ដំណឹងពិភពលោក

នៅរុស្ស៊ី ទារកម្នាក់​កើតមក មានផ្ទុក​មេរោគ «Covid-19»

ទារកមួយរូប ត្រូវបានរកឃើញថា មានផ្ទុក​មេរោគ «Covid-19» បន្ទាប់ពីទារករូបនោះ បានចាប់កំណើត ពីផ្ទៃផ្ដាយ ដែលបានឈឺ​ជំងឺនេះ​រួចហើយ។ នេះ បើការអះអាង​របស់​អាជ្ញាធរ​សុខាភិបាល​តំបន់ នៃប្រទេសរុស្ស៊ី កាលពីថ្ងៃអាទិត្យ។

ករណីឆ្លងពីម្ដាយ ទៅដល់ទារកនៅក្នុងផ្ទៃ បានកើតឡើង កាលពីចុងសប្ដាហ៍នេះ នៅក្នុង​សារធារណរដ្ឋ «North Ossetia–Alania» នៃតំបន់កូកាស (ភាគខាងត្បូង នៃប្រទេស​រុស្ស៊ី)។

ទីភ្នាក់ងារព័ត៌មាន «TASS» របស់រដ្ឋរុស្ស៊ី បានស្រង់សំដីមន្ត្រីអ្នកនាំពាក្យ របស់អាជ្ញាធរ​សុខាភិបាល ប្រចាំ​តំបន់ មកផ្សព្វផ្សាយថា៖

«ស្ត្រីមានផ្ទៃពោះម្នាក់ បានឈឺជំងឺ “Covid-19″។ ទារករបស់ស្ត្រីរូបនោះ ក៏បានចាប់​កំណើត​មក ដោយមានផ្ទុកមេរោគនេះដែរ។»

«ពួកគេ (ទាំងម្ដាយ និងកូន) បានត្រឡប់ទៅផ្ទះវិញ ហើយស្ថានភាពសុខភាព របស់​ពួកគេ មានលក្ខណៈធម្មតា។»

ទារកខាងលើ បានកើតនៅក្នុងមន្ទីរពេទ្យក្រុង «Beslan»។ នៅទីនោះ ស្ត្រីមានផ្ទៃពោះ ចំនួន​១៧នាក់ ដែលឆ្លងជំងឺ «Covid-19» កំពុងរង់ចាំ«ឆ្លងទន្លេ»។ នេះ បើតាម​អ្នក​ទទួលខុសត្រូវ​មួយរូប នៃមន្ទីរពេទ្យនោះ ដែលត្រូវបានស្រង់សំដី ដោយទូរទស្សន៍​ក្នុងស្រុក។

យ៉ាងណា ករណីទារកកើតមក មានផ្ទុកមេរោគរួចជាស្រេច នៅក្នុងប្រទេសរ៉ុស្ស៊ីនេះ មិនមែន​​ជាករណីដំបូងគេទេ។ កាលពីពាក់កណ្ដាលខែមេសា អាជ្ញាធរនៃប្រទេសប៉េរូ (ទ្វីបអាមេរិកខាងត្បូង) ក៏បានអះអាងថា មានទារកមួយរូប បានចាប់កំណើត ដោយមាន​ផ្ទុកមេរោគ «Covid-19» នោះដែរ៕



You may also like

កម្ពុជា

សម រង្ស៊ី៖ ទង្វើ ហ៊ុន សែន ដែលមិនឲ្យ​ពលរដ្ឋ​វិលចូល​ស្រុក រំលោភ​រដ្ឋធម្មនុញ្ញ

មេដឹកនាំគណបក្សប្រឆាំង លោក សម រង្ស៊ី បានប្រតិកម្មតបនឹងការបដិសេធ របស់លោកនាយករដ្ឋមន្ត្រី ហ៊ុន សែន ដែលហាមពលរដ្ឋខ្មែរ ប្រមាណជា១៥០នាក់ មិនឲ្យវិលពីប្រទេសម៉ាឡេស៊ី ត្រឡប់ចូលកម្ពុជានោះ គឺទង្វើរំលោភរដ្ឋធម្មនុញ្ញយ៉ាងធ្ងន់ធ្ងរ។ ...
កំសាន្ដ

វ្លាឌីមៀ ពូទីន ចុះងូតទឹកកក ដែលមាន​សីតុណ្ហភាព -២០ដឺក្រេ

ចុះងូតទឹកកក ដែលមានសីតុណ្ហភាព -២០ដឺក្រេ តើអាចទៅរួចឬទេ? ក្នុងថ្ងៃអង្គារទី១៩ ខែមករានេះ លោក វ្លាឌីមៀ ពូទីន (Vladimir Poutine) ប្រធានាធិបតីនៃប្រទេសរ៉ុស្ស៊ី បានចុះងូតទឹកកក ...
ដំណឹង

សង្គ្រាម​នៅអ៊ុយក្រែន៖ EU ផ្អាកការផ្សាយរបស់ «ប្រព័ន្ធផ្សព្វផ្សាយ​រ៉ុស្ស៊ី​»

នៅថ្ងៃទី៤ នៃសង្គ្រាមឈ្លានពានប្រទេសអ៊ុយក្រែន ដោយកងទ័ពរ៉ូស្ស៊ី ប្រព័ន្ធផ្សព្វផ្សាយ​រ៉ុស្ស៊ី​ ឬ​ដែលស្និត​នឹងវិមានក្រឹមឡាំង ត្រូវបានសហភាពអ៊ឺរ៉ុប «EU» សម្រេចឲ្យផ្អាកការផ្សាយរបស់ខ្លួន នៅលើទឹកដីនៃសមាជិកទាំង២៧ប្រទេស​ របស់សហភាព។ បម្រាមនេះត្រូវបានប្រកាសឡើង ដោយអ្នកស្រី «Ursula ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...