ក្រុមអ្នកជំនាញរបស់អង្គការសុខភាពពិភពលោក (WHO /OMS) ដែលត្រូវបានបញ្ជូនទៅកាន់ក្រុង វូហាន (Wuhan) ប្រទេសចិន ដើម្បីស៊ើបអង្កេតពីដើមកំណើត នៃជំងឺរាតត្បាតកូវីដ-១៩ (Covid-19) បានអះអាងថា ជំងឺដ៏ចង្រៃ ទំនងជាឆ្លងចេញពីសត្វ តែមិនបានបញ្ជាក់ថា សត្វដែលជាភ្នាក់ងារចម្លងនោះ ជាសត្វអ្វីទេ។

ក្រុមអ្នកស៊ើបអង្កេត របស់អង្កការសុខភាពពិភពលោក ដឹកនាំដោយអ្នកវិទ្យាសាស្ត្រ ជាតិដាណឺម៉ាក លោក «Peter Ben Embarek» បានថ្លែងអះអាងដូច្នេះ នៅក្នុងសន្និសីទ​សារព័ត៌មាន​មួយ ក្នុងរសៀលថ្ងៃទី៩ ខែកុម្ភៈ ឆ្នាំ២០២១​នេះ ពីក្រុងវូហាន ដោយមានការចូលរួម ពីអ្នកទទួលខុសត្រូវ របស់ប្រទេសចិនផង។

របាយការណ៍របស់អ្នកជំនាញអន្តរជាតិ បានអះអាងថា ការអះអាងដែលត្រឹមត្រូវជាងគេ គឺជំងឺកូវីដ-១៩ ទំនងជា​ឆ្លងចេញ​ពីសត្វ ទីមួយ រួចហើយឆ្លងទៅកាន់សត្វដទៃទៀត មុននឹងវាឆ្លងមកមនុស្ស។ តែក្រុមអ្នកជំនាញ បានអះអាង​ថា សត្វដែលទំនងជាចម្លងរោគ មកមនុស្ស មិនទាន់អាចកំណត់ថា ជាសត្វអ្វីនៅឡើយ។

លោក «Peter Ben Embarek» បានថ្លែងក្នុងសន្និសីទសារព័ត៌មាននោះថា ក្រុមអ្នកជំនាញត្រូវធ្វើការស្រាវជ្រាវ ឲ្យបានស៊ីជម្រៅ និងចំទិសដៅ ជាច្រើនទៀត ដើម្បីដឹងពីប្រភពដើម នៃជំងឺរាតត្បាត។

ក្រុមអ្នកជំនាញ ក៏បានស្រាវជ្រាវទៅលើការសង្ស័យ នៃការបែកធ្លាយមេរោគ ចេញពីមន្ទីរពិសោធន៍ចិន ដែលស្ថិតនៅ​ជាយក្រុង នៃក្រុង វូហាន នោះដែរ។ បើតាមការស៊ើបអង្កេតនោះ បញ្ជាក់ថា «មានភាគរយខ្ពស់បំផុត ដែល​ការសង្ស័យ​ខាងលើ មិនអាចកើតឡើងបានទេ»។

សំនួរដែលអ្នកជំនាញ របស់អង្គការពិភពលោក ចង់ដឹងដែរនោះ ថាតើជំងឺរាតត្បាត បានផ្ទុះឡើងតំបូង នៅ​ពេលណា។ បើការប្រកាសជាផ្លូវការ របស់អាជ្ញាធរចិនបញ្ជាក់ថា ជំងឺកូវីដ-១៩បានផ្ទុះឡើង នៅខែធ្នូ ឆ្នាំ២០១៩នោះ តែការលើកឡើង​ផ្សេងទៀត បានអះអាងថា ជំងឺនេះទំនងផ្ទុះឡើង នៅមុនពេលនេះ។

តែរបាយការណ៍របស់អ្នកជំនាញ បានឲ្យដឹងថា៖

«មិនមានភស្ដុតាង​គ្រប់គ្រាន់ទេ ដើម្បីបញ្ជាក់ថា មេរោគ​បានបង្ហាញ​វត្តមាន តាំងពីមុន​ខែធ្នូ៕»



លំអិតបន្ថែមទៀត

ដំណឹង

Covid-19៖ បារាំងបន្ត​«បម្រាមបិទប្រទេស»​​ក្នុងរលកទី២

បម្រាមបិទប្រទេស មិនមានការផ្លាស់ប្ដូរទេ បន្ទាប់ពីចំណាត់ការនេះ ( បម្រាមបិទប្រទេស ) ត្រូវបានដាក់ជាថ្មី កាលពីចុងខែតុលា ដើម្បីទប់ស្កាត់រលកទីពី នៃការរាតត្បាតជំងឺ «Covid-19»។ នេះ ជាការអះអាងឡើង ...
ដំណឹង

កងទ័ព​ចិន​និង​សព្វាវុធ ត្រូវបាន​ឃើញ​ចល័ត​មក​ជាប់«ព្រំដែន»​ហុងកុង

កងកម្លាំងអាវុធហត្ថ របស់ប្រទេសចិន ត្រូវបានចល័ត ឲ្យមកឈរជើង និងហ្វឹកហាត់ នៅក្នុងកីឡដ្ឋានមួយ នៃក្រុង «Shenzhen» ដែលនៅជាប់ជាមួយ«ព្រំដែន»​ក្រុងហុងកុង។ នេះ បើតាមការសេចក្ដីរាយការណ៍ របស់ទីភ្នាក់ងារព័ត៌មានបារាំង «AFP» ...
ដំណឹង

អ៊ីតាលី៖ គ្រូពេទ្យស្នើឲ្យរដ្ឋាភិបាល​«បិទប្រទេសទាំងស្រុង»ឡើងវិញ

ក្រុមគ្រូពេទ្យអ៊ីតាលី បានស្នើឲ្យរដ្ឋាភិបាល​«បិទប្រទេសទាំងស្រុង»​ឡើងវិញ និងជាបន្ទាន់ ដើម្បីទប់ស្កាត់​រលកទី២ នៃការរាតត្បាតជំងឺ«Covid-19»។ ពួកគេទាំងនោះបាន​លើកឡើង​ថា ស្ថានភាព​ក្នុងប្រទេស​អ៊ីតាលី នៅពេលនោះ មានលក្ខណៈ​«គ្រប់គ្រង​លែងបាន»។ ប៉ុន្មានសប្ដាហ៍ចុងក្រោយនេះ ប្រទេសអ៊ីតាលីមានអ្នកជំងឺកូវីដថ្មី រវាងពី៣០០០០ ទៅ៤០០០០នាក់ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...