ុប) បានស្នើឲ្យមាន កញ្ចប់ថវិកាមួយឡើង មានទំហំ ៧៥,០០០កោដិអ៊ឺរ៉ូ (ប្រមាណជា៧៨០កោដិដុល្លារអាមេរិក) ដើម្បីអនុញ្ញាតឲ្យសេដ្ឋកិច្ច របស់សហភាព មានដំណើរការឡើងវិញ បន្ទាប់ពីវិបត្តិជំងឺ«Covid-19»។ លោក ...
ដំណឹង

Covid-19៖ ស្ថាប័នស្ថិតិអង់គ្លេស ថាអ្នកស្លាប់​មានជាង ៤១ ០០០នាក់

អ្នកជំងឺជាង ៤១ ០០០នាក់ បានស្លាប់ ដោយសារមេរោគ «Covid-19» នៅចក្រភព អង់គ្លេស ក្នុងនោះអ្នកជំងឺជិត ១០ ០០០នាក់ ជាមនុស្សជរា ដែលស្នាក់ក្នុង​គ្រឹះស្ថាន​ចូលនិវត្តន៍។ ...
ដំណឹង

អ.ស.ប ប្រាប់​បណ្ដារដ្ឋាភិបាល កុំប្រើ​«Covid-19»​ដើម្បី​រំលោភ​សិទ្ធិមនុស្ស

នៅពេលដែលរដ្ឋាភិបាលទាំងឡាយ ជួបប្រទះនឹងបញ្ហា គួរឱ្យភ័យខ្លាច ក្នុងការការពារប្រជាជន ពីជំងឺកូវីដ-១៩ (Covid-19) ឧត្តមស្នងការ អ.ស.ប ទទួលបន្ទុកសិទ្ធិមនុស្ស អ្នកស្រី មីស្សែល ​បាស្សេឡែត (Michelle ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

កម្ពុជា

កម្ពុជា ជាប់ឈ្មោះ​​ក្នុងបញ្ជី​​នៃក្រុមប្រទេស​«វាយបង្ក្រាប​សិទ្ធិពលរដ្ឋ»

ប្រទេសកម្ពុជា​ទើបត្រូវបានចាត់ចូល ក្នុងបញ្ជីនៃក្រុមប្រទេស«វាយបង្ក្រាប​សិទ្ធិពលរដ្ឋ» របស់អង្គការ«សម្ព័ន្ធភាពពិភពលោក នៃបណ្ដាអង្គការសង្គមស៊ីវិល និងសកម្មជន» ហៅកាត់ថា«CIVICUS» ដែលមានសមាជិកប្រមាណជាង ៩០០០អង្គការសង្គមស៊ីវិល មកពី១៧៥ប្រទេស នៅជុំវិញផែនដី។ ការចុះបញ្ជីនេះ បានធ្វើឡើងបន្ទាប់ពីការសម្រេចថ្មីបំផុត របស់រដ្ឋាភិបាលលោក ...